Yakkasaroyda shtab faoliyati oʻrganildi

💠 Bugun Bosh prokuror oʻrinbosari Aminov Shoxrux, Toshkent shahar prokurori oʻrinbosari, Xabibulla Mirsoatov, Toshkent shahar Favqulodda vaziyatlar boshqarmasi boshligʻi Muxitdinov Muxtar, Yakkasaroy tuman sektor rahbarlari tuman hokimligida kuz-qish mavsumiga tayyorgarlik doirasida tashkil etilgan maxsus shtab faoliyati bilan tanishdilar.

💠 Mazkur shtabning asosiy vazifasi – mavsum davomida yuzaga kelishi mumkin boʻlgan kommunal sohaga oid avariya holatlari va boshqa muammoli vaziyatlarni oʻz vaqtida hal etish hamda fuqarolar uchun barqaror shart-sharoit yaratishdir.

💢 Oʻrganish davomida mavsumga tayyorgarlik ishlari, xususan, energiya taʻminoti, issiqlik tizimlari, ichimlik suvi va kanalizatsiya infratuzilmalarining uzluksiz faoliyatini taʻminlash boʻyicha olib borilayotgan chora-tadbirlar bilan yaqindan tanishdi.

💠 Shuningdek, mavjud muammolar va ularni hal qilish mexanizmlari muhokama qilinib, tegishli masʻullarga aniq topshiriqlar berildi.

✍️ Yakkasaroy tuman hokimligi Matbuot xizmati

Ishchi guruhi “Veolia Energy Tashkent” korxonasida boʻldilar

💠 Biroz oldin Bosh prokuror oʻrinbosari Aminov Shoxrux, Toshkent shahar prokurori oʻrinbosari, Xabibulla Mirsoatov, Toshkent shahar Favqulodda vaziyatlar boshqarmasi boshligʻi Muxitdinov Muxtar, Yakkasaroy tuman sektor rahbarlari kuz-qish mavsumiga tayyorgarlik doirasida “Veolia Energy Tashkent” MCHJning markaziy dispetcherlik va taʼmirlash boʻlimida boʻlishdi.

💠 Oʻrganish davomida korxona faoliyati, ish jarayonlari va amalga oshirilayotgan ishlar bilan tanishildi. Shuningdek, joylardagi muammolar hamda aholidan kelib tushayotgan murojaatlar oʻrganildi va tahlil qilindi.

💠 Toshkent shahridagi infratuzilmani rivojlantirish va uning mavjud muammolarini hal etish boʻyicha muhim masalalar muhokama qilindi. Aholiga issiqlik taʼminoti sohasida koʻrsatilayotgan xizmatlar sifatini oshirish, tizimdagi kamchiliklarni bartaraf etish hamda fuqarolarning turli muammolariga oʻz vaqtida javob qaytarish boʻyicha chora-tadbirlar belgilab olindi.

✍️ Yakkasaroy tuman hokimligi Matbuot xizmati