Bolalarning issiq va qulay sharoitda taʻlim olishini taʼminlash bizning vazifamiz

✨ Xabar berganimizdek, bugun Prezident Administratsiyasi mas’ul xodimi Jahongir Murotov tuman sektor rahbarlari va tuman hokimi o‘rinbosarlari joylarda bo‘lib, kuz-qish mavsumiga tayyorgarlik ishlarni ko‘zdan kechirdilar.

💠 Ishchi guruhi tumandagi 1-sektor hududida joylashgan 358-sonli Davlat maktabgacha taʻlim tashkilotida boʻlib, maktabgacha yoshdagi bolajonlar uchun kuz-qish mavsumiga tayyorgarlik jarayonlarini oʻrgandi.

💠 Oʻrganish jarayonida Jahongir Murotov masʼul xodimlarga muhim koʻrsatmalar berdi: kuz-qish mavsumini betalofat oʻtkazish, bolalarning issiq va qulay sharoitda taʻlim olishini taʼminlash lozimligini taʼkidladi. Bu borada issiqlik tizimlarini muntazam tekshirish va talabga muvofiq yangilash, har bir bola uchun xavfsiz va shinam muhit yaratish zarurligi qayd etildi.

💢Shunday qilib, kuz-qish mavsumida Yakkasaroy tumani ijtimoiy obyektlarida bolalarning xavfsizligi va qulayligi, shuningdek, tuman aholisi uchun zarur shart-sharoitlarni yaratish borasida muhim tadbirlar amalga oshirilmoqda.

✍️ Yakkasaroy tuman hokimligi Matbuot xizmati