Allabergenova maktablarda isitish tizimi oʻrganilmoqda

💠 Bugun Yakkasaroy tumani hokimi Nilufar Allabergenova 135-sonli umumtaʼlim maktabiga oʻrganish olib bordi. Oʻrganish davomida u maktabning isitish tizimi holatini oʻrganib, qozonxonada olib borilayotgan ishlar bilan yaqindan tanishdi. Hokim isitish tizimi samaradorligini oshirish va oʻquvchilar uchun yanada qulay sharoitlar yaratish boʻyicha muhim chora-tadbirlarni muhokama qildi.

💠 Shuningdek, “Ochiq budjet” portali orqali maktabning fasad qismini taʼmirlash ishlari bilan ham tanishib oʻtdi.

✍️ Yakkasaroy tuman hokimligi Matbuot xizmati

Kommunal sohadagi muammolarga tezkor yechimlar belgilab berildi

💠 Bugun Yakkasaroy tuman hokimligida tuman hokimi Nilufar Allabergenova boshchiligida muhim yigʻilish boʻlib oʻtdi. Unda sektor rahbarlari, hokim oʻrinbosarlari, kommunal soha rahbarlari, shuningdek, mahallalardagi Boshqaruv servis kompaniyasi (BSK) rahbarlari ishtirok etdilar.

💠 Yigʻilish davomida tuman hokimi qish mavsumiga tayyorgarlik ishlarini kuchaytirish boʻyicha dolzarb masalalarni muhokama qildi. Xususan, fuqarolarning murojaatlariga oʻz vaqtida va samarali javob berish, koʻp qavatli uylar oldiga qum va tuz zahiralarini joylashtirish kabi muhim vazifalar yuzasidan aniq koʻrsatmalar berildi.

💢 Allabergenova kommunal xizmat koʻrsatuvchi tashkilotlarning masʼul rahbarlariga oʻzlariga yuklatilgan vazifalarga javobgarlikni oshirish, ishlarni tizimli ravishda tashkil etish va aholining kundalik hayotida yuzaga kelayotgan muammolarni tezkorlik bilan bartaraf etish zarurligini taʼkidladi.

💠 Yigʻilish soʻngida hokim barcha rahbarlarni masalalarni hal etishda jamoaviy yondashuv va faoliyat samaradorligini taʼminlashga chaqirdi. Shu bilan birga, amalga oshirilayotgan ishlar yuzasidan muntazam monitoring oʻtkazish va oʻz vaqtida hisobot taqdim etish kerakligi uqtirildi.

✍️ Yakkasaroy tuman hokimligi Matbuot xizmati

Allabergenova kommunal soha obyektlarida boʻldi

💢Bugun Yakkasaroy tumani hokimi Nilufar Allabergenova, tuman prokurori Bekzod Shamshiyev Yakkasaroy tuman elektr tarmoqlari korxonasining navbatchilik faoliyatini oʻrgandi.

💠 Oʻrganish davomida fuqarolar tomonidan kelib tushayotgan murojaatlarning oʻz vaqtida va samarali ijrosini taʻminlash, aholiga yetkazib berilayotgan elektr energiyasining uzluksizligi va sifatini nazorat qilish boʻyicha amaliy tadbirlar koʻrib chiqildi.

💠 Shuningdek, mavjud muammolarni oʻrganish va ularni zudlik bilan bartaraf etish, fuqarolarning energiya taʻminotiga oid qonuniy talablarini qondirish uchun tegishli vazifalar belgilab berildi. Bu jarayonda nafaqat texnik masalalarga, balki aholi manfaatlarini himoya qilishga, murojaatlar ortida turgan ijtimoiy masalalarga ham alohida eʻtibor qaratildi.

💢 Mazkur oʻrganishning maqsadi aholini elektr energiyasi bilan taʻminlash sohasidagi mavjud kamchiliklarni bartaraf etish, xizmat koʻrsatish sifati va ishonchliligini oshirish, shuningdek, hududda barqaror elektr taʻminotini taʻminlashga qaratilgan keng koʻlamli ishlarni yanada samarali tashkil etishdan iborat boʻldi.

✍️ Yakkasaroy tuman hokimligi Matbuot xizmati