Sektor rahbarlari ishtirokida uchrashuv bo‘lib o‘tdi

✨ Bugun Yakkasaroy tumanidagi “Inson” ijtimoiy xizmatlar tuman markazida mahallalarda biriktirilgan ijtimoiy xodimlarni tanishtirish bo‘yicha uchrashuv bo‘lib o‘tdi.

📎 Unda Yakkasaroy tumani hokimi Nilufar Allabergenova, tuman prokurori Bekzod Shamsiyev, tuman soliq inspeksiyasi boshlig‘i Abdumuxtor Malikov, hokim o‘rinbosari I.Raximov, mahalla raislari, tuman “Inson” ijtimoiy xizmatlar tuman markazi rahbar xodimlari, mahallada biriktirilgan xodimlar ishtirok etdilar.

👉🏻 So‘nggi yillarda aholining ijtimoiy himoyasini kuchaytirish, davlat tomonidan fuqarolarga ijtimoiy xizmat ko‘rsatish ko‘lami va turlarini kengaytirish bo‘yicha tizimli ishlar amalga oshirilmoqda.

🗂 Uchrashuvda tuman hokimi N.Allabergenova ijtimoiy xodimlarga biriktirilgan mahallalarda istiqomat qiluvchi ijtimoiy himoyaga muhtoj aholi qatlami bilan uchrashib, ularning murojaat va muammolariga ijobiy yechim topish borasida kerakli ishlarni bajarish bo‘yicha yo‘nalishlar belgilab berdi.

✍🏻 Yakkasaroy tuman hokimligi Matbuot xizmati