Yakkasaroyda “Onalar bog‘i” tashkil etildi

🌱 Bugun Yakasaroy tumanidagi 358-sonli Davlat maktabgacha ta’lim tashkilot hovlisida “Onajonlar bog‘i” tashkil etildi. Bu bog‘ hududning go‘zalligini oshirish, bolalarga tabiatga mehr va e’tiborni o‘rgatish, ayniqsa, onalarning mehri va mehnatini qadrlash maqsadida tashkil etildi.

🌱 Tadbirda tuman hokimi Nilufar Allabergenova, hokim o‘rinbosari va Oila va xotin-qizlar tuman bo‘limi boshlig‘i D.Rasulmuxamedova, maktabgacha ta’lim muassasasi tarbiyalanuvchilari hamda ularning onalari faol ishtirok etdilar. Ularning birgalikdagi sa’y-harakatlari natijasida bog‘ning ilk kuniyoq 40 ta mevali daraxt ko‘chatlari o‘tqazildi.

🌳 “Onajonlar bog‘i” nafaqat tabiatning bir parchasini yaratish, balki avlodlarga sof havo, go‘zal manzara va tabiatga mehr muhabbat tuyg‘usini ulashish yo‘lidagi yana bir muhim qadam bo‘ldi. Bunday bog‘lar kelajak avlod uchun tabiatni asrab-avaylash, u bilan uyg‘un yashashning ramzi bo‘lib xizmat qiladi.

✍️ Yakkasaroy tuman hokimligi Matbuot xizmati