Yakkasaroyda “Xon atlas” festivali davom etmoqda

👉 Mamlakatimizda xalqimizning milliy qadriyatlarini targ‘ib etish, urf-odat, an’analarimizga hurmat va ehtiromni yanada oshirish maqsadida “Xon atlas” festivalini o‘tkazish yaxshi an’anaga aylangan.

👍 Bugun Yakkasaroy tumanidagi Toshkent to‘qimachilik va yengil sanoat institutida ham “Xon atlas” festivali bo‘lib o‘tdi,

✨ Unda Yakkasaroy tuman hokimi Nilufar Allabergenova, hokim o‘rinbosari – Oila va xotin-qizlar tuman bo‘limi boshlig‘i D.Rasulmuxamedova, institutning xotin-qizlar va talabalar ishtirok etdilar.

🌟 Festival doirasida xon atlasning kelib chiqish tarixi va shakllanish bosqichlari, shuningdek, ushbu milliy matoni ishlab chiqarish texnologiyasi va dizayni haqidagi qiziqarli ma’lumotlar taqdim etildi.

✍️ Yakkasaroy tuman hokimligi Matbuot xizmati

Maqsadimiz mahsulotimiz bilan institutdan to‘g‘ri bozorga chiqish

👍 Bugun Yakkasaroy tuman hokimi Nilufar Allabergenova tumanda joylashgan Toshkent to‘qimachilik va yengil sanoat institutida bo‘lib, talaba yoshlar uchun yaratib berilgan shart-sharoitlar, imkoniyat hamda institutning yutuqlari, faoliyati bilan yaqindan tanishdi.

✨ Tuman hokimiga institut faoliyati bilan Yoshlar masalalari va maʼnaviy-maʼrifiy ishlar bo‘yicha birinchi prorektor Baxtiyor Nasimov hamrohlik qilib institutning faoliyati bilan yaqindan tanishtirib o‘tdi.

💢 Tanishuv davomida tuman hokimi institutning o‘zida yoshlar uchun tashkil etilgan ishlab chiqarish sex faoliyati bilan ham birin-ketin tanishib talaba yoshlar, professor o‘qituvchilar bilan ham suhbatlashdi.

💠 Suhbat davomida institut jamoasining maqsadi to‘qimachilik sanoatida eng so‘nggi texnalogiyalarni xarid qilinganligi, ushbu texnologiyalar yordamida chet davlatlarning mahsulotlari bilan raqobat qilish, ishlab chiqiladigan to‘qimachilik mahsulotlari bilan jahon bozorlarida institutdan to‘g‘ri bozorga chiqishni oldilariga maqsad qilib qo‘yganliklarini, yangi loyhalar bilan tanishtirib o‘tdilar.

✍️ Yakkasaroy tman hokimligi Matbuot xizmati