Masʼullarga kerakli vazifalar belgilab berildi

➡️ Toshkent shahrida 15-yanvardan 15-fevralgacha oʻtkazilayotgan "Xavfsiz va sogʻlom poytaxt" maxsus tezkor-profilaktik tadbiri doirasida turli yoʻnalishlarda xavfsizlikni taʼminlash, aholining ijtimoiy faolligini oshirish va jamoat tartibini mustahkamlashga qaratilgan chora-tadbirlar amalga oshirilmoqda.

📱 Bugun, mazkur tadbir doirasida Yakkasaroy tuman hokimligida yigʻilish boʻlib oʻtdi.

🔼 Unda tuman sektor rahbarlari, taʼlim muassasalari direktorlari, huquq-tartibot idoralari xodimlari hamda boshqa tegishli tashkilot va idoralar vakillari ishtirok etdi.

✨ Yigʻilishda tumanda aholi xavfsizligini taʼminlash, maktab va mahallalarda tartib-intizomni mustahkamlash, jamoat joylarida jinoyatchilikka qarshi kurashish, shuningdek, yoshlar oʻrtasida salbiy illatlarning oldini olish boʻyicha keng qamrovli vazifalar belgilab olindi.

➡️ Shuningdek, tumanda jamoatchilikning faolligini oshirish, ular bilan samarali muloqot oʻrnatish hamda xavfsizlikni taʼminlash maqsadida hamkorlikda ish olib borish masalalari muhokama qilindi. Har bir ishtirokchiga oʻz yoʻnalishi boʻyicha masʼuliyat yuklanib, aniq amaliy tadbirlarni bajarish boʻyicha topshiriqlar berildi.

✍️ Yakkasaroy tuman hokimligi Matbuot xiziati

Mas’ullarga vazifalar belgilab berildi

🔼 Bugun Yakkasaroy tumanidagi 1-sektor binosida muhim yig‘ilish bo‘lib o‘tdi. Unda tuman hududlarini kompleks ijtimoiy-iqtisodiy rivojlantirish bo‘yicha 1-sektor shtabi tarkibiga kiritilgan barcha idora va tashkilotlar rahbarlari hamda mas’ul xodimlari ishtirok etdi.

➡️ Yig‘ilishda tuman hokimi o‘rinbosari O.Rixsiboyev, tuman Xalq qabulxonasi mudiri A.Isaboyev va tumandagi boshqa yetakchi tashkilot va korxonalarning rahbarlari qatnashdi.

✅ Yig‘ilishning asosiy maqsadi Yakkasaroy tumanidagi hududlarni ijtimoiy va iqtisodiy rivojlantirish borasida amalga oshirilayotgan ishlar tahlili, mavjud muammolarni aniqlash va ularni hal etish bo‘yicha aniq chora-tadbirlarni ishlab chiqishdan iborat bo‘ldi.

📱 Yig‘ilishda har bir tashkilot rahbari o‘z faoliyati doirasida amalga oshirilayotgan ishlar haqida hisobot berdi, shuningdek, aholining turmush darajasini oshirish, hududda yangi ish o‘rinlari yaratish va tadbirkorlikni qo‘llab-quvvatlashga qaratilgan tashabbuslar muhokama qilindi.

✨ Tuman hokimi o‘rinbosari O.Rixsiboyev o‘z chiqishida hududlarni rivojlantirishda muvofiqlashtiruvchi organlar o‘rtasidagi hamkorlikni yanada kuchaytirish zarurligini ta’kidladi. Shu bilan birga, aholidan kelib tushayotgan murojaatlarga tezkorlik bilan javob berish, mavjud muammolarni o‘z vaqtida hal etish bo‘yicha mas’ullarga tegishli ko‘rsatmalar berildi.

➡️ Tuman Xalq qabulxonasi mudiri A.Isaboyev esa fuqarolarning murojaatlarini ko‘rib chiqish jarayonlarini samarali tashkil etish va hududdagi ijtimoiy muhitni yaxshilash bo‘yicha amalga oshirilayotgan ishlar haqida to‘xtalib o‘tdi.

🔼 Yig‘ilish davomida ishtirokchilar tomonidan hududni rivojlantirishga qaratilgan yangi takliflar o‘rtaga tashlandi va ularni amalga oshirish bo‘yicha chora-tadbirlar belgilab olindi. Bu yig‘ilish tumanning ijtimoiy-iqtisodiy rivojlanishi yo‘lida muhim qadam bo‘lib, hududni kelgusi taraqqiyoti uchun asos bo‘ladi.

✍️ Yakkasaroy tuman hokimligi Matbuot xizmati