6 nafar yoshlarning kontrakt pullari to‘lab berildi

🤝 Bugun Yakkasaroy tumanida yangi qurilib ish boshlagan IMPACT o‘quv markaz binosida yoshlar uchrashuvi bo‘lib o‘tdi.

🤝 Unda Toshkent shahar prokuror o‘rinbosari Xabibulla Mirsoatov, tuman prokurori Nilufar Allabergenova, tuman Xalq qabulxonasi mudiri A.Isabayev, hokim o‘rinbosari, Yoshlar ishlari agentligi Yakkasaroy tuman bo‘limi rahbari, mahallalardagi hokim yordamchilari, yoshlar yetakchilari, va yoshlar va fuqarolar ishtirok etdilar.

👋 Samimiy va ochiq muloqot tarzida bo‘lib o‘tgan uchrashuvda yoshlarimiz o‘zlarini qiynayotgan muammo va takliflari yuzasidan sektor rahbarlariga to‘g‘ridan-to‘g‘ri murojaat qildilar.

🙏 Barcha murojaatlar belgilangan tartibda ro‘yxatga olinib, hal qilish bo‘yicha tegishli tashkilot rahbarlariga topshiriqlar berildi va ijrosi qatʼiy nazoratga olindi.

🙏 Uchrashuv yakunida X.Mirsoatov tomonidan “Yoshlar daftariga” kiritilgan olti nafar yoshlarning oliy taʼlimdagi kontrakt to‘lovlarining ellik foizi to‘lab berilganligi haqida sertifikatlar topshirildi.

👍 Shuningdek, tuman prokuraturasi tomonidan jamoat tartibini saqlash, huquqbuzarlik va jinoyatchilikning oldini olish, profilaktika qilish hamda fosh etishda huquqni muhofaza qiluvchi organlarga ko‘rsatgan yordami uchun Muxamedov Nodir, Ochilov Shuhrat hamda Kasimov Baxtiyorlarga tashakkurnoma hamda esdalik sovg‘alari topshirildi.

✍️ Yakkasaroy tuman hokimligi Matbuot xizmati