Nilufar Allabergenova: Maqsadimiz xodimlarga qulaylik yaratish

💠 Yakkasaroy tumanida obodonlashtirish ishlarini yanada samarali tashkil etish maqsadida muhim qadamlar qo‘yilmoqda.

💢 Bugun tuman hokimi Nilufar Allabergenova tuman Obodonlashtirish boshqarmasi xodimlari uchun xarid qilingan 10 dona havo puflagichlarni amalda sinovdan o‘tkazdi. Ushbu uskunalar kuz faslida daraxtlardan to‘kilgan hazonlarni tezkor va samarali tarzda yig‘ish uchun mo‘ljallangan.

✔️ Sinov jarayonida Nilufar Allabergenova havo puflagichlardan foydalanishdagi afzalliklar, xodimlarning ish samaradorligini oshirishdagi ahamiyati va ish jarayonini yengillashtirish usullari haqida fikr almashdilar. Bu tashabbus nafaqat obodonlashtirish ishlarining tezligini oshiradi, balki xodimlar uchun qulay ish sharoitini yaratishga ham xizmat qiladi.

🔼 Hokim ushbu uskunalar orqali hududlarni ozoda saqlash, ekologik holatni yaxshilash va fuqarolar uchun yanada qulay muhit yaratishga intilishini ta’kidladi.

✍️ Yakkasaroy tuman hokimligi Matbuot xizmati

Allabergenova fuqaro xonadonida bo‘ldi

💢 Bugun tuman hokimi Nilufar Allabergenova Shohjahon mahallasida yashovchi Qosimjonova Muslima xonadoniga tashrif buyurib, uning ishbilarmonlik faoliyatini qo‘llab-quvvatlash maqsadida muhim jihozlarni taqdim etdi.

💠 Muslimaning o‘zini o‘zi band qilishi va tadbirkorlik sohasida rivojlanishi uchun tuman hokimligi tomonidan subsidiya asosida to‘g‘ri chok tikuv mashinasi, overlog va dazmol to‘plami yetkazib berildi. Ushbu jihozlar nafaqat uning shaxsiy daromadini oshirish, balki mahalladagi boshqa ayollarga ham ilhom bag‘ishlashi shubhasiz.

🔼Muslima o‘z minnatdorligini izhor qilib, taqdim etilgan jihozlar yordamida mahalla ahli uchun sifatli mahsulotlar tayyorlash va o‘z ishini kengaytirish niyatida ekanligini bildirib o‘tdi.

✍️ Yakkasaoy tuman hokimligi Matbuot xizmati

Nilufar Allabergenova Yakkasaroyda renovatsiya dasturi asosida qurilish loyihasi bilan tanishdi

🔼 Bugun Yakkasaroy tuman hokimligida tuman hokimi Nilufar Allabergenova boshchiligida uchrashuv bo‘lib o‘tdi.

📊Unda tuman hududida amalga oshirilayotgan renovatsiya dasturi doirasida rejalashtirilgan qurilish loyihalari bilan tanishdi.

➡️ Uchrashuv davomida renovatsiya dasturining tuman infratuzilmasini yaxshilashga qaratilgan asosiy yo‘nalishlari muhokama qilindi. Shuningdek, ko‘p qavatli uylar qurilishi nafaqat zamonaviy arxitektura va muhandislik yechimlari bilan ajralib turishi, balki aholi uchun qulay va xavfsiz muhit yaratishni ta’minlashi lozimligiga alohida e’tibor qaratildi.

💢 Nilufar Allabergenova tumanning har bir fuqarosi uchun munosib yashash sharoitlari yaratish, shaharsozlikda zamonaviy yondashuvlarni joriy etish va ekologik barqarorlikni ta’minlash ushbu loyihaning asosiy maqsadlaridan biri ekanligini ta’kidladi. Ushbu dasturning muvaffaqiyatli amalga oshirilishi tumanning ijtimoiy-iqtisodiy taraqqiyotida muhim ahamiyat kasb etishi aytildi.

💠 Uchrashuv yakunida mas’ul tashkilotlar va mutaxassislar bilan hamkorlikda loyihalarni yanada takomillashtirish bo‘yicha topshiriqlar berildi. Renovatsiya dasturi doirasida amalga oshirilayotgan ishlar nafaqat shahar qiyofasini o‘zgartirish, balki tuman aholisi turmush sifatini yangi bosqichga ko‘tarishga xizmat qilishi kutilmoqda.

✍️ Yakkasaroy tuman hokimligi Matbuot xizmati