📚 Бүгүн, алтынньы 28 күнүгэр, Дьокуускай куорат Сэбиэскэй Сойуус Дьоруойа Ф. К. Попов аатынан 20-с №-дээх орто оскуолатыгар төрөөбүт төрүт тылы үөрэтэр учууталларга аналлаах, үөрэтэр- көрдөрөр, иһитиннэрэр сыаллаах, олус киэҥ ис хоһоонноох, дириҥ толкуйдаах, түмүктээх "Учуутал үлэтигэр сыыппара эйгэтин туһаныы уонна аттестацияҕа уларыйыылар" диэн семинар- көрсүһүү буолла.

Куйаар ситимин үгүс сыһыарыыларын баһылаабыт Марианна Федорова бэйэтин сыралаах үлэтигэр олоҕуран, оҕо кэрэхсэбилин ылар, араас ньыманы көрдөрдө, үөрэттэ. Хас биирдии учуутал туспутугар туһаныахпыт диэн, үөрдүбүт, сэргээтибит.

Оскуола директора Андрей Новоприезжай оскуола историятын, үлэтин хайысхатын, инники былааннарын сиһилии истиҥник билиһиннэрдэ.

Семинар-көрсүһүү барылын быһыытынан төрөөбүт тылы, литератураны үөрэтэр учуутал, аттестация ааһар тематын, үөрэх чааһыгар директоры солбуйааччы Саргылана Матвеева дьоһуннук тоһоҕолоон кэпсээтэ.

Семинар- көрсүһүү түмүгэр, куораттааҕы саха тылын, литературатын, төрүт норуоттар культураларын үөрэтэр учууталлары салайааччы Ульяна Заболоцкая үлэ-үөрэх инники барылын- торумун чуолкайдаан быһаарда. Сиһилии https://yaguo.ru/node/14772

#сахатыла

@yaguo_official