Ёшлар симфоник оркестри бадиий раҳбари ва бош дирижёри, Ўзбекистонда хизмат кўрсатган артист Камолиддин Ўринбаев Ўзбекистон давлат консерваторияси ректори этиб тайинланибди.

Иқтидорли ижодкорнинг таълим соҳасидаги келгуси ишларида омадлар тилаймиз!


👉 @xushnudbek 👈

Самарқанд вилояти “ГАИ”си ноқонуний баённома учун моддий ва маънавий зарарларни тўлайдиган бўлди

2018 йил 17 май куни Анвар (исм ўзгартирилган) бошқариб келаётган “Дамас” русумли автомашинани Оқдарё тумани Лойиш шаҳарчасига киришда вилоят ИИБ йўл ҳаракати бошқармаси ходими тўхтатади.

У ҳайдовчига “Йўл ҳаракати қоидаси”нинг 194 ва 56-бандларида кўрсатилган талабларни бузиб, сидирға чизиғи устида ҳаракатлангани учун маъмурий баённома расмийлаштиради. Оқдарё тумани ИИБ ЙҲХБ унга нисбатан МЖтК 128-моддасига асосан 86 минг 120 сўм маъмурий жарима солиш тўғрисида қарор чиқарган.

Табиийки, Анвар жарима тўлашга мажбур бўлади. У ушбу ҳолатдан норози бўлиб, Оқдарё тумани маъмурий судига шикоят ариза билан мурожаат қилади. Суднинг ҳал қилув қарори билан юқорида келтирилган жарима тайинлаш ҳақидаги қарори бекор қилинади.

Шундан сўнг Анвар жарима қайтарилмаганлиги, ИИБ ЙҲХБ раҳбарияти ва бошқарма ходимининг ноқонуний хатти-ҳаракатлари натижасида у ҳақиқат излаб идорама-идора югуришга мажбур бўлганлиги, фуқаролик ҳақ-ҳуқуқларини оёқ ости қилишлари оқибатида жуда катта маънавий зарар етганлиги, асаблари сурункали равишда бузилиб, соғлиғини йўқотгани учун фуқаролик судига даъво ариза қўзғатиб, моддий ва маънавий зарарни ундиришни сўрайди.

Низо бошиданоқ Анвар тузилган маъмурий баённома юзасидан ўз ҳуқуқларини талаб қилган. У тегишли маъмурий баённомага эътирозларини ёзмоқчи бўлган, бироқ унга бундай имконият берилмаган.

Оқдарё тумани маъмурий судининг ҳал қилув қарори билан юқорида келтирилган ҳолат бўйича Анвар асоссиз равишда, шошма-шошарлик билан маъмурий жазога тортилганлиги сабабли унга нисбатан тайинланган жарима жазоси бекор қилиниб, иш юритиш тўхтатилган.

Кассация инстанцияси суди Анварга ғайриқонуний маъмурий жазо тайинланиб, асоссиз равишда жаримага тортилганлиги оқибатида у маънавий қайғуриш ва ноқулайликни бошидан кечирганлигини, жаримани тўлаб моддий зарар кўрганлигини инобатга олиб, жавобгар Самарқанд вилоят ички ишлар бошқармаси йўл ҳаракати ҳавфсизлиги бошқармасидан даъвогар Анвар фойдасига 86 минг 120 сўм моддий зарар, 1 миллион 500 минг сўм маънавий зарарни ундиришни белгилади. Шунингдек, 608 минг 190 сўм дастлаб тўланган давлат божи, 16 минг 190 сўм почта харажати ҳам ИИБ ЙҲХБдан ундириладиган бўлди.

Б.ХУДАЙБЕРГАНОВ,
фуқаролик ишлари бўйича Самарқанд вилояти суди судьяси.


❗️P.S.: Баракалла, Анвар! Баракалла, одил суд. Мана шунақа ўз ҳаққини талаб қиладиган фуқароларимиз ёрдами билан, ўз касбининг "к" ҳарфини ҳам билмайдиган, қонун-қоидаларни тушунмайдиган лаёқатсиз ходимларнинг эсини киритиб қўйиш мумкин. Лекин энг асосийси фуқарога тўланадиган маънавий зарар давлат бюджетидан эмас, регресс тартибида ўша нотўғри баённома тузган ходимнинг чўнтагидан қопланиши керак. Шунда янада самарали бўлади.


👉 @xushnudbek 👈

Халқ таълими вазирлиги ҳузуридаги Республика таълим марказига янги директор тайинланди.

Халқ таълими вазири буйруғи билан Шуҳрат Сатторов Республика таълим маркази директори лавозимига тайинланди.

Эслатиб ўтамиз, 2020 йилнинг февраль ойидан бери Шуҳрат Сатторов мазкур марказда директор ўринбосари лавозимида ишлаб келаётган эди.

Шуҳрат Сатторов 2004-2008 йиллардаЎзбекистон давлат жаҳон тиллари университетининг халқаро журналистика, 2008-2009 йилларда Пуна университети (Ҳиндистон Республикаси)нинг Оммавий алоқалар ва журналистика факультетида таҳсил олган.

2018-2020 йилларда Жанубий Кореянинг Ёнсей университетида Давлат, бизнес ва тадбиркорлик факультетида магистратура йўналишини тамомлаган.

Шуҳрат Сатторовга халқ таълими тизимида сифатни ошириш бўйича яхши ўзгаришлар қилишда куч-қувват тилаймиз!

Қўшни давлатларда масофавий таълимда ўқиётганларнинг ўқишини кўчириш юзасидан

Кеча Бош вазир ўринбосари Беҳзод Мусаев бошчилигидаги анжуманда кўпчилик сўраётган яна бир масала бўйича савол бердим.

Қўшни давлатлардаги ОТМларда масофавий асосда ўқишини кўчириш учун ариза берган талабалар тақдири бироз ҳавода осилиб қолгандек гўё. Кимдир ўқишни кўчиришга рухсат деса, яна кимдир Давлат қабул комиссияси баённомасида рухсат берилмаган, шунинг учун иложи йўқ дейди.

Бу мавҳумлик ортидан минглаб талабалар нима қилишини била олмаяпти.

Ушбу масалага жавоб берган Олий ва ўрта махсус таълими вазири Иномжон Мажидовнинг айтишича, қўшни давлатлардаги ОТМларда масофавий таълим олаётган талабаларни ўқишини кўчиришга тўсқинлик йўқ, бу ҳақда ОТМларга ҳам тегишли кўрсатма берилган.

Аммо бу ерда бир жиҳати муҳим. Муаммо шундаки, қўшни давлатлардан ўқишни кўчириш акцияси эълон қилингач, ушбу қулай вазиятдан фойдаланиб қолиш истагида бўлган "олғирлар" сохта ҳужжатлар тайёрлашга тушиб кетишган. «Натижада қўшни давлатда ўқияпман» дейдиганлар сони кутилмаганда кескин ошиб кетган. Бу ҳолат айниқса масофавий таълим шакли билан кузатилган (чунки бу шаклда сохта ҳужжат қилиш бирмунча осонроқда).

Шунинг учун, масофавий таълимда ўқиётган талабаларнинг маълумотномаларининг ҳақиқийлигини текшириш, уларни ҳақиқатда қўшни давлатга ҳеч бўлмаса бир марта бўлса-да, борган ёки бормаганини аниқлаштириш учун жараён бирмунча чўзилиб кетган.

«Агар ҳақиқатдан масофавий таълимда ўқиганлиги тўлиқ исботланган тақдирда уларнинг ўқишини кўчириш ва Ўзбекистонда талабаликка қабул қилиш бўйича ҳеч қандай муаммо йўқ», - дея таъкидлади Олий ва ўрта махсус таълим вазири.

Йиғилишда ушбу масала кўпчиликни ўйлантираётгани сабабли вазирлик расмий саҳифаларида бу бўйича батафсил тушунтириш беришларини илтимос қилдим. Вазирлик тез орада ана шундай расмий тушунтириш беришга ваъда қилди.


👉 @xushnudbek 👈

Жаҳон иқтисодиёти ва дипломатия университетида дастлабки имтиҳон ўтказиш тартиби тасдиқланди
#abituriyent

Хабарингиз бор, ЖИДУда тестдан олдинги бирламчи имтиҳон ҳам бўлади. Яъни бирламчи имтиҳондан ўта олмаганлар, тестга киритилмайди.

Бугунги кундаги пандемия ҳолатидаги вазиятдан келиб чиқиб, 2020-2021 ўқув йили ЖИДУ бакалавриат йўналишларига ўқишга қабул қилишда дастлабки имтиҳон масофавий онлайн тарзда ўтказилиши режалаштирлмоқда.

Aбитуриентлар ЖИДУ абитуриентларини электрон рўйхатга олиш тизимида онлайн ариза тўлдиришади (https://admission.uwed.uz) ва рўйхатга олиш пайтида талаб қилинадиган ҳужжатларнинг электрон нусхасини юклайди ва ўз навбатида дастлабки имтиҳонга йўлланма олади.

Aризалар 2020 йил 15 июндан 5 июлгача қабул қилинади.

Батафсил маълумот:
https://uwed.uz/uz/pages/bachelor-degree

ЖИДУ йўналишлари ва тест ўтадиган фанлар рўйхати:

1) Сиёсатшунослик

Тарих (3,2 балл)
Чет тили (3,1 балл)

2) Халқаро иқтисодиёт ва менежмент (минтақалар ва фаолият турлари бўйича)

Математика (3,2 балл)
Чет тили (3,1 балл)

3) Юриспруденция (халқаро ҳуқуқий фаолият)

Тарих (3,2 балл)
Чет тили (3,1 балл)


👉 @xushnudbek 👈

Пойтахт марказидаги Ойбек ва Нукус кўчалари кесишмасида эски кенаф фабрикаси ўрнида турар-жой мажмуаси қурилиши бошланган. Аммо жараён бошланиши билан ўша ерга яқин яшовчи аҳоли ва қурилиш компанияси ўртасида келишмовчилик юзага келибди.

Маълум бўлишича, 2016 йилда аввалига бу ерда 1,5 гектар ҳудудда маданият ва спорт соғломлаштириш парки қурилиши бўйича Тошкент шаҳар ҳокимининг қарори чиққан. Унга кўра, 2017 йил майга қадар парк қурилиб фойдаланишга топширилиши лозим бўлган. Аммо 2018 йилга келиб Тошкент шаҳар ҳокимининг бошқа бир қарори чиқарилиб, бу ерда (ер майдони 1,8 гектарга кенгайтирилган) кўп қаватли уй-жой қурилиши бўйича қарор қабул қилинган. Қарор чиқарилган компания айнан шу ҳужжат бўйича иш бошлаган. У ерда аҳолининг уйи ёки мол-мулки бузилмабди. Аммо аҳоли ҳокимиятнинг дастлабки қарори важи билан бу ерда олиб борилаётган қурилишга қарши чиқмоқда.

Қарорни ҳокимият чиқарган, қурилиш компанияси шу қарор асосида ва доирасида иш олиб боряпти. Унда ким айбдор деган савол туғилади. Биринчидан, нега биринчи қарор бўйича бир йил иш бутунлай тўхтаб қолган? Амалдаги қарор бўйича иш олиб бораётган қурилиш компанияси нима қилиши керак? Саволларга жавоб бериш орқали хулоса қилиш мумкин.


👉 @xushnudbek 👈

Шавкат Мирзиёев: Пандемияга қарши курашишда ҳушёрлик ва масъулиятни ўн карра оширадиган янги босқич бошланмоқда
—
Шавкат Мирзиёев: Настал момент значительного усиления бдительности и ответственности в борьбе с пандемией


Prezident.uz|Facebook|Instagram|YouTube|Twitter

Ҳукумат қарори билан Абдураҳманов Одил Қаландарович Тошкент давлат транспорт университетининг ректори этиб тайинланди.

Бунгача Одил Абдураҳмонов Президентнинг фан, таълим, соғлиқни сақлаш ва спортни ривожлантириш масалалари бўйича давлат маслаҳатчиси ўринбосари лавозимида ишлаб келаётган эди. Шунингдек, у маълум муддат Олий ва ўрта махсус таълим вазирининг биринчи ўринбосари бўлиб ҳам ишлаган эди.


👉 @xushnudbek 👈

Маска тақишни канда қилманг

Тиббий ниқоб тақиш масаласи бошида роса баҳс-мунозараларга сабаб бўлган эди. Яъни аввалига аксарият тиббиёт мутахассислари ҳам маска унчалик фойда бермайди, дейишди. Ҳатто Жаҳон соғлиқни сақлаш ташкилоти ҳам касаллар ва тиббиёт ходимлари тақишигина мақсадга мувофиқ деб юрди. Аммо кейинчалик кўпчилик, жумладан, ЖССТ ҳам ўз тавсияларини ўзгартирди. Чунки тадқиқотлар шуни кўрсатдики, шаҳарни бутунлай ёпиб қўйиш, самоизоляция билан бирга, оддий қўлбола маска тақишнинг ўзи ҳам коронавирус билан касалланишнинг кескин камайишини кўрсатди.

Масалан, Германиянинг Меҳнат иқтисодиёти институти тадқиқотчилари ниқоб тақиш самарадорлигини аниқлади. Маска коронавирус тарқалишини 40 фоизгача секинлаштириши мумкин.

Олимлар биринчилардан бўлиб жамоат транспортида ва дўконларда ниқоб кийишнинг мажбурий тартибини жорий қилган Германиянинг Иена шаҳридаги эпидемиологик вазиятни ўрганишди. Маълум бўлишича, 20 кун ичида Иенада янги ҳолатлар сони 25 фоизга, 60 ёшдан ошган одамлар орасида эса 50 фоизга камайди. Бу тартибни кечроқ жорий қилган аҳоли яшаш пунктларида вирус жадал тарқаган. Айниқса, йирик шаҳарларда масканинг самараси яққол сезилган.

Худди шундай тадқиқотни британиялик олимлар ҳам ўтказишган. Унга кўра, агар аҳолининг камида 50% маска тақса, коронавирус R0 (базавий репродуктив сон) бирдан паст бўлар экан. Соддароқ тушунтирилса, коронавирус юқтирган 10 кишидан вирус юқтирганлар сони 10 нафардан камроқ бўлади.

Демак, кун иссиқ, нафасим қайтаяпти, демасдан, то вакцина чиқиб, оммалашмагунча, маска тақишни канда қилмаслик лозим.

Яхши янгилик. Британиялик олимлар дексаметазон стероиди коронавирус оғир ўтаётган беморларга ёрдам беришини аниқлашди. Улар мазкур препаратни 2 мингдан ортиқ беморда синовдан ўтказишди. Маълум бўлишича, мазкур дори сунъий нафас олиш аппарати(ИВЛ)да бўлган беморларда ўлим рискини 40%дан 28%га, кислород маскасида бўлган беморларда эса 25%дан 20%га камайтирган. Дексаметазон билан даволаш 10 кун давом этиши мумкин. Дори касалликнинг енгил формаси билан оғриганларга ёрдам бериши эҳтимоли кам.

⚡️16 ёшга тўлган, лекин ҳали паспорт олмаган абитуриентлар ҳужжат топшира олмайди. Улар тезроқ паспорт олиши керак!
#abituriyent

Мазкур йилда ОТМларга ҳужжатларни қабул қилиш онлайн шаклда Давлат тест маркази ва Ягона интерактив давлат хизматлари портали орқали амалга оширилади. Ушбу онлайн қабул тизими абитуриентларнинг фуқаролик паспортидаги жисмоний шахсларнинг идентификация рақами (ПиНФЛ) билан боғланади. Шу боис, ОТМларга ҳужжат топширишда 16 ёшга тўлган битирувчилар паспорт олишлари муҳим ҳисобланади.

Юртимизда карантин чекловлари жорий этилгани сабабли паспорт ёшига (16 ёш) етган 41 000 дан ортиқ битирувчилар фуқаролик паспортини ўз вақтида олиш имкониятига эга бўлмаган.

Халқ таълими вазирлиги ушбу битирувчилар ва уларнинг ота-оналарига мурожаат билан чиқиб, тезроқ паспорт олиш масаласида Ички ишлар органларининг миграция ва фуқароликни расмийлаштириш бошқармаларига мурожаат этишларини сўрамоқда.

Эслатиб ўтамиз, онлайн қабул жараёнлари жорий йилнинг 20 июнь кунидан бошлаб 20 июль кунига қадар давом этади.


👉 @xushnudbek 👈

Тошкент шаҳрида тахминан 9 минг пропискасиз фуқаролар иккиламчи бозордан уй сотиб олишди

2020 йил 1 апрелдан Тошкент шаҳри ва Тошкент вилоятида пропискаси бўлмаган фуқаролар ҳам кўчмас мулк сотиб олиш имкониятига эга бўлган эди.

Ўтган 70 кунда Тошкент шаҳридан 12 799 та, Тошкент вилоятидан эса 2 052 та уй-жой олди-сотди битимлари нотариал идораларда расмийлаштирилган.

Шундан 70 фоизи айнан, пропискаси бошқа ҳудудларда бўлган фуқаролар иштирокидаги битимларга тўғри келади.

Адлия вазирлиги матбуот хизматининг таъкидлашича, 20 йилдан ортиқ амалда бўлган, Тошкентдан уй сотиб олишдаги тўсиқларнинг олиб ташланиши фуқароларнинг уй-жойга эга бўлишида юзага келган турли муаммоларини ҳам барҳам топишига хизмат қилди.

«Хусусан, кўплаб фуқаролар уйни Тошкентда пропискаси бўлган таниши номига расмийлаштириб, кейин “ўз уйида ижарачи” бўлиб яшашга мажбур бўлганлиги ҳам сир эмас. Фармон қабул қилиниши билан яратилган имкониятдан биринчи навбатда шундай фуқаролар фойдаланиб, уйларини ўз номига расмийлаштиришди», - дейилади Адлия хабарида.


👉 @xushnudbek 👈

⚡️Тошкент шаҳрида 71 та маҳалла «қизил» ҳудуд сифатида белгиланди

Сўнгги пайтда Тошкент шаҳрида коронавирус инфекцияси билан касалланганларнинг сони ошиб бормоқда. Натижада «Малика», «Ўрикзор» ва Юнусобод деҳқон бозорлари фаолияти тўхтатилди.

Эпидемиологик хавф бўйича «қизил» тоифага киритилган Тошкент маҳаллалари (туманлар бўйича) рўйхати:

Миробод тумани: «Файзобод»;

Мирзо-Улуғбек тумани: Х. Абдуллаев номидаги, «Оққўрғон», «Авайхон», «Янги Авайхон», «Шўртепа»;

Юнусобод тумани: «Тикланиш», «Туркистон», «Халкабоғ», «Ифтихор», «Нурмакон», «Оқтепа», «Шарқ ҳақиқати», «Собиробод»;

Яшнобод тумани: «Кўксарой», «Қўйлиқобод», «Гўзал», «Машинасозлар», «Тонг», «Катта-Қўйлик», «Ўрта Масжид»;

Учтепа тумани: «Боғистон», «Нишабарик», «Дегрез», «Такачи», «Хайратий», «Ўрикзор», «Кўркамобод»;

Яккасарой тумани: «Муқимий», «Қушбеги»;

Шайхонтоҳур тумани: «Шодлик», О. Хужаев номидаги, «Боғкўча», «Камолон», «Чақар», «Жангоҳ», «Янги Белтепа», «Гулобод», «Зафаробод», «Эшонгузар»;

Сергели тумани: «Ҳабибий», «Янги Сергели», «Эзгулик», 8-чи ва 9-чи саноат ҳудудлари;

Олмазор тумани: «Шодиёна», «Истиқбол», «Ниҳол», «Ёшлик», «Чиғатой Оқтепа», «Гулзор», «Аҳил», «Гуруч ариқ», «Ислом ота», «Чуқурсой», «Себзор», «Хончорбоғ», «Қуштут», «Эски шаҳар», «Университет», Мирзо Ғолиб номидаги, «Аллой», «Олимпия», «Шифокорлар»;

Бектемир тумани: «Бинокор», «Абай»;

Чилонзор тумани: «Қатортол», «Катта Қозиробод», «Катта Чилонзор-2», «Гулистон», «Якка тут».

❗️Ҳурматли юртдошлар, илтимос, хотиржамликка берилиб, карантин қоидаларини унутиб қўйманг. Ижтимоий масофа сақланг, доим тиббий ниқобда юринг, қўлингизни тез-тез совунлаб ювинг, антисептик воситалардан фойдаланинг.


👉 @xushnudbek 👈

Карантин қонунсизлик дегани эмас: жарима майдонига қўйилган автомобиллар қўйиб юборилиши керак

Ушбу мақолага ҳозирча расмийлар ҳеч қандай изоҳ беришмаяпти.

https://kun.uz/73514115

Ўзи карантин пайтидаги қарорлар ва ҳаракатлар қонун доирасида яхшилаб текширилса, салкам ярми ноқонуний бўлиб чиқса керак.

Қонунларга итоаткорлик ҳақида гапирилса, одатда бир хил жавоб айтишяпти: “Эй, закўнчи, ўзингча ақллилик қилма, буларнинг барчаси одамлар саломатлиги, ҳаёти учун қилинмоқда, тушундингми?”

Хўп, тушундик, лекин одамлар саломатлигини қонунларни бузмасдан ҳимоя қилиб бўлмайдими? Нега бунча ўзбошимчалик ва бошбошдоқлик қилиниши керак?

Бу саволимизга ҳам ҳеч ким жавоб бермайди барибир.

❗️Бешта йўналишни танлаш жараёнига оид айрим маълумотлар
#abituriyent

5️⃣ Жорий йилги тест синовларида бештагача таълим йўналишини танлаш имконияти мавжуд;

✅ 5та йўналиш дегани, 5та ОТМ дегани эмас. Яъни абитуриент албатта 5та университет ёки институтни танлаши шарт эмас. Битта ОТМнинг 5та йўналишини танлаш ҳам мумкин;

❗️5та йўналиш танлаётганда энг асосий 2та шарт бор:
1) фанлар кетма-кетлиги мос келиши керак;
2) таълим шакли (кундузги, сиртқи, кечки) бир хил бўлиши керак.

❓фанлар кетма-кетлиги мос бўлсин деганда, 3.1 ва 3.2 балл бериладиган 2та фан тўғри кетма-кетликда жойлашиши керак. Масалан, битта йўналишда фанлар қуйидагича:
- математика (3.2 балл;)
- чет тили (3.1 балл).

Иккинчи йўналишда эса бошқача:
- чет тили (3.2 балл);
- математика (3.1 балл).

Гарчи тест олинадиган 2та фан бир хил бўлса ҳам, лекин уларга бериладиган баллар бошқачалиги сабабли абитуриент ушбу йўналишларга бир пайтда ҳужжат топшира олмайди.

‼️ Таълим шакли ҳам албатта мос бўлиши шарт. Яъни бир пайтнинг ўзида ҳам сиртқи, ҳам кундузги таълимни танлаш мумкин эмас. Абитуриент 1-йўналишга кундузги таълимни танладими, демак қолган 4та йўналиш ҳам албатта кундузги бўлиши шарт. Ёки 1-йўналишга сиртқини танласа, қолган йўналишлар ҳам сиртқи бўлиши керак.

⛔️ Ижодий (касбий) имтиҳон топшириладиган йўналишларда фақат битта йўналиш танлаш мумкин, 5тагача йўналиш танлаб бўлмайди. Бу чеклов ҳам ижодий, ҳам тест топшириладиган йўналишларга ҳам тааллуқли;

🎓 Магистратурада ҳам фақат 1та мутахассислик танлаш мумкин;

✅ 5та йўналишларни танлаётганингизда аҳамиятлироқ бўлинг. Чунки танланган биринчи йўналиш устунликка эга. Яъни сизнинг биринчи йўналишдаги тўплаган балларингиз контракт балларига тўғри келсаю, қолган йўналишлардаги тўпланган баллар грант балларига тўғри келса, сиз контракт асосида ўқишга қабул қилинасиз.

🔎 https://abitur.dtm.uz/ - 20 июндан бошлаб, шу сайтга кирилса, қайси фанлар мажмуаси бўйича қайси йўналишларга ҳужжат топшириш мумкинлигини кўрса бўлади.


👉 @xushnudbek 👈

Президент мактабларига ўқувчилар қабули келгуси ўқув йилида ўтказилади

Жорий йилда Президент мактабларига ўқувчилар қабули келгуси ўқув йилида ўтказилади. Бунга пандемия вазиятидан келиб чиқиб, карантин даврида ёш авлод соғлигини асраш, пандемия бутунлай бартараф этилмаган шароитда вояга етмаган ўқувчиларнинг катта сиғимли биноларда саралаш имтиҳонлари вақтида узоқ вақт қолиб кетишига йўл қўйиб бўлмаслиги, шунингдек, Cambridge Assessment ташкилоти вакилларининг мамлакатга карантин даврида ташрифини белгиланган саналарда ташкил этиш имкони йўқлиги сабабдир.

Бухоро, Жиззах, Қарши, Самарқанд ва Фарғона шаҳарларида очиладиган Президент мактабларига (бешинчи синфдан ўнинчи синфгача) ҳамда жорий йилда очилиши режалаштирилган Сурхондарё вилоятидаги Рўзи Чориев ва Бухоро вилоятидаги Мухтор Ашрафий номидаги ижод мактабларига (еттинчи синфдан) ўқувчилар қабули келгуси йилда ўтказилади.

Тошкент, Нукус, Наманган ва Хива шаҳарларида фаолият юритаётган Президент мактабларига 2020/2021 ўқув йилига ўқувчиларни бешинчи синфларга қабул қилиш имтиҳонлари 2021 йилга қолдирилиб, 2021/2022 ўқув йилида ўқувчилар бешинчи ва олтинчи синфларга қабул қилинади.

Ҳукумат қарорига биноан, 2020/2021 ўқув йилидан бошлаб ижод мактабларига қабул еттинчи синфдан амалга оширилади. Бугунги кунга келиб, мавжуд ижод мактабларидаги синфлар контингенти тўлиқлигини инобатга олган ҳолда, 2020/2021 ўқув йилида янги синфлар очилиши назарда тутилмаган.

Агентлик тизимидаги ихтисослаштирилган мактаблар, яъни Муҳаммад ал-Хоразмий, Мирзо Улуғбек ҳамда Абу Али ибн Сино номларидаги ихтисослаштирилган мактабларга 2020/2021 ўқув йилига ўқувчиларни қабул қилиш масаласига оид маълумот тегишли ўрганишлардан сўнг маълум қилинади.


👉 @xushnudbek 👈

⚡️Қозоғистоннинг биринчи президенти Нурсултан Назарбоев коронавирус юқтириб олди

Қозоғистоннинг собиқ президенти Нурсултан Назарбоевда коронавирус инфекцияси аниқланган. Бу ҳақда Элбошининг расмий сайтида хабар берилди.

Ҳозирда Нурсултон Назарбоев ўзини ўзи яккалаш режимида бўлиб турибди.

«Хавотирга ўрин йўқ. Нурсултон Назарбоев масофадан туриб ишлашда давом этмоқда», дейилади хабарда.


👉 @xushnudbek 👈

❗️Вазирлар Маҳкамасининг 2 нафар ходимида коронавирус аниқланган

Аҳоли орасида коронавирус аниқланиш ҳолатлари кўпаймоқда.

Жумладан, қуйидагиларда коронавирус аниқланган:

- Вазирлар Маҳкамасининг икки нафар ходимида;

- Тошкент шаҳри ички ишлар тизими терговчисида;

- - “Ўзбекистон ҳаво йўллари” АЖнинг 2 нафар мутахассисида;

- Миробод туманида яшовчи фуқарода;

- Сурхондарё вилояти Бойсун тумани Халқ банки филиали ходими ва унинг онасида;

- Сирдарё вилоятидаги электр станцияси ишчиси ва унинг ўғлида;

- Чирчиқ туманида яшовчи фуқарода;

- Бухоро вилояти кўз касалликлари шифохонасининг 3 нафар тиббиёт ходимида ҳам инфекция аниқланган.

❗️Мазкур ҳолатда, Соғлиқни сақлаш вазирлиги, такрор бўлса-да, аҳолини ҳар қадамда хушёр ва огоҳ бўлишларини, карантин ва санитария қоидаларига қатъий амал қилишларини сўрайди.


👉 @xushnudbek 👈

⚡️Мажбурий ижро бюросининг қатор ваколатлари тегишли ташкилотларга ўтказилади

“Табиий газ ва электр энергиясини сотиш механизмини такомиллаштириш бўйича қўшимча чора-тадбирлар тўғрисида” Президент Фармони (ПФ-6010-сон, 18.06.2020 й.) қабул қилинди.

✅ Фармонга мувофиқ, 2020 йил 1 августдан Мажбурий ижро бюросининг қўйидаги ваколатлари тегишли ташкилотларга ўтказилади:

🔻 электр энергияси ва табиий газ истеъмолини назорат қилиш ва ҳисобга олишнинг замонавий автоматлаштирилган тизимлари, шунингдек, муқобил энергия манбаларини жорий этилишини ташкил этиш ва ушбу жараёнлар устидан мониторинг ўтказишга доир вазифа ва ваколатлар – Энергетика вазирлигига;

🔻 электр энергияси ва табиий газ учун тўловларни ўз вақтида ва тўлиқ ундирилишини таъминлаш, истеъмолчиларнинг қарздорлигини камайтириш, шунингдек, электр энергияси ва табиий газ сотуви ва истеъмолини ҳисобга олишга олиш бўйича вазифа ва ваколатлари – “Ҳудудий электр тармоқлари” АЖ ва “Ҳудудгазтаъминоти” АЖнинг ҳудудий ташкилотларига;

🔻 электр ва газ тақсимлаш тармоқларига ноқонуний уланиш, талон-тарож ҳолатларини аниқлаш, бартараф этиш ва олдини олишга доир ваколатлар – “Ҳудудий электр тармоқлари” АЖ ва “Ҳудудгазтаъминоти” АЖнинг ҳудудий ташкилотларига ҳамда тегишли ҳуқуқни муҳофаза қилувчи органларга;

🔻 электр энергияси ва табиий газни эҳтиёт қилиш ва улардан фойдаланиш юзасидан истеъмолчиларнинг ҳуқуқий маданиятини ва масъулиятини оширишга доир вазифа ва ваколатлар – Энергетика вазирлиги, Ҳудудий электр тармоқлари” АЖ ва “Ҳудудгазтаъминоти” АЖга;

🔻 энергия ресурслари учун ҳисоб-китоб қилинишини таъминлаш тизимини комплекс таҳлил қилиш, тизимли муаммоларни аниқлаш, такомиллаштириш бўйича таклифлар ишлаб чиқишга доир вазифалар – Энергетика вазирлигига.


👉 @xushnudbek 👈

ВАЗИРЛАР МАҲКАМАСИНИНГ АХБОРОТИ

Жорий йил 17 июнь куни Вазирлар Маҳкамаси ходимларининг икки нафаридан COVID-19 инфекцияси аниқланди. Ўрганишлар натижасида коронавирус уларда клиник белгиларсиз (симптомларсиз) кечаётгани маълум бўлди.

Белгиланган тартибда зарур чоралар кўрилиб ушбу ходимлар шифокорлар назоратига олинди. Улар билан иш жараёнида мулоқотда бўлган ходимлар икки ҳафта муддатга карантинга ўтказилди ва айни пайтда Вазирлар Маҳкамаси доимий тартибда ишламоқда.

Шуни алоҳида қайд этиш лозимки, ҳукумат пандемия даврида мунтазам равишда фаолият юритиб келмоқда.

Бош вазирнинг матбуот хизмати

​​❗️ЖШШИР (ПИНФЛ) нима ва уни қандай аниқлаш мумкин?
#abituriyent

20 июндан бошлаб abitur.dtm.uz сайти орқали ОТМларга онлайн ҳужжат қабул қилишга старт берилади.

Онлайн рўйхатдан ўтишда фотосурат ёки паспорт нусхаси шарт эмас. Шунчаки ЖШШИР, паспорт серия ва рақами киритилса кифоя.

Паспорт серия ва рақами тушунарли.

Хўш, ЖШШИР (ПИНФЛ) нима? Ва уни қандай аниқлаш мумкин?

ЖШШИР – жисмоний шахснинг шахсий идентификацион рақами бўлиб, у ҳар бир фуқаронинг паспортида ёзилган бўлади. Паспортни янгисига алмаштирсангиз ҳам, серия ва рақам ўзгариши мумкин, аммо ЖШШИР ўзгармайди (ўта камдан-кам учрайдиган ҳоллар бундан мустасно).

Уни аниқлаш жуда осон. Қуйида кўрсатилган сурат орқали паспортингиздан 14 та рақамни топинг, ана шу Сизнинг ЖШШИРингиз бўлади.

☝️Шу ўринда, 16 ёшга тўлган, лекин ҳали паспорт олмаган абитуриентлар тезроқ паспорт олишга ҳаракат қилишлари керак. Чунки паспорт бўлмаса ЖШШИР рақам ҳам бўлмайди, бу дегани абитуриентлар ҳужжат топшира олмай қолишлари мумкин. Паспортини йўқотган/шикастлаган абитуриентлар ҳам паспортини тезроқ янгилаши лозим.


👉 @xushnudbek 👈

Қозоғистон Республикаси Биринчи Президенти – Элбоши Нурсултон Назарбоев Жаноби Олийларига

Муҳтарам Нурсултон Абишевич!

Сизнинг коронавирус касаллигига чалинганингиз тўғрисидаги хабарни чуқур безовталик ва катта хавотир билан қабул қилдим.

Ҳаётингиздаги ушбу синовли ва мураккаб пайтларда биз учун ҳамиша чексиз эҳтиромга сазовор бўлиб келган Сиз, азиз оғамни
ҳар томонлама қўллаб-қувватлашга тайёрлигимни ва яқин кўмакдош эканлигимни яна бир бор чин қалбдан маълум этмоқчиман.

Ҳеч шубҳасиз, қисқа фурсатларда мазкур вирусни муваффақиятли енгиб ўтиб, шифо топишингизга ва тузалиб кетишингизга ишончим комилдир.

Қадрли Нурсултон Абишевич, Сизга, Қодир Аллоҳдан мустаҳкам сиҳат-саломатлик, куч-қувват, узоқ умр ва янги зафарлар ато қилишини сўраб қоламан.

Тез орада Сиз билан дийдор кўришиш бахтига муяссарлик насиб этишига умид қиламан.

Ҳурмат билан,

Ўзбекистон Республикаси Президенти
Шавкат Мирзиёев