TIL - MILLAT KO'ZGUSI

✨ Bugun Alisher Navoiy nomidagi Toshkent davlat ona tili va adabiyoti universitetining Alisher Navoiy haykalining hiyobonida oʻzbek tiliga davlat tili maqomi berilganining 35 yilligi va O'zbek tili kuni munosabati bilan "Til - millat koʻzgusi" nomli adabiy-ma'rifiy tadbirlar oʻtkazildi.

⚡️ Tadbirda tuman hokimining o‘rinbosari O.Rixsiboyev, tuman hokimining davlat tili to‘g‘risida qonun hujjatlariga rioya etilishini ta’minlash masalalari bo‘yicha maslahatchisi D.Rasulova, universitetning rektor o‘rinbosarlari, talaba yoshlar, tuman maktabgacha va maktab ta’limi bo‘lim mas’ullari, tibbiyot xodimlari, yoshlar ishtirok etdilar.

👍 So‘zga chiqqanlar tilimizning sofligi, boyligi va borligi millatimizning bebaho milliy iftixori ekanligi, tarixga nazar tashlasak, tilimizda xalqimizning asrlar osha yashab kelayotgan qadriyatlari, urf-odatlari va ruhiyati oʻz ifodasini topganinini ko‘ramiz.

👉 Maktab o‘quvchilari tomonidan tayyorlangan kechada tilimiz tarovatini aks ettiruvchi sahna ko'rinishlari, qo'shiq va raqslar tadbir qatnashuvchilariga manzur bo'ldi. Tadbirda so'zga chiqqanlar bo'lg'usi ustozlarga kelajakda o'z tilini sevuvchi, milliy qadriyatlarimizga sadoqatli yoshlar tarbiyasiga mas'ul ekanliklarini ta'kidladilar.

✍️ Yakkasaroy tuman hokimligi Matbuot xizmati

Yakkasaroyda asosiy fan olimpiadasining tuman bosqichiga start berildi

👉 Bugun Yakkasaroy tumanidagi 118-sonli umumta’lim maktabida o‘quvchilar o‘rtasida asosiy fan olimpiadasining II-bosqichi boshlandi.

⚡️ Unda tuman hokimi o‘rinbosari O.Rixsiboyev va tuman maktabgacha va maktab ta’limi bo‘limi mudiri S.Kirgizbayev ishtirok etib, olimpiada qatnashchilariga omad tiladilar.
Bugun Tarix va Geografiya fanlari bo‘yicha sinovlar o‘tkazilmoqda.

⭐️ Tumandagi barcha maktablardan o‘z bilimlari va iqtidori bilan ajralib chiqqan, maktab bosqichida g‘olib bo'lgan 176 nafar o‘quvchi ushbu bosqichda o‘z imkoniyatlarini sinovdan o‘tkazmoqda.

📎 Bu kabi tadbirlar yosh avlodni ilm-fanga oshno qilish, ularning intellektual salohiyatini rivojlantirish hamda iqtidorli o‘quvchilarni rag‘batlantirishda muhim ahamiyat kasb etadi.

✍️ Yakkasaroy tuman hokimligi Matbuot xizmati