Fikrga qarshi fikr, g‘oyaga qarshi g‘oya, jaholatga qarshi ma’rifat

✅Ma’naviyat jamiyat taraqqiyoti, millat kamoloti va shaxs barkamolligini belgilab beruvchi asosiy omil hisoblanadi. Chunki, ma’naviyat rivojlangandagina jamiyatda iqtisodiy va ijtimoiy – siyosiy barqarorlik vujudga keladi.

🫥 Bugun Yakkasaroy tumanidagi Toshkent toʻqimachilik va yengil sanoat institutida “Jaholatga qarshi ma’rifat bilan kurashaylik” shiori ostida bo‘lib o‘tgan targ‘ibot tadbirida ham aynan shu haqda so‘z yuritildi.

💠 Tadbirda Yakkasaroy tuman davlat xavfsizlik xizmati vakili, O‘zbekiston Respublikasi din ishlari bo‘yicha qo‘mita xodimi O.Shukuritdinbekov, tuman IIO FMB mas’ul xodimi, tuman ma’naviyat va ma’rifat bo‘limi mas’ullari, talaba yoshlar ishtirok etdilar.

🫥 Har qanday kasallikning oldini olish uchun, avvalo, kishi organizmida unga karshi immunitet hosil qilinadi.Fikrga qarshi fikr, g‘oyaga qarshi g‘oya, jaholatga qarshi ma’rifat bilan kurashish har qachongidan ko‘ra muhim ahamiyat kasb etmoqda. Demak, bugungi yoshlar ma’naviyatli, milliy qadriyatlarga sodiq, dunyo qarashi keng, oshkora va pinhona ko‘rinishdagi ma’naviy tahdidlarga doim tayyor turadigan, zamon bilan barobar qadam tashlaydigan inson bo‘lishi lozim, -deydi, O‘zbekiston Respublikasi din ishlari bo‘yicha qo‘mita xodimi Otabek Shukuritdinbekov.

✅ Tadbirda davomida mavzuga oid videorolik namoyish etildi. Tadbir so‘nggida talabalar o‘zlarini qiziqtirgan savollarga javoblar oldilar.

✍️ Yakkasaroy tuman hokimligi Matbuot xizmati