🖇 Xabar berganimizdek, Prezident Administratsiyasi masʼul xodimi, tuman hokimi Nilufar Allabergenova, tuman prokuro o‘rinbosari hamda masʼul tashkilotlar bilan Yakkasaroy tumanida tuman gaz taʼminoti tizimining barqaror ishlashini taʼminlash maqsadida avariya brigadalarining tayyorgarlik holati oʻrganildi.

💠 Yakkasaroy tumanida tuman gaz taʼminoti boʻlimi avariya brigadalarining shaylik holati shartli holatda sinovdan oʻtkazildi.

💠“Yakkasaroy” mahalla fuqarolar yigʻini hududida joylashgan gaz taqsimlash punktida gaz sizib chiqishi haqidagi Hududgaz taʼminoti dispetcherlik xizmatiga yetkazildi.

💠 Avariya brigadalari tezkorlik bilan harakatga tushib, voqea joyiga yetib kelishdi. Ular oʻz vazifalarini toʻliq masʼuliyat bilan bajarib, zarur anjom va asbob-uskunalar tayyorgarlik holati tekshirildi. Mas'ullar tomonidan har bir harakat yoʻnalishi boʻyicha aniq koʻrsatmalar berildi.

Navbatchi brigada tomonidan yuzaga kelgan nosozlik qisqa muddatda bartaraf etilib, hududda xavfsizlik taʼminlandi.

💢 Bu kabi mashgʻulotlar avariya holatlarida tezkorlik va samaradorlikni oshirish, shuningdek, xodimlarning vaziyatga tayyorgarlik darajasini yanada kuchaytirishda katta ahamiyat kasb etadi. Qoʻshimcha ravishda, bunday ishlarning oʻtkazilishi fuqarolar xavfsizligini taʼminlash yoʻlida muhim qadamlardan biri sanaladi.

✍️ Yakkasaroy tuman hokimligi Matbuot xizmati