⚡️ Yakkasaroy tumanidagi 1-sektor binosida tuman hokimi Nilufar Allabergenovaning “Dilbuloq” MFY mahalla fuqarolari uchun sayyor qabuli o‘tkazildi.

👉🏻 Unda tumandagi barcha mutasaddi korxona va tashkilotlardan masʼul vakillar ishtirok etishdi.

✨ Qabul davomida 12 ga yaqin fuqarolardan turli mazmundagi murojaatlar kelib tushdi.

🔹 Qabulda uy-joy sharoitini yaxshilash, tibbiy xizmat, tadbirkorlik uchun bank krediti, ishlab chiqarishni joylashtirish uchun bino, tadbirkorlik faoliyatini yo‘lga qo‘yish masalalari, kommunal taʼminot, moddiy yordam, bandlik va boshqa masalalarda fuqarolar tomonidan qilingan murojaatlar masʼullarga o‘rganib chiqish uchun yunaltirildi.

🔹 Yechimi muddat talab etadigan murojaatlarni hal etish bo‘yicha mutasaddilarga tegishli topshiriqlar berilib, ijrosi qatʼiy nazoratga olindi.

✍️Yakkasaroy tuman hokimligi Matbuot xizmati

Yakkasaroyda sinxron suzish bo‘yicha “Suv parisi” tadbiri bo‘lib o‘tdi

💠 Bugun Yakkasaroy tumanida yangi ochilgan O‘zbekiston Kasaba uyushmalari federatsiyasiga qarashli suv sporti saroyida sinxron suzish bo‘yicha “Suv parisi” tadbiri bo‘lib o‘tdi.

🔹Unda tuman hokimi Nilufar Allabergenova, hokim o‘rinbosarlari, mahallalardagi xotin-qizlar faollari, yoshlar yetakchilari mahalla yoshlari ishtirok etdilar.

🏊🏻 Tadbirda yetakchi sportchilari mehmonlar uchun o‘z mahoratlarini namoyish qilishdi. Qizlar o‘rtasida suvda turli chiqishlar, o‘g‘il bollar o‘rtasida esa o‘n meterdan suvga shung‘ish kabi mashg‘ulotlar namoyish etildi.

⚡️ O‘zbekiston Kasaba uyushmalari federatsiyasiga qarashli mazkur majmua suv sporti rivojlangan mamlakatlar tajribasi asosida qurilgan. E’tiborlisi, bu yerda ham professional sportchilar, ham havaskorlar uchun sharoit yaratilgan.

✍️ Yakkasaroy tuman hokimligi Matbuot xizmati