🌟 Hurmatli Toshkent shahri aholisi!

Bugun, 1-iyun biz eng yorqin va eng quvonchli bayramlardan biri - Xalqaro bolalarni himoya qilish kunini nishonlaymiz! Bu kun barchamizga farzandlarimizga g‘amxo‘rlik qilish, ularning huquqlarini himoya qilish, baxtli va xavfsiz kelajagi uchun shart-sharoit yaratish naqadar muhim ekanini eslatib turadi.

👧👦 Bolalar bizning kelajagimiz, umidimiz va faxrimiz. Ularning har birida orzular, fantaziyalar va aql bovar qilmaydigan rejalarga to'la kichik bir dunyo yashaydi. Bizning vazifamiz esa har bir bola o'z iste'dodi va qobiliyatini ro'yobga chiqarishi, mehr va g'amxo'rlikda, xavfsiz va farovon muhitda ulg'ayishi uchun barcha imkoniyatlarni ishga solishdir.

🏙 Toshkent shahar hokimligi jajji hamshaharlarimiz hayoti va rivojlanishi uchun barcha imkoniyatlarni yaratishga harakat qilmoqda. Yangi bog‘cha va maktablar qurilib, istirohat bog‘lari va o‘yin maydonchalarini tashkil qilinmoqda, bolalar kamolotiga qaratilgan madaniy va sport tadbirlari o‘tkazilmoqda. Baxtli bolalik shahrimiz va mamlakatimizning muvaffaqiyatli kelajagi garovi ekanini anglaymiz.

Ushbu bayramda har kuni yosh avlod ta’lim-tarbiyasiga o‘z mehr, bilim va kuchini sarflayotgan barcha ota-onalarga, o‘qituvchi va murabbiylarga samimiy minnatdorchiligimizni bildiramiz. Sizning mehnatingiz har bir bola uchun, butun jamiyatimiz uchun bebaho va muhim.

🎉 Bu kun har bir bolaga quvonch va tabassum olib kelsin! Har bir kichkintoy o'zini mehr qurshovida va himoyalangan his qilsin! Bayramingiz muborak bo'lsin, azizlar! Bolalarni himoya qilish kuni bilan!