BIZ+SIZ+ULAR=BARCHAMIZ MAS’ULMIZ

✅ Ma’naviyat jamiyat taraqqiyoti, millat kamoloti va shaxs barkamolligini belgilab beruvchi asosiy omil hisoblanadi. Chunki, ma’naviyat rivojlangandagina jamiyatda iqtisodiy va ijtimoiy – siyosiy barqarorlik vujudga keladi.

🫥 Bugun Yakkasaroy tumanidagi 127-sonli umumiy o‘rta ta'lim maktabida “Jaholatga qarshi ma’rifat bilan kurashaylik” shiori ostida bo‘lib o‘tgan targ‘ibot tadbirida ham aynan shu haqda so‘z yuritildi.

💠 Tadbirda Din ishlari bo'yicha qo'mita raisining maslahatchisi Marupov Ilhom, tuman ma’naviyat va ma’rifat bo‘limi mas’ullari, tumandagi ijtimoiy soha xodimlari, mahalla fuqarolari va yoshlar ishtirok etdilar.

🫥 Har qanday kasallikning oldini olish uchun, avvalo, kishi organizmida unga karshi immunitet hosil qilinadi.Fikrga qarshi fikr, g‘oyaga qarshi g‘oya, jaholatga qarshi ma’rifat bilan kurashish har qachongidan ko‘ra muhim ahamiyat kasb etmoqda. Demak, bugungi yoshlar ma’naviyatli, milliy qadriyatlarga sodiq, dunyo qarashi keng, oshkora va pinhona ko‘rinishdagi ma’naviy tahdidlarga doim tayyor turadigan, zamon bilan barobar qadam tashlaydigan inson bo‘lishi lozim,-deydi Din ishlari bo'yicha qo'mita raisining maslahatchisi Marupov Ilhom.

⚡️So‘zga chiqqanlar komil insonni, sog‘lom avlodni tarbiyalash uchun g‘oyaviy bo‘shliqqa yo‘l qo‘ymaslik, bo‘shliq o‘rnini vayronkor va buzg‘uncha yot g‘oyalar egallashini oldini olish uchun esa faqat o‘qish, ilm o‘rganish joizligini asosli tarzda tushuntirdilar.

✍️ Yakkasaroy tuman hokimligi Matbuot xizmati