Jaholatga qarshi ma’rifat bilan kurashaylik!

🫥 Bugun Yakkasaroy tuman hokimligida “Jaholatga qarshi ma’rifat bilan kurashaylik!” shiori ostida yosh avlodni milliy vatanparvarlik ruhida tarbiyalash va turli g‘oyaviy tahdidlardan asrash maqsadida keng jamoatchilik vakillari ishtirokida targ‘ibot tadbiri bo‘lib o‘tdi.

⏺Tadbirda Yakkasaroy tuman hokimining o‘rinbosari I.Raximov, tuman davlat xavfsizlik xizmati vakili, O‘zbekiston Respublikasi din ishlari bo‘yicha qo‘mita xodimi O.Shukuritdinbekov, tuman IIO FMB mas’ul xodimi, tuman xalq ta’limi mudiri, maktab direktorlari, mahalladagi yoshlar yetakchilari, tuman ma’naviyat va ma’rifat bo‘limi mas’ullari ishtirok etdilar.

⏺ Tadbirda so‘zga chiqqanlar XXI asr – globallashuv jarayonida yoshlarimizning radio-televidenie, matbuot, internet kabi vositalar orqali axborot va ma’lumotlar olayotgani, bu jarayonda ba’zi bir aqidaparast oqimlar yoshlarga mafkuraviy ta’sir o‘tkazishga urinayotgani hamda ularning oldini olish borasida nimalarga e’tibor qaratish lozimligi haqida so‘z yuritdilar.

⏺ Shuningdek, bugungi kunda jaholatga karshi ma’rifat bilan kurashish har qachongidan ko‘ra muhim ahamiyat kasb etayotgani, bunda yoshlarning milliy qadriyatlarga sodiq, oshkora va pinhona ko‘rinishdagi g‘oyaviy tahdidlarga qarshi kurashadigan qilib tarbiyalash lozimligi qayd etildi.

✍️ Yakkasaroy tuman hokimligi Matbuot xizmati