Yakkasaroyda Voleybol bo‘yicha «Ichki ishlar vaziri kubogi» musobaqasining tuman bosqichi o‘tkazildi

🟢 Mamlakatimizda sportni rivojlantirish, uyushmagan yoshlarni sportga jalb etish maqsadida sektorlarda bir qator musobaqalar uyushtirilib, bu yoshlarning imkoniyatlarini ro‘yobga chiqarishga xizmat qilmoqda.

💠Bugun xabar berganimizdek, Yakkasaroy tumanidagi 48-sonli umum ta’lim maktabida qiz va o‘g‘il bolalar o‘rtasida voleybol bo‘yicha “Ichki ishlar vaziri kubogi” musobaqasining tuman bosqichi o‘tkazildi.

➡️ Qizg‘in va murosasiz kechgan bahslarda musobaqa ishtirokchilar bor mahorat va tajribalarini ishga solib g‘oliblik uchun kurashdilar.

🏆 Musobaqa natijalariga ko‘ra qizlar o‘rtasida 1-o‘rin 48-maktab, 2-o‘rin 160-maktab, 3-o‘rin esa 100-makatb o‘quvchilariga nasib qildi.

🏆 O‘g‘il bolalar o‘rtasida esa 1-o‘rin 91-maktab, 2-o‘rin 48-maktab, 3-o‘rinni esa 144-maktab o‘quvchilari qo‘lga kiritdilar.

💠 G‘olib jamoalarga Yakkasaroy tuman IIO FMB boshlig‘i o‘rinbosari Sanjar Hamidov musobaqa kubogi, diplom va sovg‘alarni topshirdi.

✍️ Yakkasaroy tuman hokimligi Matbuot xizmati

Korrupsiyaga qarshi kurashish – barchamizning burchimiz!

➡️ Hech kimga sir emaski, bugungi kunda korrupsiya xalqaro muammoga aylandi va bu masalaga juda jiddiy e’tibor qaratilyapti. Ayniqsa, davlat va jamiyat hayotining barcha sohalarida korrupsiyaning oldini olish, aholining huquqiy ongi va huquqiy madaniyatini yuksaltirish orqali jamiyatda korrupsiyaga nisbatan murosasiz munosabatni shakllantirish muhim vazifalardan biri etib belgilab qo‘yildi.

💠 Bugun Yakkasaroy tumanidagi 135-sonli umumiy o‘rta ta’lim maktabida “Korrupsiyaga qarshi kurashish – barchamizning burchimiz” mavzusida tumandagi maktab va maktabgacha ta’lim tashkiloti rahbarlari ishtirokida targ‘ibot tadbiri o‘tkazildi.

🟢 Unda Yakkasaroy tumani maktabgacha va maktab ta’limi bo‘limi boshlig‘i Mustafayeva Dilfuza, mas’ullar ishtirok etib, korrupsiyaning oldini olish bo‘yicha maktab va maktabgacha ta’lim tashkilotlarida faoliyat yuritayotgan xodimlarning huquqiy savodxonligini oshirish, korrupsiyaga qarshi murosasiz munosabatni shakllantirish, xizmat intizomi, odob-axloq qoidalari va ichki tartib qoidalariga rioya etilishi kerakligi haqida takidlab o‘tdi.

➡️ Tadbir so‘nggida bu illat jamiyat va mamlakat taraqqiyotiga jiddiy tahdid ekanligi, buni har bir xodim to‘g‘ri tushungan holda halol-pok bo‘lib xizmat qilishi, hech qachon bu jinoyatga qo‘l urmasligi lozimligi eslatib o‘tildi.

✍️Yakkasaroy tuman hokimligi Matbuot xizmati