Bayrog‘im mening faxrim

🇺🇿 Yakkasaroy tumanida O‘zbekiston Respublikasi Davlat bayrog‘i qabul qilinganligining 33 yilligi munosabati bilan tantanali tadbir bo‘lib o‘tdi. "Bayrog‘im mening faxrim" shiori ostida tashkil etilgan ushbu tadbir tuman aholisining vatanparvarlik ruhini yanada oshirish, davlat ramzlariga bo‘lgan hurmat va g‘ururni kuchaytirish maqsadida o‘tkazildi.

🇺🇿Tadbirda tuman hokimligi xodimlari, umumta’lim maktablarining o‘quvchilari, mahalla yoshlari, Mudofaa bo‘limi vakillari hamda keng jamoatchilik ishtirok etdi.

🇺🇿Tadbir hokimning birinchi o‘rinbosari Nurbek Shamsiyevning tuman hokimi nomidan yo‘llangan tabrik so‘zi bilan boshlandi. U davlat bayrog‘i milliy birlik, mustaqillik va g‘urur timsoli ekanini, uning har bir O‘zbekiston fuqarosi uchun muqaddas ramz sifatida qadrlanishi lozimligini ta’kidladi.

🇺🇿Tadbirga o‘zgacha shuko‘h bag‘ishlagan Qurolli Kuchlar akademiyasi harbiy orkestri milliy va vatanparvarlik ruhidagi kuy-qo‘shiqlari bilan ishtirokchilarga ko‘tarinki kayfiyat ulashdi. Orkestr tomonidan ijro etilgan musiqiy asarlar bayramga xos tantanaviy muhitni yanada boyitdi.

🇺🇿 Tantananing har bir daqiqasi ishtirokchilarda chuqur faxr va iftixor hislarini uyg‘otdi. Bayroq kunini nishonlash nafaqat davlat ramziga bo‘lgan ehtirom, balki yosh avlodga vatanparvarlik tarbiyasini singdirishda muhim ahamiyat kasb etdi.

✍️ Yakkasaroy tuman hokimligi Matbuot xizmati

Oila muqaddas qurg‘ondir

💢 Yakkasaroy tumanida yangi hayotga qadam qo‘ygan yosh kelin-ko‘yovlar uchun “Oila muqaddas” mavzusida tadbir bo‘lib o‘tdi. Mazkur tadbir, avvalambor, oila institutini mustahkamlash, yoshlar o‘rtasida oilaviy qadriyatlarni asrash va jamiyatda sog‘lom ma’naviy muhitni shakllantirish maqsadida o‘tkazildi.

💠 Tadbirda tuman hokimi o‘rinbosari – Oila va xotin-qizlar tuman bo‘limi boshlig‘i D.Rasulmuxamedova, 1-sonli FHDYO bo‘limi boshlig‘i L.Mahmudbekova hamda 2-sonli FHDYO bo‘limi boshlig‘i Sh.Kamalova ishtirok etishdi. Ular o‘z chiqishlarida oilaviy munosabatlar huquqiy asoslari, oilaviy hayot psixologiyasi hamda milliy ma’naviy-axloqiy qadriyatlarning ahamiyati haqida atroflicha to‘xtalib o‘tishdi.

💠 Tadbir doirasida yoshlar uchun nazariy-amaliy mashg‘ulotlar, mahorat darslari va seminar-treninglar tashkil etildi. Bu o‘quv jarayonlari yosh oilalarni bilimli va mas’uliyatli qilish, erta ajrimlarning oldini olish, shuningdek, oilaviy farovonlikka erishish uchun amaliy ko‘nikmalarni shakllantirishga qaratildi.

💠 Tadbir yakunida yosh oilalarga alohida sertifikatlar topshirildi. Bu nafaqat ularning hayotidagi muhim hodisa, balki ulkan mas’uliyat hamdir.

➡️ Zero, oila har bir insonning saodati, farovonligi va jamiyat ravnaqining poydevori hisoblanadi.

✍️ Yakkasaroy tuman hokimligi Matbuot xizmati