📹 O‘zbek yigiti Ukrainadagi urushda vafot etdi

Rossiyaga ishlash uchun ketgan yurtdoshimiz Sh.Tojiboyev taksichilik qilayotgan paytda mashinasidan geroin moddasi topilgani uchun ozodlikdan mahrum qilinadi. Onasining aytishicha, unga tuhmat qilishgan.

U jazoni o‘tayotgan bir vaqtda Rossiya-Ukraina o‘rtasidagi harbiy nizolarda ishtirok etish uchun safarbar etilgan. Ko‘p o‘tmay Sh.Tojiboyev urushda vafot etadi va uning jasadi tobutda O‘zbekistonga keltiriladi. U dron hujumlari natijasida vafot etgan, tanasining yarmi yo’q bo’lib ketgan.

Bu haqda marhumning onasi so'zlab bergan.

P/S: yaqinda xuddi shu masala bo’yicha qiziqib ko’rgan edim. O’zbekiston Mudofaa vazirligi tomonidan Rossiyaga o’qishga yuborilgan harbiy-kursantlardan biri xuddi shunaqa narkotik tashish ayblovi bilan qamalib qolgan ekan. Onaizor “o’g’limga tuhmat qilishgan, mayli, hech bo’lmasa O’zbekistonga qaytarishsin” deb bormagan eshigi qolmabdi. Mendan ham yordam berishni iltimos qildi.

Ming afsuski, norasmiy xabarlarga ko’ra, Rossiyada 20 mingdan ortiq O’zbekiston fuqarolari turli sabablar bilan qamoqda. Rossiya Hukumati bilan mahbuslarni almashish to’g’risida bitim yo’q, shu sababli mahbuslarni O’zbekistonga olib kelishda o’ziga xos muammolar bor ekan.

Ammo Rossiya tomoni videoda ko’rsatilgan Sh.Tojiboyev singari yigitlarimizni urushning o’chog’iga o’limga yubormoqda. Bu naqadar jirkanchlik. Mahbuslarning ojizligidan, qiyin holatidan foydalanib, ularga go’yoki ozodlik va’da qilib, o’lim putyovkasi beryapti. Jin ursin senlarni.

Rossiyadagi o’zbek mahbuslarni, ayniqsa kuchga to’lgan yoshlarni bir imkonini qilib yurtimizga qaytarish kerak. Yo’qsa, ularning ko’pchiligi ahmoqona urushda kimlarningdir qabih maqsadlari yo’lida o’lib ketishi mumkin.


👉 @xushnudbek 👈

Ushbu videodagi holat 2019-yil oktyabr oyida bo’lgan. Daniya bosh vaziri Mette Frederiksen (hozir ham shu lavozimda) parlament deputatlari oldida byudjetdagi kutilmagan xarajat bo’yicha hisobot beryapti va deputatlardan shu ortiqcha chiqimga rozilik so’rayapti.

Bosh vazirning Daniya sirklaridagi so'nggi to'rtta filni sotib olish haqidagi hikoyasi kulgiga sabab bo'lgan (samimiy kulgu).

Gap shundaki, Daniyada 2017-yili sirklarda yovvoyi hayvonlar, jumladan, fillardan foydalanish taqiqlangan edi. Shundan so’ng, hukumat sirkdagi hayvonlarni o’zi sotib olib, ularga g’amxo’rlik qiladigan bo’ldi.

So'nggi to'rtta fil uchun byudjetdan 11 million Daniya kronasi (1,6 million yevro) to'langan. Biroq, kutilmagan holat yuzaga kelgan - Rambolin laqabli fil ko'p yillar davomida Ali laqabli tuya bilan do'st bo'lib kelgan.

“Bizga Rambolin va Alini ajratmaslik juda muhimligini aytishdi. Shuning uchun uni ham sotib olishga majbur bo‘ldik”, — deyapti bosh vazir deputatlarga. Va bu ikki do’st hikoyasini ayta turib, beixtiyor kulib yubordi. Uning ortidan butun parlament kulmoqda.

Yakunda deputatlar tuyani ham sotib olishga rozilik beribdi.

Bizning parlamentda shunaqa holatni tasavvur qilish mumkinmi? Yo’q, albatta! Daniyada bitta tuya uchun deputatlardan rozilik so’ralyapti, bizda esa yuz milliardlab pullar “tuya” qilinadi, lekin hech kim xalq vakillaridan ruxsat so’ramaydi. Deputatlar ham buni talab qilmaydi.

Xullas, qanaqadir parallel olamda yashayotgandekmiz.

Ma’lumot uchun: Daniya dunyodagi eng korrupsiyadan holi davlatlar reytingida 1-o’rinda, aholisi eng baxtiyor davlatlar reytingida 2-o’rinda, yashash sharoiti eng yaxshi davlatlar reytingida 6-o’rinda turadi.


👉 @xushnudbek 👈

IELTS sertifikatini olib berishni vaʼda qilgan shaxs qoʻlga olindi

Bosh prokuratura huzuridagi Departament hamda DXXning Jizzax viloyati boshqarmalari tomonidan Zomin tumanida oʻtkazilgan tezkor tadbirda fuqaro S.M. fuqaro Y.Q. ga tanishlari yordamida “IELTS” yoki "CEFR" sertifikatlaridan birini olib berish evaziga 3 ming AQSh dollarini olgan vaqtda ashyoviy dalillar bilan ushlangan.

Holat yuzasidan Jinoyat kodeksining 25, 168-moddasi (firibgarlik) bilan jinoyat ishi qoʻzgʻatilib, tergov harakatlari oʻtkazilmoqda.


👉 @xushnudbek 👈

Siyosiy partiyalar birin-ketin qurultoy o’tkazmoqda va unda o’z nomzodlarini tasdiqlayapti.

Bugun Xalq demokratik partiyasi qurultoyida Ulug‘bek Inoyatov nomzodi, “Adolat” SDP qurultoyida Robaxon Maxmudova nomzodi tasdiqlandi.

Erta-indin O‘zLiDeP va Ekopartiya ham qurultoyida nomzodini tasdiqlaydi.

Nomzodlar Markaziy saylov komissiyasi tomonidan ro‘yxatga olingach, saylovoldi tashviqotiga start beriladi.


👉 @xushnudbek 👈

♟️🇺🇿Nodirbek Abdusattorov nufuzli Norway Chess-2023 turnirining blits-saralashida birinchi o’rinni qo’lga kiritdi.

Dunyoning TOP-10 dagi eng kuchli shaxmatchilari, jumladan 🇳🇴Magnus Karlsen, 🇺🇸Hikaru Nakamura, 🇫🇷Alirizo Firuzja, 🇳🇱Anish Giri, 🇺🇸Fabiano Karuana, 🇺🇸Uesli So va yana boshqa kuchli grossmeysterlar qatnashayotgan yirik turnir bugundan start oladi.

Kecha asosiy turnirdagi o’rinlar va juftliklarni aniqlab olish maqsadida blits-saralash turniri o’tkazildi. Ushbu turnirda 18 yoshli o’zbek grossmeysteri 🇺🇿Nodirbek Abdusattorov 1-o’rinni qo’lga kiritdi.

Bu degani Nodirbek asosiy turnir davomida 1-raqam ostida qatnashadi va oq donalarda ko’proq o’ynaydi.

Shuningdek, Abdusattorov blits reytingini 2700 dan oshirib oldi. Shunday qilib Nodirbek klassik, rapid va blits yo’nalishlarning barchasida 2700+ reytingga ega bo’ldi. Qoyil! Barakalla! Xudo xohlasa, tez orada barchasida 2800+ ga ham chiqish nasib qilsin.

Nodirbekka bugun start oladigan asosiy klassik turnirda ham omadlar tilab qolamiz va chempionlik nasib qilsin, deb duodamiz.

U bugun oq donalarda Anish Giri bilan kuch sinashadi.


👉 @xushnudbek 👈

Prezident maktablari, ixtisoslashtirilgan maktablar, maktab-internatlar hamda ijod maktablariga hujjatlar iyun oyida onlayn qabul qilinadi;

imtihonlar iyul-avgust oylarida katta sig‘imli 58 ta yopiq pavilyonlarda bo‘ladi.

Prezident maktablariga kirish imtihonlari har doimgidek Cambridge Assesment Admissions Testing tashkiloti (Buyuk Britaniya) tomonidan tuzilgan nazorat materiallari asosida ushbu tashkilot bilan hamkorlikda o‘tkaziladi.

Eslatib o‘tamiz, bugungi kunda 14 ta Prezident maktablariga 5-sinfdan, 169 ta ixtisoslashtirilgan maktab va maktab-internetlarga 5,7-sinfdan (yangi ochilganlariga 5-11-sinfdan), 9 ta ijod maktabiga esa 7-sinfdan o‘quvchilar saralab olinadi.


👉 @xushnudbek 👈

Ayni daqiqalarda O‘zLiDeP Syezdi bo‘lib o‘tmoqda. Unda prezidentlikka nomzodi ko‘rsatilgan Shavkat Mirziyoyev o‘zining saylovoldi dasturi bilan tanishtirmoqda. U BESHTA STRATEGIK MAQSADdan iborat.

Jumladan, birinchisi — har bir insonga o‘z salohiyatini ro‘yobga chiqarish uchun munosib sharoit yaratish.

➖ Eng avvalo, 2030-yilga qadar maktabgacha taʼlimga bo‘lgan ehtiyoj to‘liq qoplanadi va qamrov 100 foizga yetkaziladi.

➖ Bog‘cha va maktablar filtrlangan ichimlik suvi bilan to‘liq taʼminlanadi.

➖ Kelgusi 7 yilda maktablarda qo‘shimcha 2,5 million o‘quvchi o‘rni yaratish zarur. Shu maqsadda, “Yiliga 500 ming o‘quvchi o‘rni” dasturi amalga oshiriladi.

➖ Xususiy taʼlimga qo‘shimcha yengilliklar beriladi.

➖ Davlat-xususiy sheriklik asosida maktablar qurish keng joriy etiladi.

➖ Boshlang‘ich sinf o‘quvchilari taʼlim planshetlari bilan to‘liq taʼminlanadi.

➖ Chekka hududlarimizda maktab avtobuslari bepul yo‘lga qo‘yiladi.

➖ Kelgusi yetti yilda barcha maktablarga chet ellardan “til egalari” bo‘lgan o‘qituvchilar olib kelinadi.


👉 @xushnudbek 👈

Tibbiyotga oid rejalar

Yurtimizda oʻrtacha umr davomiyligini hozirgi 73 yoshdan kelgusida 78 yoshga yetkazish boʻyicha barcha imkoniyatlar ishga solinadi.

Bunda quyidagilar rejalashtirilmoqda:

➖ 120 ming nafar onkologiya, 350 ming nafar diabet, 1,5 million yurak-qon tomir kasalligi bor bemorlarni davolash bilan toʻliq qamrab olish;

➖ “Gepatit С” kasalligini 100 foiz davlat hisobidan davolashni yoʻlga qoʻyish;

➖ “tuberkulyoz” bilan kasallanish darajasini yuz ming aholiga nisbatan hozirgi 34 nafardan keskin kamaytirish (2016-yilda 43 nafar bo'lgan).

➖ Kelgusi yildan birlamchi boʻgʻin orqali eng koʻp uchraydigan 10 ta kasallikni davolash va 6 ta tibbiy xizmatdan iborat kafolatlangan tibbiy paket aholiga bepul taqdim etiladi.

➖ Onkologik bemorlar hayotini saqlab qolish maqsadida, mamlakatimizda ilk bor oʻzak hujayralarini transplantatsiya qilish yoʻlga qoʻyiladi. Bu boradagi xarajatlar ehtiyojmand oilalar farzandlari uchun toʻliq davlat hisobidan qoplanadi.

➖ Sogʻliqni saqlash tizimi toʻliq raqamlashtiriladi va tibbiy sugʻurta tizimi joriy qilinadi.


👉 @xushnudbek 👈

Ijtimoiy himoya milliy agentligi tashkil etilishi mumkin

"Nogironlikni belgilash bo‘yicha hozirgi tibbiy modeldan ijtimoiy modelga o‘tiladi. Yaʼni, ishlash istagidagi nogiron shaxslar uchun zarur sharoitlarni yaratamiz", — dedi Shavkat Mirziyoyev.

➖ Buning uchun, ular mehnat bozorida talab yuqori bo‘lgan kasblarga bepul o‘qitiladi.

➖ Nogironligi bor oila aʼzosiga qarovchi ehtiyojmand insonlarga ish haqi to‘lash tizimi joriy qilinadi.

➖ Bu ishlarni muvofiqlashtirish uchun hozirgi 6 ta vazirlikda tarqoq bo‘lgan ijtimoiy xizmatlar birlashtirilib, Ijtimoiy himoya milliy agentligi tashkil etiladi. (Kambag‘allik, sog‘liqni saqlash, maktab taʼlimi, moliya, ichki ishlar, oliy taʼlim).

➖ Yangi Agentlik uchun kamida 10 foiz xodimlar nogironligi bo‘lgan shaxslar orasidan tanlov asosida ishga olinadi.

➖ Ijtimoiy himoyaga ajratiladigan barcha mablag‘lar Agentlik huzurida tashkil etiladigan alohida jamg‘arma orqali manzilli yo‘naltiriladi va uning xarajatlari ochiq-oshkora bo‘ladi.


👉 @xushnudbek 👈

IKKINCHI STRATEGIK MAQSAD — odamlarni hayotdan rozi qilish uchun barqaror iqtisodiy oʻsishni taʼminlash.

2030-yilga borib quyidagi natijalarga erishish reja qilinmoqda:

✅ iqtisodiyotimizni 2 barobar oshirib, 160 milliard dollarga yetkazish;
✅ aholi jon boshiga yalpi ichki mahsulot hajmini hozirgi 2 ming 200 dollardan 4 ming dollarga oshirish.

Buning natijasida, Oʻzbekiston “daromadi oʻrtachadan yuqori boʻlgan davlatlar” qatoriga, albatta kiradi.

Tariximizda ilk bor alyuminiy, litiy, poʻlat, grafit ishlab chiqarish boshlanadi.

🚗 Xususan, 4 ta nufuzli xorijiy kompaniyaning loyihalari ishga tushirilib, avtomobilsozlik sohasida haqiqiy raqobat paydo boʻladi va ishlab chiqarish hajmi yillik 1 million donaga yetkaziladi (hozir 350 ming).

Bunda, yiliga 300 mingta elektromobil ishlab chiqariladi.


👉 @xushnudbek 👈

Yoʻl-transport sohasidagi rejalar:

➖ aviaqatnovlar soni 4 marta oshiriladi;

➖ Toshkent – Samarqand, Navoiy – Buxoro yoʻnalishlarida qoʻshimcha tezyurar temir yoʻllari quriladi;

➖ temir yoʻl sohasiga xususiy sektor jalb qilinib, xizmatlar sifati raqobatbardosh narxlar asosida belgilanadi;

➖ 6 ta yirik aeroport modernizatsiya qilinadi, xususiy aviakompaniyalar soni 10 taga yetkaziladi;

➖ 2030-yilga qadar tuman markazlaridan har bir qishloqqacha – jami 5,5 ming kilometr sement-beton yoʻllar quriladi va jamoat transporti bilan toʻliq qamrab olinadi.

➖ Toshkent – Samarqand va Toshkent – Fargʻona vodiysi yoʻnalishlarida xususiy sheriklik asosida yangi avtomobil yoʻllari quriladi.


👉 @xushnudbek 👈

2024-yildan boshlab, yangi uy-joy sotib olgan aholiga, qo‘shilgan qiymat solig‘ining yarmi qaytarib beriladi. Natijada, uy-joy xaridi aholiga arzonroq tushadi va qurilishdagi hisob-kitoblar shaffof bo‘ladi — Shavkat Mirziyoyevning saylovoldi dasturidan.


👉 @xushnudbek 👈

Ikki yilda barcha qishloq va ovullar Internet bilan to‘liq qamrab olinib, uning tezligi 10 karra oshiriladi — Shavkat Mirziyoyevning saylovoldi dasturidan.


👉 @xushnudbek 👈

UCHINCHI MAQSAD – suv resurslarini tejash va atrof muhitni muhofaza qilish.

«Bugungi kunda 70 foiz yerlar eski usulda sugʻorilmoqda, 60 foiz kanallar betonlanmagan. Shu sababli yiliga 16 milliard metr kub suv yoʻqotilmoqda. Bunday sugʻorish tizimi “yerga nisbatan ham, suvga nisbatan ham vahshiylik”, desak, xato boʻlmaydi. Buni odamlar ongiga, madaniyatimizga singdirishimiz shart. Isrofgarchilik Xudogayam, bandasigayam xush kelmaydi», — dedi Shavkat Mirziyoyev.

2030-yilga qadar ekin maydonlarini toʻliq suv tejaydigan texnologiyalarga oʻtkazish rejalashtirilmoqda.

Suv tejaydigan texnologiyani joriy qilgan fermer va dehqonlar yanada ragʻbatlantiriladi. Bunga kelgusi yildan 10 foizli kredit ajratiladi, oʻz hisobidan joriy qilganlarga esa, xarajatning 50 foizi qoplab beriladi.


👉 @xushnudbek 👈

Bugun tunda U-20 Jahon chempionatining nimchorak finalida 🇺🇿 Oʻzbekiston terma jamoasi 🇮🇱Isroilga qarshi maydonga chiqadi.

Uchrashuv soat 02:00 da “Uzreport TV” telekanali orqali jonli efirda namoyish etiladi.

Yigitlarimizga omad tilaymiz!


👉 @xushnudbek 👈

Kelgusi yilda “Ochiq byudjet”ga beriladigan mablag‘ 3 karra oshirilib, 24 trillion so‘mga yetkaziladi — Shavkat Mirziyoyevning saylovoldi dasturidan.


👉 @xushnudbek 👈

Shavkat Mirziyoyev: Hozir tumanda bir sudya tergovda huquqni cheklashga sanksiyani ham o‘zi berayapti, ham o‘zi jinoyat ishi bo‘yicha hukm chiqarayapti. Albatta, bu yerda xolislik, adolat buziladi.

Shuning uchun, bundan buyon tergovda huquqni cheklashga sanksiya berishni alohida sudyalar amalga oshirishi, o‘ylaymanki, to‘g‘ri bo‘ladi.


👉 @xushnudbek 👈

Sud-huquq sohasidagi rejalar:

➖ og‘ir bo‘lmagan jinoyatlar bo‘yicha hozir taraflar o‘rtasida yarashuv bo‘lsa ham, jinoyat ishi qo‘zg‘atiladi, odamlar tergov va sudda sarson bo‘lib yuradi. Shu bois, jabrlanuvchining iltimosiga asosan jinoyat ishini qo‘zg‘atmasdan ham yarashish imkoniyati yaratiladi;

➖ odamlarni “qamoqqa olib tergov qilish” amaliyotini kamaytirish, buning o‘rniga garov ehtiyot chorasidan keng foydalanish imkoniyatini yaratish lozim;

➖ qamoqdagi shaxslardan olingan “aybni bo‘yniga olish” haqidagi ariza dalil sifatida qabul qilinmasligi shart;

➖ dunyo amaliyotidan kelib chiqib, jinoyat sodir qilgan shaxslarni ular kelgusida tuzalish yo‘liga o‘tishi uchun, muqobil jazo turlarini kengaytirish zarur;

➖ tadbirkorlar uchun jinoiy javobgarlikni yanada liberallashtirish kerak.


👉 @xushnudbek 👈

Abituriyent xotin-qizlar uchun tavsiyanoma olishga arizalar qabul qilish boshlandi
#abituriyent

Bugun, 30-maydan boshlab, ehtiyojmand oilalardagi 2 ming nafar xotin-qizlarga qoʻshimcha qabul koʻrsatkichlari doirasida ajratiladigan tavsiyanomalar berish uchun arizalar qabuli boshlandi.

📝 Arizalar xotin-qizlar.uz platformasi orqali elektron shaklda qabul qilinadi.

🗓 Talabgorlarning arizalari 8-iyunga qadar qabul qilinadi.

Arizalar 10-iyunga qadar tuman (shahar) Ishchi guruhlari tomonidan oʻrnatilgan tartibda koʻrib chiqiladi.

Tavsiyanoma elektron shaklida 15-iyunga qadar oʻrnatilgan tartibda oʻz egalariga yetkaziladi.

❗️Shuningdek, mutaxassisligi bo‘yicha kamida 5 yil mehnat staji mavjud oliy ma’lumotga ega bo‘lmagan xotin-qizlar 500 ta kvota uchun joriy yilning 1-iyuniga qadar (shu kuni ham) ariza bilan yashash joyidagi tuman (shahar) Ishchi guruhlariga murojaat etishlari lozim.

Bu haqda batafsil bu yerda: https://t.iss.one/xushnudbek/19446

Bu ikkita tavsiyanoma boshqa-boshqa bo’lib, bir kishi ikkala tavsiyanomani ham olishi mumkin.


👉 @xushnudbek 👈

❗️ Ehtiyojmand oilalardagi xotin-qizlarga tavsiyanoma quyidagi mezonlar asosida beriladi:

➖ kam ta’minlangan oilalardagi xotin-qizlar. Oilaning har bir a’zosiga jami bir oylik o‘rtacha daromad minimal iste’mol xarajatlari miqdoridan oshmaganda kam ta’minlangan deb e’tirof etil tushuniladi;

➖ to‘liqsiz oilada tarbiyalanayotgan, ya’ni otasi yoki onasi yoxud ularning ikkalasi ham vafot etgan ijtimoiy himoyaga muhtoj qizlar;

➖ turmush o‘rtog‘i vafot etgan, voyaga yetmagan farzandini yolg‘iz tarbiyalayotgan ijtimoiy himoyaga muhtoj ayollar;

➖ nogironligi bo‘lgan farzandi bor ehtiyojmand oilalardagi xotin-qizlar;

➖ ikki va undan ortiq farzandlarini tarbiyalayotgan, boshqa qarindoshlaridan alohida (ijarada) yashayotgan ijtimoiy himoyaga muhtoj yolg‘iz ayollarning qiz farzandlari;

➖ ota-onalaridan biri yoki har ikkisi ham birinchi yoki ikkinchi guruh nogironi bo‘lgan ehtiyojmand oilalardagi xotin-qizlar.

✅ Tavsiyanoma yuqoridagi mezonlarga mos kelgan ehtiyojmand oilalardagi barcha talabgor xotin-qizlarga beriladi. Ya’ni tavsiyanomalar soniga cheklov yo’q, necha kishi to’g’ri kelsa, barchasiga beriladi.

❗️Tavsiyonoma berildi degani, o’qishga kirdi degani emas. Tavsiyanoma olganlar orasida yuqoriroq ball olish ham talab etiladi. Ko’pchilik tushunmasdan “meni tavsiyanomam bor edi, lekin nega o’qishga qabul qilinmadim” deb e’tiroz bildiradi.
#abituriyent


👉 @xushnudbek 👈