Yakkasaroyda “Ustozlar milliy forumi” boʻlib oʻtdi

🗣️ Yakkasaroy tumanidagi 91-sonli ixtisoslashtirilgan umumtaʼlim maktabida “Yangi Oʻzbekiston maktab ostonasidan boshlanadi” shiori ostida uchinchi “Ustozlar milliy forumi” Yakkasaroy tumani bosqichi koʻtarinki ruhda oʻtkazildi.

⌛ Unda Yakkasaroy tumani maktabgacha va maktab taʻlimi boʻlimi boshligʻi, Taʻlim va fan xodimlari Kasaba uyushmasi federatsiyasi tuman boʻlimi, maktabgacha va maktab taʻlim tashkilotlari rahbarlari hamda pedagog oʻqituvchilar, faxriy pedagoglar ham qatnashdilar.

🔼 Ushbu tadbirda Yangi oʻquv yiliga tayyorgarlik koʻrish, yangi oʻquv yilida amalga oshiriladigan ishlar yuzasidan masʼullarning hisobotlari eshitildi.

Tadbir yakunida taʻlim muassasalarining salohiyatli, fidoiy va tajribali pedagog-oʻqituvchilarga maktabgacha va maktab taʼlim boʻlimi Rahbari S.Kirgibayev hamda Kasaba uyushmasi tuman boʻlimi raisi tomonidan tashakkurnoma va esdalik sovgʻalar taqdirlandi.

✍️ Yakkasaroy tuman hokimligi Matbuot xizmati