Yakkasaroy tumanida qo‘mondonlik-shtabi o‘quv mashqining birinchi kuni yakunlandi

🔴 Oʻquv mashqining asosiy maqsadi, Yakkasaroy tumanida zilzila va uning ikkilamchi omillari natijasida yuzaga kelishi mumkin boʻlgan favqulodda vaziyatlar oqibatlarini bartaraf etish boʻyicha tuman boshqaruv organlari kuch va vositalarining harakatlarini muvofiqlashtirish hisoblanadi.

⚡️ Berilgan signalga muvofiq favqulodda vaziyatlar davlat quyi tizim xizmatlari va doimiy tayyorgarlikdagi kuch va vositalar Yakkasaroy tumanidagi o‘yingohda shtap tashkillashtirib, palatkalar yozildi.

🔼 Shundan so‘ng, favqulodda vaziyatlar davlat quyi tizim xizmatlari va doimiy tayyorgarlikdagi kuch va vositalar, Qizil Yarim Oy jamiyati kuch va vositalarining saf ko‘rigi jarayonlari o‘tkazildi. Endilikda ushbu kuch va vositalar talofat o'choqlarini bartaraf etish hamda aholini evakuatsiya qilish tadbirlariga jalb etiladi.

➡️ Qo'mondonlik-shtab o'quv mashqi rejasiga ko'ra, Yakkasaroy tumanidagi Muqimiy mahallasida tabiiy xususiyatli favqulodda vaziyatlar yuz berganda aholining toʻgʻri harakat qilishga doir bilim va koʻnikmalarini oshirishga qaratilgan maxsus-taktik oʻquv mashqi tashkil etildi.

⚡️ Mahallaning 200 nafardan ortiq aholi ishtirok etgan tadbirda zilzila sodir bo'lganda xonadonlarni ehtiyotkorlik va tezkorlik bilan tark etish, jabrlanganlarni qutqarish va ularga bitinchi tibbiy yordam ko'rsatish vazifalari mutaxassislar tomonidan amalga oshirildi.

✍🏻 Yakkasaroy tuman hokimligi Matbuot xizmati