Yakkasaroyda “Yong‘in xavfsizligi oyligi” davom etmoqda

💠15-noyabrdan boshlab mamlakatimizda “Yong‘in xavfsizligi oyligi” boshlandi.

💢Ushbu oylik doirasida yong‘in xavfsizligini ta’minlash, fuqarolar ongida xavfsizlik madaniyatini yuksaltirish va hodisalarni oldini olishga qaratilgan keng ko‘lamli tadbirlar tashkil etilmoqda.

💠Bugun Yakkasaroy tumanidagi 91-sonli umumta’lim maktabida mazkur oylik doirasida maxsus tadbir bo‘lib o‘tdi. Tadbirda maktab o‘quvchilari ishtirok etdi. Tadbir davomida yong‘in xavfsizligi bo‘yicha tushuntirish ishlari olib borildi, bolalarga oddiy va esda qoladigan usulda xavfsizlik qoidalari tushuntirildi.

💠Mutaxassislar yong‘in sodir bo‘lishi mumkin bo‘lgan vaziyatlarda qanday choralar ko‘rish kerakligi, o‘t o‘chirish vositalaridan to‘g‘ri foydalanish, bolalarni xavfsiz hududga evakuatsiya qilish qoidalari haqida batafsil ma’lumot berdilar. Tadbir davomida o‘quvchilar uchun qiziqarli mashg‘ulotlar ham o‘tkazildi.

✍️Yakkasaroy tuman hokimligi Matbuot xizmati

Maqsadimiz yoshlar o‘rtasida sportni ommalashtirish

💢 Yakkasaroy tuman hokimi Nilufar Allabergenova Prezident Shavkat Mirziyoyevning ijtimoiy himoya sohasidagi ustuvor vazifalarga bag‘ishlangan ko‘rsatmalaridan kelib chiqib, tuman sport maktablari direktorlari va murabbiylari bilan uchrashuv o‘tkazdi.

💠 Muloqotda yoshlar o‘rtasida sportni ommalashtirish, sport maktablarini malakali murabbiylar bilan ta’minlash hamda mahallalar bilan hamkorlikda ish olib borish kabi muhim masalalar muhokama qilindi.

💠 Uchrashuv davomida sport maktablaridagi bo‘sh ish o‘rinlariga tajribali murabbiylarni jalb qilish va yoshlarning sportga bo‘lgan qiziqishini oshirish orqali ularning iqtidorlarini rivojlantirish bo‘yicha aniq takliflar bildirildi. Ayniqsa, mahalla yoshlari bilan yangicha yondashuvda ishlash, ularni sportga qiziqtirish va faollikka undashga katta e’tibor qaratildi.

💠 Bunday tashabbuslar nafaqat yoshlarning jismoniy va ma’naviy rivojlanishiga xizmat qiladi, balki ularning ijtimoiy faolligini oshirish, turli ijtimoiy muammolarning oldini olishga ham zamin yaratadi. Mahalla va sport maktablari o‘rtasidagi o‘zaro hamkorlik orqali yangi iqtidorlarni kashf qilish va jamiyatda sog‘lom turmush tarzini qaror toptirish maqsad qilingan.

✍️ Yakkasaroy tuman hokimligi Matbuot xizmati