“Jaholatga qarshi ma’rifat”

🗒 Bugun Yakkasaroy tumanidagi “Tabassum” koshonasida “Jaholatga qarshi ma’rifat” shiori ostida uchrashuv bo‘lib o‘tdi.

✨ Tadbirda Din ishlari bo'yicha qo'mita raisining maslahatchisi Marupov Ilhom, tuman ma’naviyat va ma’rifat bo‘limi mas’ullari, tumandagi ijtimoiy soha xodimlari, mahalla fuqarolari va yoshlar ishtirok etdilar.

👉🏻 Din ishlari bo‘yicha qo‘mita raisining maslahatchisi Marupov Ilhom nutq qildi. “Bugungi globallashuv jarayonida yoshlarimiz matbuot, xususan ijtimoiy tarmoqlar orqali turli axborot va ma’lumotlarga ega bo‘lmoqda. Ba’zi bir aqidaparastlar o‘z g‘arazli maqsadlari yo‘lida mafkuraviy ta’sir o‘tkazib, qabih ishlarini amalga oshirishga urinishmoqda. Eng achinarlisi, bunday kimsalarni qo‘liga yoshlarimiz tushmoqda. Har qanday kasallikni oldini olish uchun, avvalo, inson organizmida unga qarshi immunitet hosil qilishi lozim.

⚡️ Bugun fikrga qarshi fikr, g‘oyaga qarshi g‘oya, jaxolatga karshi ma’rifat bilan kurashish har qachongidan ko‘ra muhim ahamiyat kasb etmoqda. Bugungi yoshlar bunday vaziyatda mustaqil fikrlab, ma’naviyatli, milliy qadriyatlariga sodiq, dunyoqarashi keng, irodasi mustahkam, sabr–bardoshli, oshkora va pinhona ko‘rinishdagi ma’naviy tahdidlarga doim tayyor turadigan, zamon bilan barobar qadam tashlaydigan inson bo‘lishi lozim ekanligini ta’kidlab o‘tdi”.

📎 Tadbir so‘nggida tadbir ishtirokchilari o‘zlari qiziqtirgan savollariga Din ishlari bo‘yicha qo‘mita raisining maslahatchisi Marupov Ilhom tomonidan javob berildi.

✍️ Yakkasaroy tuman hokimligi Matbuot xizmati