Yakkasaroy tajribasi doirasida “Zakovat” intellektual bellashuvi o‘tkazildi

🌟 Bugun Yakkasaroy tumanida yoshlar o‘rtasida huquqiy ongni oshirish, ularning intellektual salohiyatini yuksaltirish va Konstitutsiyaning ahamiyatini keng targ‘ib qilish maqsadida muhim tadbir o‘tkazildi.

💢 Tadbir O‘zbekiston Respublikasi Konstitutsiyasining qabul qilinganiga 32 yil to‘lganligiga bag‘ishlangan bo‘lib, “Huquqshunos yoshlar – Yangi O‘zbekiston, yangi avlod, yangi taraqqiyot poydevori” mavzusida “Zakovat” intellektual bellashuvi shaklida tashkil etildi.

💠 Ushbu tadbir Yakkasaroy tumani hokimligi, O‘zbekiston yoshlar ittifoqi va boshqa hamkor tashkilotlar tomonidan Yakkasaroy tumanidagi maktab o‘quvchilari o‘rtasida ilk bor o‘tkazildi.

💠 Tadbirda Toshkent shahar hokimi o‘rinbosari D.Raximova, Yakkasaroy tumani hokimi N.Allabergenova, sektor rahbarlari, O‘zbekiston yoshlar ittifoqi Markaziy kengashi raisi X.Sattarov hamda Milliy gvardiyaning Toshkent shahar bo‘limi vakillari ishtirok etishdi.

💠 Bellashuvda Yakkasaroy tumanidagi 4 ta sektorlarga qarashli maktab o‘quvchilari o‘z bilim va qobiliyatlarini namoyon etishdi. Ushbu musobaqa nafaqat huquqiy bilimlarni sinovdan o‘tkazishga, balki yoshlarning tahlil qilish qobiliyati, jamoada ishlash mahorati va ma’naviy uyg‘onishlarini rag‘batlantirishga xizmat qildi.

💠 Tadbir yakunida g‘olib jamoalar alohida e’tirof etildi va ularga Yakkasaroy tumani hokimi N.Allabergenova tomonidan qimmatbaho sovg‘alar topshirildi. Bu kabi tashabbuslar yoshlarning intellektual va huquqiy savodxonligini oshirishga, ularni Yangi O‘zbekistonning haqiqiy vatanparvar fuqarolari sifatida tarbiyalashga ulkan hissa qo‘shadi.

✍️ Yakkasaroy tuman hokimligi Matbuot xizmati

Allabergenova fuqaro xonadonida bo‘ldi

💠 Bugun Yakkasaroy tumani hokimi Nilufar Allabergenova “Armug‘on” mahallasining e’tiborga muhtoj aholisini qo‘llab-quvvatlashga qaratilgan tashriflar doirasida mahallada istiqomat qiluvchi 68 yoshli Manzura onaning xonadonida bo‘ldi. Manzura ona imkoniyati cheklangan bo‘lsa-da, hayotga chuqur ishonch va sabr-matonat bilan qarab kelayotgan, o‘ziga xos iroda egasi hisoblanadi.

💢 Nilufar Allabergenova fuqaro bilan suhbat asnosida aholining ehtiyojmand qatlamini har tomonlama qo‘llab-quvvatlash tuman rahbariyatining asosiy vazifalaridan biri ekanligini ta’kidladi. U insonparvarlik va o‘zaro yordam har bir jamiyatning poydevori ekanini qayd etib, Manzura onaga kelgusida ham har tomonlama ko‘mak ko‘rsatilishini bildirdi.

✍️ Yakkasaroy tuman hokimligi Matbuot xizmati

Allabergenova tumandagi issiq non sexlarida bo‘ldi

💠 Bugun Yakkasaroy tumani hokimi Nilufar Allabergenova, Bosh prokuratura huzuridagi Iqtisodiy jinoyatlarga qarshi kurashish departamentining tuman bo‘limi vakillari hamda tuman favqulodda vaziyatlar bo‘limi rahbarlari bilan birgalikda tuman hududida faoliyat yuritayotgan “Oltin mag‘iz” issiq non ishlab chiqarish sexida bo‘lishdi.

✅ O‘rganishdan asosiy maqsad qish mavsumida aholini uzluksiz sifatli va yangi non mahsulotlari bilan ta’minlash bo‘yicha olib borilayotgan ishlarni o‘rganish, ishlab chiqarish jarayonlari bilan yaqindan tanishish hamda mavjud muammolarni o‘rganishdan iborat edi.

💠 Tumandagi issiq non ishlab chiqaruvchi tadbirkorlar bilan yuzma-yuz muloqot qilindi. Ularning ish jarayonlari, mehnat sharoitlari va mavjud qiyinchiliklari tinglandi. Hokim ushbu sexlarda ishlab chiqarilayotgan mahsulotlarning sifati, gigiyenik talablarga muvofiqligi va aholi talablariga javob bera olishiga alohida e’tibor qaratdi.

✍️ Yakkasaroy tuman hokimligi Matbuot xizmati

Yakkasaroyda obodonlashtirish xodimlariga issiq e’tibor ko‘rsatildi

💢 Bugun Yakkasaroy tumani hokimi Nilufar Allabergenova va “Yakkasaroy yoshlari” volontyorlar guruhi a’zolari obodonlashtirish bo‘limi xodimlari uchun o‘ziga xos iliq uchrashuv tashkil etdilar.

💠 Tuman ko‘chalarini toza va obod holda saqlash yo‘lida tunu kun mehnat qilayotgan xodimlarga minnatdorchilik ifodasi sifatida issiq choy va yeguliklar ulashildi.

💠 Mazkur tashabbus nafaqat ularning mehnatini qadrlash, balki sovuq kunlarda ko‘ngil iliqligi ulashish maqsadida tashkil etildi.

🌟 Nilufar Allabergenova obodonlashtirish xodimlarining fidokorona mehnati va bu xizmatning ahamiyati beqiyos ekanini ta’kidladi. Shu bilan birga, u xodimlarning ish sharoitlarini yanada yaxshilash, ularga zarur vositalar bilan ta’minlash va og‘ir ish yukini yengillashtirish bo‘yicha amaliy choralar ko‘rilishini qayd etdi.

✅ “Yakkasaroy yoshlari” volontyorlar guruhi a’zolari ham obodonlashtirish ishlarida faol ishtirok etish istagini bildirar ekan, kelgusida xodimlarga qo‘llab-quvvatlov sifatida turli tadbirlar tashkil etishni rejalashtirishlarini ma’lum qildilar.

✍️ Yakkasaroy tuman hokimligi Matbuot xizmati