G‘alabaaaaaaa!!!

🇺🇿O‘zbekiston U-17 terma jamoasi jahon chempionatining nimchorak finalida Angliya ustidan 2-1 hisobida g‘alaba qozondi va chorak finalga yo‘l oldi.


👉 @xushnudbek 👈

Shavkat Mirziyoyev Ozarbayjon Respublikasi Prezidenti Ilhom Aliyevning taklifiga binoan 23-24 noyabr kunlari amaliy tashrif bilan ushbu mamlakatda bo‘ladi.

Davlatimiz rahbari Boku shahrida BMTning Markaziy Osiyo iqtisodiyotlari uchun maxsus dasturi (SPEKA) birinchi sammitida ishtirok etadi.

Maʼlumot uchun: SPEKA dasturi mintaqa mamlakatlarining iqtisodiy hamkorligini rivojlantirish hamda ularning jahon iqtisodiyotiga integratsiyalashuviga ko‘maklashish maqsadida 1998-yil 26-mart kuni Toshkent deklaratsiyasiga muvofiq taʼsis etilgan. Ishtirokchi davlatlar – 🇺🇿O‘zbekiston, 🇦🇿Ozarbayjon, 🇰🇿Qozog‘iston, 🇰🇬Qirg‘iziston, 🇹🇯Tojikiston va 🇹🇲Turkmaniston.


👉 @xushnudbek 👈

Metroda har 2 daqiqada poyezd kelishini ta'minlash bo'yicha topshiriq berildi

Shavkat Mirziyoyev 21-noyabr kuni Toshkent metropolitenida xizmatlar sifatini oshirish chora-tadbirlari bo‘yicha taqdimot bilan tanishdi.

Yig‘ilishda metro xizmatlari sifatini oshirish, yana yangi vagonlar olib kelib, foydalanish muddati o‘tganlarini yangilash, ikki daqiqali intervalni ta’minlash zarurligi ta’kidlandi.


👉 @xushnudbek 👈

🇺🇿 O’zbekiston U-17 terma jamoasi Jahon chempionatining chorak finalida 🇫🇷Fransiyaga qarshi maydonga tushadi. Faranglar nimchorak finalda Senegalni penaltilar hisobida mag’lub etdi.

Chorak final o’yinimiz 25-noyabr, shanba kuni Toshkent vaqti bilan soat 13:30 da boshlanadi.


👉 @xushnudbek 👈

Parijda bo‘lib o‘tayotgan YUNESKO Bosh Assambleyasida navbatdagi 43-sessiyani 2025-yilda Samarqandda o‘tkazish taklifi rasman maʼqullandi.

Bosh Assambleyaning sessiyasi oxirgi marta Parijdan tashqarida 1985-yilda (Sofiya sh., Bolgariya) bo‘lib o‘tgan.


👉 @xushnudbek 👈

Toshkent shahar 7-son klinik shifoxonasiga yordam so‘rab kelgan bemor uni virusolog-mutaxassis ko‘rigiga yo‘naltirgan shifokordan norozi bo‘lib, unga qarata stul uloqtirgan. Holat yuzasidan 22-noyabr kuni Jinoyat kodeksining 277-moddasi (Bezorilik) bilan jinoyat ishi ochilgan.

Internetda shifokorga o‘ta qo‘pol muomalada bo‘lgan yigit “tuman prokurori yordamchisi” ekani haqida ma’lumotlar tarqalgandi. Biroq Bosh prokuratura matbuot xizmati buni rad etib, ushbu shaxs prokuratura organlarida xizmat qilmasligi, oliy ta’lim muassasasi talabasi ekani, ammo u qaysi OTMda o‘qishi oshkor qilinmasligini ma’lum qilgan.

Ma‘lum bo‘lishicha, o'sha shaxs shifoxonadagi qayd daftari uchun o‘zi haqida ma'lumot berishda ish/o'qish joyini “Bosh prokuratura huzuridagi Huquqni muhofaza qilish akademiyasi” deya ko‘rsatgan.


👉 @xushnudbek 👈

405 nafar shaxs 142 mln so‘mga chuv tushdi

31 yashar kiberfiribgar odamlarni chuv tushirishning antiqa yo‘lini o‘ylab topadi. Unga ko‘ra, behayo saytlarga kirganlarning ekranida Ichki ishlar vazirligi nomidan soxta ogohlantirish chiqadi. Siz taqiqlangan saytga kirdingiz, endi jarima to’lang, yo’qsa telefoningni bloklab, mazzangni qochiramiz, degan yolg’on gap aytiladi.

Behayo video tomosha qilaman deganlar esa bunga chippa-chin ishonib, qo’rqqanidan ko’rsatilgan karta raqamiga 350 ming so‘m miqdorida pul o’tkazib beradi.

Unaqa soddalar soni 405 nafar ekan. Firibgar esa shubha uyg‘otmaslik uchun karta raqamlarini almashtirib turgan. U mazkur hiylasi orqali 5 kun ichida 142 mln so‘m “ishlab topgan”. Endi esa buning uchun qonun oldida javob berishiga to‘g‘ri keladi.


👉 @xushnudbek 👈

Futbol bo‘yicha 2024-yilgi U23 Osiyo kubogiga qur’a tashlandi

Qur’a bizga omadli keldi, desak ham bo’ladi. O‘zbekiston “D” guruhidan joy oldi va quyidagi jamoalarga qarshi o’ynaydi:

🇺🇿 O‘zbekiston
🇻🇳 Vyetnam
🇰🇼 Kuvayt
🇲🇾 Malayziya

Ushbu Osiyo kubogining ahamiyatli tomoni, unda Parij-2024 Olimpiadasiga yo’llanmalar o’ynaladi. Aniqrog’i 1-3-o’rinni olgan jamoalar to’g’ridan-to’g’ri Olimpiadaga chiqadi. 4-o’rinni olgan jamoa play-offda qatnashadi.

Musobaqa kelasi yilning 15-aprel – 3-may kunlari Qatarda oʻtkaziladi.


👉 @xushnudbek 👈

Bolalar ombudsmaniga qo‘shimcha yangi huquqlar berilishi mumkin

Bu haqdagi qonun loyihasi Oliy Majlis Qonunchilik palatasida ikkinchi o‘qishga tayyorlanmoqda.

Jumladan:

➖ voyaga yetmagan shaxs ishtirok etgan jinoyat ishi hujjatlari bilan tanishish va ulardan ko‘chirma nusxalar olish;
➖bolaning buzilgan huquqlari, erkinliklari va manfaatlarini himoya qilish hamda tiklash maqsadida sud jarayonlarida ishtirok etish;
➖hukm bilan tanishib, bola manfaatidan kelib chiqib, prokuraturaga hukm ustidan protest bildirish haqida murojaat qilish.

Bundan tashqari, hujjatga ko‘ra:

🔹 surishtiruv, tergov organlari va sud voyaga yetmaganlarning hayoti, sog‘lig‘i yoki jinsiy erkinligiga qarshi jinoyatlarga oid qabul qilgan qaror, hukm (ajrim)lari to‘g‘risida Bolalar ombudsmanini yozma ravishda xabardor qilishi shart bo‘ladi;
🔹Bolalar ombudsmani mansabdor shaxslarga qonunchilik buzilishiga yo‘l qo‘ymaslik to‘g‘risida ogohlantirish va taqdimnomalar kiritish huquqiga ega bo‘ladi;
🔹Bolalar ombudsmanining Oliy Majlis, Konstitusiyaviy sud, Oliy sud, Vazirlar Mahkamasi majlislarida ishtirok etish va masalalar kiritish huquqi mustahkamlanadi.


👉 @xushnudbek 👈

Baxtiyor Ibragimov O‘zbekistonning Avstriyadagi elchisi sifatida ish boshladi. U Avstriya prezidentiga ishonch yorlig’ini topshirgan.

Yangi elchi 2017–2023-yillar davomida O‘zbekistonning BMTdagi doimiy vakili sifatida faoliyat yuritgan.


👉 @xushnudbek 👈

Aholi orasida o‘tkir virusli infeksiyalarga chalinganlar ko‘paymoqda. Nima choralar ko‘rilyapti?

SSVning maʼlum qilishicha, butun dunyoda bo‘lgani kabi kuz-qish mavsumida yurtimizda yosh o‘g‘il-qizlar orasida o‘tkir respirator kasalliklarning davriy ko‘tarilishi kuzatilmoqda. Jumladan, Toshkent shahridagi bolalar klinik shifoxonalariga yuklamalar yilning boshqa davrlariga nisbatan ortgan.

Vazirlik bu bo‘yicha tegishli choralar ko‘rilayotganini maʼlum qildi:

🏥 Zangiota-1 yuqumli kasalliklar shifoxonasida o‘tkir respirator virusli infeksiyalarga chalingan bolalar uchun ajratilgan o‘rinlar sonini 300 tadan 500 taga oshiriladi;

🚑 So‘nggi kunlarda aholidan haroratining ko‘tarilishi, yo‘tal belgilari bilan chaqiruvlar soni ortgani sababli “103” xizmatiga ertalab soat 06:00 dan 14:00 gacha poytaxt shifoxonalarida zaxirada bo‘lgan 40 ta avtomashina qo‘shimcha ajratildi;

🚑 25-noyabrdan tez tibbiy yordam xizmatiga 29 ta to‘liq jihozlangan “Isuzu” rusumdagi avtomashinalari tibbiy brigadalar bilan doimiy foydalanish uchun ajratiladi.


👉 @xushnudbek 👈

Farzandi gul soʻragani uchun uni haqoratlab, urishgan ona reabilitatsiya va moslashtirish markaziga joylashtirildi

Ijtimoiy himoya milliy agentligi tarmoqlarda tarqalgan — voyaga yetmagan farzandi gul doʻkonidan gul soʻragan vaqtida uni haqoratlab, urishib, doʻkondan olib chiqqan ona aks etgan video yuzasidan munosabat bildirdi.

Maʼlum qilinishicha, oʻrganishlar davomida ona V.A. turmush oʻrtogʻi bilan birga yashamasligi, doimiy ish joyiga ega emasligi aniqlangan.

Hozirda fuqaro V.A ayollarni reabilitatsiya va moslashtirish markaziga joylashtirilgan, qizi V.I esa Voyaga yetmaganlarga ijtimoiy-huquqiy yordam koʻrsatish markaziga joylashtirilib, psixolog va pedagoglar tomonidan uning ruhiy holatini yaxshilash yuzasidan ishlar amalga oshirilmoqda.

Holat yuzasidan Ijtimoiy himoya milliy agentligi Toshkent shahar boshqarmasi tomonidan ishchi guruh tuzilib va “Ijtimoiy ish” ochilgan boʻlib, oilaning og’ir vaziyatga tushganlik sabablari toʻliq oʻrganiladi va bolani maktabda taʼlim olishi yuzasidan amaliy yordam berish ishlari olib boriladi.


👉 @xushnudbek 👈