Nilufar ALLABERGENOVA: Barcha imkoniyatlar uchun Prezidentimizga rahmat

✅ Hafta yakuni ham Yakkasaroy tumanidagi xotin-qizlar uchun juda quvonchli o‘tdi desak yanglishmagan bo‘lamiz.

👏 Sababi to‘rt kundan buyon tuman sektor rahabarlari mahallalardagi “Ayollar daftari” hamda “Temir daftar”ga kiritilgan xotin-qizlarga o‘zini o‘zi band qilish, uyda o‘tirib tikuvchilik o‘z tadbirkorligini yo‘lga qo‘yishi uchun subsidiya tariqasida tikuv mashinalarini topshirdi.

📊 Bugun ham an’anaga sodiq qolgan holda tumandagi 4-sektor hududidagi “Bog‘saroy” mahalla guzarida sektor hududidagi xotin-qizlarga tikuv mashinalarini topshirish tadbiri bo‘lib o‘tdi.

⚡️Unda tuman hokimi Nilufar Allabergenova, tuman soliq inspeksiyasi boshlig‘i Abdumuxtor Malikov, hokim o‘rinbosari I.Raximov, Kambag‘allikni qisqartirish va bandlikka ko‘maklashish tuman bo‘limi boshlig‘i I.Yunusov, hokim yordamchilari, 4-sektor hududidagi “Ayollar daftari” hamda “Temir daftar”ga kiritilgan xotin-qizlar ishitrok etdilar.

🔼 Uchrashuvda tuman hokimi xotin-qizlar bilan suhbatlashib, ularning murojaatlari o‘rganilib qonun doirasida yordam ko‘rsatilishi bo‘yicha ma’lumot berib o‘tdi.

➡️ Uchrashuv yakunida 6 nafar xotin-qizlarga o‘zini o‘zi band qilish maqsadida tikuv mashinasi, overlok mashinalari topshirildi.

👍 – Men juda xursandman, – deydi quvonch bilan N.Raxmanova. – Anchadan beri oilamizga qo‘shimcha daromad keltirishni maqsad qilib yurgandim. Mana, bugun bu niyatim amalga oshdi. Endi yangi tikuv mashinasidan samarali foydalanib, ro‘zg‘orimni butlayman. Bu imkoniyat, sharoitlarni yaratib bergan yurtboshimizdan juda minnatdorman.

✍️ Yakkasaroyo tuman hokimligi Matbuot xizmati