Nilufar Allabergenova mas’ullarga ikki kun muddat berdi

💠 Bugun Yakkasaroy tumani hokimi Nilufar Allabergenova boshchiligida o‘tkazilgan yig‘ilishda tuman sektor rahbarlari va mas’ul tashkilot vakillari ishtirok etdi. Yig‘ilishda “Kambag‘allikdan farovonlik sari” dasturining tumandagi ijrosi va bu boradagi kamchiliklar muhokama qilindi.

📎 Allabergenova dastur doirasida 320 ta oila, ya’ni 1120 nafar aholi qamrab olingan bo‘lsa-da, aniqlangan muammolar soni 335 tani tashkil qilishi. Bu raqamlar o‘rtasidagi tafovut mas’ul shaxslar topshiriqlarga yuzaki yondashganini ko‘rsatayotganligi uchun mas’ullarni tanqid qilib, muammolarni hal etish uchun 2 kun muddat berdi.

📗 Shu vaqt ichida kambag‘al oilalar bilan individual ishlash va kunlik hisobotlarni shtabga taqdim etish talabi qo‘yildi.

📎 Shuningdek, Allabergenova Shtab rahbari, hokimning birinchi o‘rinbosari Nurbek Shamsiyevga amalga oshirilgan ishlar bo‘yicha kunlik axborot berib borish va topshiriqlarni bajarmaganlarga nisbatan chora ko‘rish bo‘yicha takliflar kiritish vazifasi yuklatildi.

👉 Yig‘ilish yakunida Allabergenova kambag‘allikni kamaytirish nafaqat iqtisodiy o‘sish, balki ijtimoiy barqarorlik uchun ham muhimligini ta’kidlab, bu boradagi barcha vazifalar to‘liq va mas’uliyat bilan bajarilishi zarurligiga to‘xtalib o‘tdi.

✍️ Yakkasaroy tuman hokimligi Matbuot xizmati