Sarhisob

💠 Bugun Yakkasaroy tumanida joylashgan “Asaka bank”ning avtotransport filiali binosida aholi daromadlarini oshirish, yangi ish o‘rinlari yaratish hamda Yakkasaroy tumanida tadbirkorlikni qo‘llab-quvvatlashga qaratilgan uchrashuv bo‘lib o‘tdi.

💠 Tadbirda tuman hokimining birinchi o‘rinbosari Nurbek Shamsiyev, bank rahbarlari, Kambg‘allikni qisqartirish va bandlikka ko‘maklashish bo‘limi boshlig‘i, shuningdek, tumandagi faol tadbirkorlar ishtirok etdilar.

💠Uchrashuv davomida Yakkasaroy tumanida amalga oshirilayotgan ijtimoiy-iqtisodiy loyihalar bo‘yicha sarhisob qilindi. Qatnashchilar aholining daromadlarini oshirish, yangi ish o‘rinlari yaratish, kichik va o‘rta biznes sub’ektlarini qo‘llab-quvvatlash bo‘yicha takliflar bildirishdi. Shuningdek, mahalliy tadbirkorlarning muammolarini hal etish hamda ularni moliyaviy resurslar bilan ta’minlash masalalari muhokama qilindi.

💢 Ushbu uchrashuv mahalliy hokimiyat va tadbirkorlar o‘rtasidagi hamkorlikni mustahkamlashga, tumanda bandlik darajasini oshirishga xizmat qilishi kutilmoqda.

✍️Yakkasaroy tumakn hokimligi Matbuot xizmati

Yakkasaroy tumanida ko‘p qavatli uylar atrofi obodonlashtirilmoqda

💢 Yakkasaroy tumanining 1-sektor hududida aholi uchun qulay muhit yaratish maqsadida obodonlashtirish ishlari faol olib borilmoqda.

💠 Ko‘p qavatli uylarga xizmat ko‘rsatuvchi BSK xodimlari tomonidan uylar atrofi tozalanib, hududga ozodalik va tartib kiritilmoqda.

💠 Shuningdek, har bir ko‘p qavatli uyning kirish qismi oldiga qish mavsumiga tayyorgarlik doirasida qum va tuz zahiralari jamlanmoqda. Bu ishlar fuqarolar uchun xavfsiz va qulay sharoit yaratishga xizmat qiladi.

✍️ Yakkasaroy tuman hokimligi Matbuot xizmati