Yakkasaroyda ko‘rgazmali yong‘in o‘chirish o‘quv-taktik mashg‘uloti bo‘lib o‘tdi

🗣Bugun Yakkasaroy tumanidagi “Do‘stlik” bog‘ida tabiiy hamda texnogen xususiyatli favqulodda vaziyatlarning oldini olish va bartaraf etish yuzasidan hamkor tashkilotla bilan maxsus-taktik o‘quv mashg‘uloti o‘tkazildi.

🗣️ O‘quv taktik mashg‘uloti favqulodda vaziyatlarning oldini olish va bartaraf etish, avariya-qutqaruv xizmatlari va tuzilmalariga ega bo‘lgan guruhlar faoliyatini muvofiqlashtirish, shuningdek favqulodda vaziyatlar havfi vujudga kelganda, insonlar hayotini muhofaza qilish hamda moddiy zararni kamaytirish maqsadida mavjud kuch-vositalarni, avariya-qutqaruv, qidiruv-qutqaruv ishlarini amalga oshirishga tezkorlik bilan safarbar qilishga qaratilgan.

⚡️Bog‘da tashkil etilgan guruhlar tomonidan tabiiy hamda texnogen xususiyatli favqulodda vaziyatlarning oldini olish hamda ularni bartaraf etish ishlari tadbir ishtirokchilariga ko‘rsatib berildi.

🔼Har bir jarayon mutahassislar tomonidan kuzatib borilib, tadbir yakunida guruhning harakat qilish vaqtida hato va kamchiliklari, erishilgan yutuqlari borasida tushuntirishlar berildi.

✍️ Yakkasaroy tuman hokimligi Matbuot xizmati