Журналист 3 та ОТМга бориб, вазиятни ўрганибди. Учаласида 3 хил вазият.

Айтганча, ТДЮУ проректори 1-курслар учун 12 октябрдан танишув ҳафтаси бошланишини, бунда Тошкент шаҳри ва Тошкент вилоятидан ўқишга кирган абитуриентлар бевосита университетга келиб, анънавий усулда ўқишни бошлашини, қолган вилоятдагилар эса ўз ҳудудларидаги юридик техникумларга бориб танишув ҳафтасини ўтказишларини, ундан кейин ўқишлар 1-курслар учун ҳам масофавий бўлишини маълум қилди.

Талабаликка тавсия этилган абитуриентларга яна бир бор эслатиб ўтамиз, сиз энг аввало ўзингиз ўқишга кирган ОТМнинг сайти ёки Телеграм каналига киринг, у ерда ўқишга кирганлардан қандай ҳужжатлар талаб этилиши, тўлов-контрактни тўлаш учун шартномани онлайн юклаб олиш, натижаларининг қайд варағи ва бошқа муҳим маълумотлар бўлади. Ҳаттоки кўплаб ОТМларда супер-контрактга аризалар ҳам онлайн қабул қилиняпти.


👉 @xushnudbek 👈

❗️Супер-контракт нархлари (кундузги таълим)

Хабарингиз бор, кеча табақалаштирилган тўлов-контракт миқдорлари тасдиқланди. Шундан сўнг "мен қанча супер-контракт тўлашим керак" деган саволлар янада кўпайди.

Кўпчиликка қизиқ бўлгани учун, супер-контракт миқдорларини тушунарлироқ жадвалда ҳисоблаб чиқдик. Бунда ҳар бир йўналиш бўйича кимга неча балл етмай қолганига қараб, барча тоифалар учун нархларнинг тахминий миқдорларини кўрсатганмиз.

👉 СИРТҚИ ВА КЕЧКИ ТАЪЛИМ УЧУН СУПЕР-КОНТРАКТ НАРХЛАРИ

❗️Энг аввало бир нарсани ёдда тутинг, супер-контрактнинг энг аниқ миқдорини фақат ва фақат ўзингиз ҳужжат топширган олий таълим муассасаси орқали билишингиз мумкин. Чунки ОТМлар мустақил нарх белгилаш ҳуқуқига эга, биз берган жадвалда эса минимал нархлар кўрсатилган холос. Шу сабабли ОТМ билан боғланиб, аниғини билиб олишни тавсия қиламиз.


👉 @xushnudbek 👈

Туризм соҳасини қўллаб-қувватлашга оид Ҳукумат қарори қабул қилинди

Ҳукуматнинг тегишли қарорига биноан, коронавирус пандемияси пайтида туризм соҳасини қўллаб-қувватлашга оид қуйидаги чоралар кўрилади:

1. Инвесторлар 2023 йил 31 декабрга қадар янги дор йўлларини (дастлабки 50 та лойиҳа) қуриб фойдаланишга топширса, харажатларининг бир қисми Туризм соҳасини қўллаб-қувватлаш жамғармаси ҳисобидан қопланади. Бунда ҳар бир 500 метр йўл учун 1 миллиард сўмгача маблағ ажратилади.

2. Меҳмонхонага тоифа (юлдуз) олиш ёки ошириш ишлари учун субсидия ажратиш 2021 йил 1 июнига қадар амалга оширилиб, Туризм соҳасини қўллаб-қувватлаш жамғармаси ҳисобидан қуйидаги миқдорда ажратилади:
3 юлдузли тоифадаги меҳмонхоналарнинг ҳар бир хонаси учун 5 миллион сўм;
4 юлдузли тоифадаги меҳмонхоналарнинг ҳар бир хонаси учун 10 миллион сўм;
5 юлдузли тоифадаги меҳмонхоналарнинг ҳар бир хонаси учун 15 миллион сўм.

Туристик зоналар ва қишлоқ жойлари ҳудудида Қўмита ва Қурилиш вазирлигининг намунавий лойиҳалари бўйича жойлаштириш воситаларини тез қуриладиган конструкциялар (ўтовлар, контейнерлар, сендвич панеллар) билан қуриш учун тадбиркорлик субъектлари харажатларининг бир қисми бундай типдаги жойлаштириш воситаларининг жойлари сони 50 мингтага етгунига ёки 2023 йилнинг 31 декабрига қадар ҳар бир жой учун 5 млн. сўмгача миқдорда Давлат бюджети ҳисобидан қопланади.

3. Авиа ва темир йўл чипталари харажатларининг бир қисмини қоплаш бўйича туроператорларга субсидиялар ажратилади. Субсидия ҳар бир ташкил қилинган тур учун сотиб олинган авиа ва темир йўл чипталарининг умумий қийматининг 30% миқдорида ажратилади.

4. Бундан ташқари, туроператорлар ва турагентларга – Ўзбекистон резидентларига Ўзбекистонга олиб келинган ва хизмат кўрсатилган ҳар бир хорижий турист учун, камида беш сутка давомида республикадаги жойлаштириш воситаларида бўлиш шарти билан 15 АҚШ доллари миқдорида субсидия ажратилади.

5. Жойлаштириш хизматлари (меҳмонхона хизматлари) учун жойлаштириш воситаларига 2021 йил 31 декабргача жойлаштириш хизматлари (меҳмонхона хизматлари) нархининг 10 фоизи миқдорида субсидия ажратилади.

6. Хорижий ошхона ёки алоҳида йўналиш бўйича ихтисослашган тематик овқатланиш шохобчалари, овқат ва озиқ-овқат маҳсулотлари, шунингдек, сувенир маҳсулотларини етказиб бериш бўйича хизматларни ташкил этиш бўйича лойиҳа ташаббускорларига битта лойиҳа учун 100 млн сўмгача бўлган миқдорда грант ажратилади, бунда грант миқдори лойиҳа қийматининг 30 фоизидан ошмаслиги белгиланган.

7. Гидлар (гид-таржимон) (кейинги ўринларда – гид) ва туроператорларга янги туризм маҳсулотлари ва йўналишларини ишлаб чиқиш ҳамда тарғиб қилишга йўналтирилган харажатларини қоплаш учун қуйидаги ҳажмларда грант ажратилади:
гидларга – ишлаб чиқиш учун 5 миллион сўм,
туроператорларга – турларни реклама ва сотиш учун 10 миллион сўм.


Каналга уланиш:
@uzauz

Молия вазирлиги «Яширин иқтисодиётни кескин қисқартириш чора-тадбирлари тўғрисида» Президент фармони лойиҳасини ишлаб чиқибди ва бугун муҳокамага қўйди.

Агар ушбу лойиҳа тасдиқланса, унда 2021 йил 1 январдан:

а) 2022 йил 1 январгача бўлган муддатга, умумий овқатланиш соҳасидаги кичик бизнес субъектларининг банк карталари ва контактсиз тўловлардан фойдаланган ҳолда жисмоний шахслардан олинган даромадлари умумбелгиланган солиқларни тўлашга мажбурий тартибда ўтиш мақсадида умумий даромадга киритилмаслиги тартиби жорий этилади;

б) жисмоний шахсларга ўзини ўзи банд қилган шахслар сифатида 5 кишидан кўп бўлмаган ўриндиқли (ҳайдовчини ҳисобга олган ҳолда) енгил автомобиль транспортида ташиш фаолиятини амалга оширишга рухсат берилади.

Бунда ўзини ўзи банд этувчи шахслар енгил автомобиль транспортида йўловчиларни ташиш фаолиятини мобил иловалар – агрегаторлар орқали амалга оширганларида олинган даромадларга ижтимоий солиқни тўлаш билан бир қаторда жисмоний шаҳслардан даромад солиғи белгиланган тўлов ставка бўйича олинган даромад суммаси 50 фоизга камайтирилган ҳолда солиқ солинади.

Лойиҳанинг тўлиқ матни мана бу ерда:
https://regulation.gov.uz/uz/document/23047


👉 @xushnudbek 👈

Грин карта учун қабул бошланди

Миллиондан ортиқ ўзбеклар ўз бахтини синаб кўрадиган, халқ орасида «Грин карта» номи билан танилган АҚШнинг Турли миллат вакилларига виза дастурига 2022 йил учун аризалар қабули бошланди. Ҳужжат топшириш 2020 йил 10 ноябргача давом этади.

Aнкетани қуйидаги расмий сайтдан юборишингиз мумкин:
https://dvprogram.state.gov

Шундан бошқа сайтлар расмий эмас ва бегона сайтларда шахсий маълумотларингизни қолдирманг.

Грин картага ҳужжат топшириш бепул.

Расмий сайтда айтилишича, натижалар 2021 йил 8 майда эълон қилинади. Лотереяда омади келганлар 2022 йил AҚШга боришлари мумкин.


👉 @xushnudbek 👈

❗️Супер-контракт нархлари (сиртқи ва кечки таълим)

Хабарингиз бор, кеча табақалаштирилган тўлов-контракт миқдорлари тасдиқланди. Шундан сўнг "мен қанча супер-контракт тўлашим керак" деган саволлар янада кўпайди.

Кўпчиликка қизиқ бўлгани учун, супер-контракт миқдорларини тушунарлироқ жадвалда ҳисоблаб чиқдик. Бунда ҳар бир йўналиш бўйича кимга неча балл етмай қолганига қараб, барча тоифалар учун нархларнинг тахминий миқдорларини кўрсатганмиз.

👉 КУНДУЗГИ ТАЪЛИМ УЧУН СУПЕР-КОНТРАКТ НАРХЛАРИ

‼️ Қизиқ томони сиртқи ва кечки таълимнинг оддий ҳамда супер-контракт нархлари кундузги таълимга қараганда қимматроқ.


👉 @xushnudbek 👈

⚡️1-курслар учун контрактлар тўлаш муддати 1 ноябрь этиб белгиланди

ОТМлар бакалавриатига тўлов- контракт асосида талабаликка тавсия этилган абитуриентлар учун тўлов ҳақини ўтказиш ҳамда талабалар сафига қабул қилишни расмийлаштиришнинг сўнгги муддати 2020 йилнинг 1 ноябри этиб белгиланди.


👉 @xushnudbek 👈

⚡️Супер-контракт бўйича қўшимча маълумотлар эълон қилинди

Давлат қабул комиссияси қарори билан супер-контракт бўйича қўшимча енгилликлар белгиланди.

Энг катта янгилик, бу абитуриент ўзи танлаган БИРИНЧИ йўналишга кира олмаган, лекин 2, 3, 4 ёки 5-йўналишлардан бирига ўқишга кирган бўлса, унда ўз хоҳиши билан БИРИНЧИ танлаган йўналишида супер-контрактда ўқишига рухсат берилади.

Ўтган йиллари абитуриент қайсидир йўналишга ўқишга кирдими, тамом, у бошқа йўналишда супер-контрактда ўқий олмас эди. Бу йил эса истисно тариқасида БИРИНЧИ йўналишда ўқишга рухсат берилди. Бу истисно 2, 3 ёки 4-йўналишга тааллуқли эмас.

Шунингдек, танлаган бешала йўналишига ҳам ўқишга кира олмаган абитуриентлар исталган бешта йўналишдан бирини танлаб, супер-контрактда ўқишига рухсат берилади.

👉 КУНДУЗГИ ТАЪЛИМ УЧУН СУПЕР-КОНТРАКТ НАРХЛАРИ
👉 СИРТҚИ ВА КЕЧКИ ТАЪЛИМ УЧУН СУПЕР-КОНТРАКТ НАРХЛАРИ

Супер-контракт нархлари билан юқоридаги ҳаволалар орқали ўтиб, танишишингиз мумкин.


👉 @xushnudbek 👈

Супер-контракт бўйича охирги чиққан янгиликларга оғзаки изоҳ


👉 @xushnudbek 👈

Куни кеча эълон қилинган магистратура натижалари бўйича юзага келган айрим саволларга жавоблар

1. Квотада аслида кўп жой берилган эди, лекин жавоблар чиққанда кам жой берилибди, нега бунақа бўлди?

Мақсадли қабул квотаси билан танишиш

2. Нега айримлар баланд балл билан кира олмаган, айримлар эса пастроқ балл билан ўқишга кирган?

3. Нима учун рўйхатнинг ўртасида баъзи абитуриентлардан кейин яна саноқ янгидан бошланиб кетган (1, 2, 3 ва ҳк.)?


👉 @xushnudbek 👈

Ҳукуматнинг тегишли қарорига биноан, Тошкент ахборот технологиялари университети ректори Тешабаев Тўлқин Закирович Тошкент молия институти ректори этиб тайинланди.

Вазирлар Маҳкамаси ҳузуридаги Президент, ижод ва ихтисослаштирилган мактабларни ривожлантириш агентлиги директори Бабаходжаев Сарвар Наджимович эса Тошкент ахборот технологиялари университети ректори лавозимига тайинланди.


Каналга уланиш:
@uzauz

​Қозоғистон Республикаси, Тожикистон Республикаси, Туркманистон ва Ўзбекистон Республикаси давлат раҳбарларининг Қирғиз Республикасидаги воқеалар юзасидан қўшма баёноти

Қардош Қирғизистонда содир бўлаётган воқеалар бизни жиддий ташвишга солмоқда.

Кўп асрлик дўстлик ришталари, яхши қўшничилик, умумий маданий ва маънавий қадриятлар билан боғланган яқин қўшнилар сифатида биз ушбу қийин кунларда Қирғизистон халқини мамлакатда тинчликни сақлаш ва барқарорликни тиклаш учун ўзига хос бўлган доноликни намоён этишга чақирамиз.

Қирғизистоннинг барча сиёсий партиялари ва жамоатчилик доиралари тинчлик ва осойишталикни таъминлаш, Конституция ва миллий қонунчиликка сўзсиз риоя қилиш билан юзага келган муаммоларни ҳал қилиш учун зарур бўлган саъй-ҳаракатларни амалга оширишига умид билдирамиз.

Қирғизистоннинг равнақи минтақавий хавфсизлик ва бутун Марказий Осиё барқарор ривожланишининг муҳим омилидир.

Мамлакатларимизнинг ўтмиши бир, улар умумий келажакни барпо этмоқда. Марказий Осиё халқларини тарихий жиҳатдан келажак авлодлар фаровонлиги учун барқарор тинчлик, тотувлик ва бунёдкорлик истаги бирлаштиради.

Муштарак мақсадларга интилган ҳолда, давлатларимиз савдо-иқтисодий, инвестициявий, транспорт-коммуникация ва маданий-гуманитар алоқаларни, чегараолди ва ҳудудлараро шерикликни кенгайтириш учун минтақавий ҳамкорликни фаол равишда мустаҳкамламоқда.

Марказий Осиё бирдамлигини янада мустаҳкамлаш йўлидан борар эканмиз, биз Қирғизистон халқини унинг ҳамжиҳатлик, тинч, мустақил тараққиёт ва фаровонлик борасидаги интилишида доимо қўллаб-қувватлаймиз.

🚗 Орқа ён ойнани тонировка қилиш нархи арзонлаштирилди

Ҳукуматнинг тегишли қарори (№635, 09.10.2020й) билан, туси ўзгартирилган (қорайтирилган) ойнали автотранспорт воситаларидан фойдаланишни тартибга солиш бўйича айрим ўзгаришлар киритилди. Бу ҳақда ЎзА (@uzauz) хабар бермоқда.

Жумладан, М1, N1 ва N2 тоифага оид автотранспорт воситалари орқа ён ойналарининг тусини ўзгартиришга (қорайтиришга) рухсатнома бериш учун тўлов ставкалари жисмоний шахслар учун базавий ҳисоблаш миқдорининг 5 баравари (1 млн 115 минг сўм) этиб белгиланди. Бунга қадар ушбу миқдор БҲМнинг 10 баравари (2 млн 230 минг сўм) эди.

Юридик шахсларга орқа ён ойнани қорайтириш учун тўлов миқдори ўзгармаган - БҲМнинг 10 баравари (2 млн 230 минг сўм).

Шунингдек, орқа ва олд ён ойналар бўйича тусини ўзгартиришнинг тўлови миқдори ҳам аввалгидек сақланиб қолди, яъни жисмоний ва юридик шахслар учун БҲМнинг 50 баравари (11 млн 150 минг сўм) миқдорини ташкил этади.


👉 @xushnudbek 👈