O‘rganishlar o‘z samarasini bermoqda

✅ Yurtimizda ona tilimiz – o‘zbek tilini asrash, uni kelajak avlodlarga sof tarzda yetkazish borasida keng ko‘lamli chora-tadbirlar amalga oshirilmoqda.

✅ Yakkasaroy tuman hokimining maʼnaviy-maʼrifiy ishlar samaradorligini oshirish, davlat tili to‘g‘risidagi qonun hujjatlariga rioya etilishini taʼminlash masalalari bo‘yicha maslahatchisi Nigora Umarova tomonidan tumandagi markaziy ko‘chalar hamda ichki ko‘chalarda joylashgan xizmat ko‘rsatish shaxobchalari va savdo do‘konlarining reklama, e’lonlar holati o‘rganilgan edi.

✅ O‘rganishlar davomida tadbirkorlik subyektlarining mas’ullari bilan suhbatlashib, “Reklama to‘g‘risida”gi qonunning mazmun mohiyati tushuntirilib, ularga tashqi reklama yozuvlarini davlat tilida yozilishi kerakli haqida tushuntirishlar olib borilib, savdo obyektlarining nomlari, davlat tilida yozilishi bo‘yicha ma’lumot berilgan edi.

✅ Bugungi kunda o‘rganish olib borilgan tadbirkorlik subyektlarining e’lonlari, nomlari davlat tilida yozilib, aniqlangan kamchiliklar bartaraf etilmoqda.

✍️ Yakkasaroy tuman hokimligi Matbuot xizmati

Yakkasaroylik 70 nafar xotin-qizlar Xorazmga sayyohat qildilar

✅ Kuni kecha Yakkasaroy tumani Oila va xotin-qizlar bo‘limi tashabbusi bilan mahallalardagi “Ayollar daftari”ning 4-bosqichiga kiritilgan 70 nafar xotin-qizlarni Xiva shahriga 2 kunlik sayohati tashkil qilindi.

👍 Sayohat davomida Xiva shahrining diqqatga sazovor joylari, ko‘p yillik tarixni o‘zida aks ettiruvchi me’moriy obyektlari va qadimiy yodgorliklarni yaqindan ko‘rish imkoniyatiga ega bo‘ldilar.

👏 Shuningdek, har yili mustaqillik bayrami arafasida Xorazmda anʼanaviy tarzda oʻtkazib kelinayotgan “Qovun sayli” tadbirida ham ishtirok etdilar. Azaldan oltin voha sanalgan Xorazmning mirishkor dehqonlari tomonidan yetishtirilayotgan, dunyoga dongʻi ketgan, mazasi tilni yoradigan har xil navdagi qovunlar va poliz ekinlari mazasi bilan Sharqning gavhari sanalgan Xiva shahriga tashrif buyurgan mehmonlarni va mahalliy aholini birday bahramand qilmoqda. “Gurvak – Xorazm qovunchiligining ramzi” savdo koʻrgazmasi xalqimizning oʻziga xos dehqonchilik maktabi, dunyoga mashhur qovunlarimiz, Xorazm dehqonining, umuman xorazmliklarning nozik didi, malakasi va mehmondoʻstligining namoyishidir.

✅ Qadimiy Xivaning yanada go‘zal va maftunkor manzilgohlari, madrasa, maqbara, minora va zamonaviy majmualarini tomosha qilish orqali tarix nafasini his qilib, katta taassurot bilan qaytdilar.

✍️Yakkasaroy tuman hokimligi Matbuot xizmati