Yakkasaroy tumanida “Milliy liboslarimiz-milliy qadriyatlarimiz bezagi” tadbiri bo‘lib o‘tdi

💠Yakkasaroy tumanidagi Toshkent toʻqimachilik va yengil sanoat institutida Respublika Maʼnaviyat va maʼrifat markazi, Oʻzbekiston Respublikasi Bosh prokuraturasi hamda Yakkasaroy tuman hokimligi hamkorligida xotin-qizlar oʻrtasida ijtimoiy-maʼnaviy muhitni yanada yaxshilash, milliy qadriyatlarimiz va anʼanalarimiz, milliy libosimizni keng koʻlamda targʻib etish maqsadida “Milliy liboslarimiz – milliy qadriyatlarimiz bezagi” mavzusidagi maʼnaviy-maʼrifiy tadbir boʻlib oʻtdi.

🫥 Unda O‘zbekiston Qahramoni, O‘zbekiston xalq artisti, Munojaat Yo‘lchiyeva, To‘qimachilik va yengil sanoat instituti o‘quv ishlari bo‘yicha prorektor, texnika fanlari doktori, O‘zbekiston Respublikasi Bosh prokuraturasining Xotin-qizlar huquqlarini taminlash hamda ularni tazyiq va zo‘ravonlikdan himoya qilish sohalarida qonunchilik ijrosi ustidan nazorat bo‘limi boshlig‘i Uktam Utayev, O‘zbekistonda xizmat ko‘rsatgan madaniyat xodimi “Saodat” juarnali bosh muharriri Munavvara Usmonova, Yakkasaroy tuman hokimi o‘rinbosari – oilava xotin-qizlar bo‘limi boshlig‘i Dildora Ismoiljonovalar ishtirok etdilar.

🫥 Tadbirda soʻz olganlar ajdodlarimizdan bizga milliy liboslarimiz orqali goʻzal maʼnaviyat, betakror did va madaniyat, qadriyatlar, meros boʻlib kelayotganini, shuningdek milliy liboslarimiz tarixini oʻrganish, ularni ardoqlash va yanada rivojlantirishni targʻib qilish, asrlar mobaynida sayqal topib kelgan milliy anʼana va urf-odatlarimizni mustahkamlash yoʻlidagi ezgu amallarimizni yoshlarimiz davom ettirish kerakligini taʼkidlab oʻtishdi.

💠 Tadbirda ijro etilgan oʻzbek mumtoz qoʻshiqlari davraga oʻzgacha fayz bagʻishladi. Ayniqsa, Yakkasaroy tuman hokimligining faol xotin-qizlari tomonidan oʻzbek milliy matosi va zamonaviy mato uygʻunligida yaratilgan davlat xizmatchilari libosi tadbir ishtirokchilari eʼtirofiga sazovor boʻldi.

✍️ Yakkasaroy tuman hokimligi Matbuot xizmati