Elektr energiyasidan tejamli va oqilona foydalanaylik

💢 Bugun Yakkasaroy tumanida elektr energiyasidan samarali foydalanishni taʼminlash va uni ortiqcha sarflanishining oldini olish maqsadida tuman hokimligi, prokuratura hamda tegishli idoralar ishtirokida maxsus ishchi guruh tomonidan reyd tadbirlari oʻtkazildi.

💠 Tadbir davomida tumanning markaziy koʻchalarida kunduz vaqtida chiroqlar yoki reklama vositalari orqali elektr energiyasidan asossiz foydalangan ayrim yuridik isteʼmolchilar aniqlanib, ularga nisbatan maʼmuriy bayonnomalar rasmiylashtirildi. Shu bilan birga, mazkur isteʼmolchilarga elektr energiyasidan oqilona foydalanishning ahamiyati haqida tushuntirish ishlari olib borildi.

Hurmatli Yakkasaroy tumani aholisi va tadbirkorlari!

💠 Sizlarni elektr energiyasidan tejamli va oqilona foydalanishga chaqirib qolamiz. Reyd tadbirlari davom etayotganini maʼlum qilamiz va barchani resurslarni ehtiyot qilishga masʼuliyat bilan yondashishni soʻrab qolamiz.

✍️ Yakkasaroy tuman hokimligi Matbuot xizmati