Yakkasaroy tumani hokimi ochilishga ishtirok etdi

💠 Bugun Yakkasaroy tumani hokimligi, O‘zbekiston nodavlat notijorat tashkilotlari milliy assotsiatsiyasi hamkorligida tumandagi “Dilbulog‘” mahalla guzarida “Xotin-qizlar, yoshlar va imkoniyati cheklangan shaxslarni kasb-huarga va tadbirkorlik ko‘nikmalariga o‘qitish maqsadida o‘quv markazining ochilishi bo‘lib o‘tdi.

💠 Unda Yakkasaroy tuman hokimi Nilufar Allabergenova, tuman hokimi o‘rinbosari – Oila va xotin-qizlar tuman bo‘limi boshlig‘i D.Rasulmuxamedova, davlat hamda nodavlat notijorat tashkilotlari vakillari, mahallalardagi xotin-qizlar faollari, shuningdek bandligi ta’minlanmagan xotin-qizlar ishtirok etdilar.

💠 Tadbirdan ko‘zlangan maqsad xotin-qizlarni kasb-hunar va tadbirkorlik ko‘nikmalariga o‘qitish va ular bandligini ta’minlashda nodavlat notijorat tashkilotlari, tadbirkorlik subyektlari hamda davlat organlari o‘rtasida o‘zaro manfaatli hamkorlikni rivojlantirishdan iborat.

💢 Tadbirda xotin-qizlarni kasb-hunarga va tadbirkorlik ko‘nikmalariga o‘qitish hamda bandligini ta’minlash bo‘yicha Yakkasaroy tumanida joriy qilingan tizim taqdimoti o‘tkazilib, amalga oshirilayotgan ishlar tahlili hamda oldindagi vazifalar muhokama qilinadi.

✨ O‘quvlarni samarali yakunlagan va kasb-hunar o‘rganib bandligi ta’minlangan xotin-qizlarga sertifikatlar topshirildi.

✍🏻 Yakkasaroy tuman hokimligi Matbuot xizmati