❓Sirtqi taʼlimga qabul to‘xtatiladimi?
#abituriyent

Ijtimoiy tarmoqlardagi xabarlar ortidan "endi sirtqi taʼlimga qabul to‘xtatildimi?" degan savollar ko‘paydi. Shu bo‘yicha tushuntirish bermoqchiman.

1️⃣ Birinchidan, ushbu qaror faqat 14 ta PEDAGOGIKA yo‘nalishlariga taalluqli. Ro‘yxati yuqoridagi suratda berilgan. Mana shu 14 ta yo‘nalishga joriy yildan boshlab ❌ qabul to‘xtatildi.

Boshqa yo‘nalishlarda sirtqi taʼlim bo‘yicha ✅ qabul to‘xtatilmagan.

2️⃣ Ikkinchidan, PEDAGOGIKA sohasida yo‘nalishlar ko‘p, yuqoridagi 14 tadan boshqa yo‘nalishlarga sirtqiga hamma topshira oladimi?

❗️Yo‘q, topshira olmaydi. Pedagogika sohasidagi boshqa yo‘nalishlarga ham istalgan odam qabul qilinmaydi. Faqatgina taʼlim tizimida pedagogik faoliyatga oid kamida 5 yillik ish stajiga ega bo‘lgan shaxslargina SIRTQIga qabul qilinadi.

✅ Yana qaytaraman, bu faqat PEDAGOGIKA sohasiga taalluqli. Boshqa sohalardagi yo’nalishlarga bu qarorning aloqasi yo’q.

Shuningdek, pedagogika sohasidagi istalgan yo‘nalish uchun kunduzgi va kechki taʼlim shaklida ham cheklovlar yo‘q, istalgan abituriyent hujjat topshirishi mumkin.

ℹ️ Yuqoridagi maʼlumotlarning asosi: Prezidentning 2022-yil 21-iyundagi PQ-289-son qarori


👉 @xushnudbek 👈

Toshkentdagi “Qo‘qon” podstansiyasida yong‘in sodir bo‘lgani natijasida Mirobod va Yakkasaroy tumanlari elektr ta’minotida uzilish kuzatilayotgan edi.

Ushbu nosozlik sabab bir necha nasos stansiyalari elektr ta’minotidan uzildi. Buning natijasida Yashnobod, Yakkasaroy, Mirobod tumanlaridagi ayrim aholi massivlarida suv chiqmayapti (ro’yxat bu yerda).

Shuningdek, ta’mirlash ishlari tufayli bugun, 8-iyun kuni Toshkent shahrining Yashnobod, Bektemir va Chilonzor tumanlari hududidagi qisman aholi yashash xonadonlarida elektr energiyasi soat 10:00 dan 18:00ga qadar vaqtincha oʻchirildi (ro’yxat bu yerda).


👉 @xushnudbek 👈

Ta’mirlash ishlari tufayli bugun, 8-iyun kuni Toshkent shahrining Mirzo Ulug‘bek, Uchtepa va Shayxontohur tumanlaridagi quyidagi manzillarda soat 16:00dan 18:00gacha elektr taʼminoti vaqtincha toʻxtatildi:

Uchtepa tumanining “Sharq yulduzi” mahallasi Durbek, Durbek 4-tor hamda Lochin ko‘chalari hududida;

Shayxontohur tumanining Bog‘ ko‘cha, Shayxontohur, Labzak, S.Xo‘jayev, Arxitektorlar va X.Asomov ko‘chalari hududida;

Mirzo Ulug‘bek tumanining Parkent, Oltintepa va Bo‘z mahallalari hududlarida.


👉 @xushnudbek 👈

Markaziy Osiyo atrof-muhit va iqlim o‘zgarishini o‘rganish universiteti (Green University) faoliyatini tashkil etish chora-tadbirlari to‘g‘risida Prezident qarori imzolandi.

✅ Qarorga ko‘ra:

➖ Universitet davlat oliy ta’lim muassasasi hisoblanadi va uning faoliyati “Hub and Spoke” tamoyili asosida tashkil etiladi;

➖ Ekologiya, atrof-muhitni muhofaza qilish va iqlim o‘zgarishi vazirligi Universitetning ta’sischisi hisoblanadi;

➖ 2023-yil 1-sentyabrdan boshlab vazir stipendiyasi ta’sis etiladi;

➖ Universitet mustaqil ravishda shtat jadvalini tasdiqlaydi, bakalavriat va magistratura bosqichida o‘qish tartibini belgilaydi;

➖ ta’lim jarayoni davlat granti va to‘lov-kontrakt asosida amalga oshiriladi;

➖ o‘qish o‘zbek, rus va ingliz tillarida olib boriladi;

➖ har yili Markaziy Osiyo davlatlari fuqarolari uchun bakalavr ta’lim yo‘nalishi bo‘yicha kamida 25 ta hamda magistratura
va doktorantura (PhD) mutaxassisliklari bo‘yicha kamida 20 ta grant o‘rinlari ajratiladi.


👉 @xushnudbek 👈

Kechki mutolaa
(o‘qish yoki eshitish uchun 20 daqiqa vaqtingiz ketadi)

Genrik Senkevich. Yanko musiqachi (hikoya)

Izoh: Qashshoq ona nimjon va ko’rimsiz bolani dunyoga keltiradi. Unga Yan deb ism qo’yishadi. Hech kim uni yashab ketishiga ishonmas, hatto “kelgan joyiga qaytib ketishini” istashardi. Ammo Yan amallab 10 yoshga to’ladi. Uning qorni hech to’ymas, ortiqcha so’z aytmas, boshi egik, doim turtki va tepki yerdi. Ammo albinos bu bolaning hech kim tushunmagan nodir iqtidori va noyob orzusi bor edi. Yan orzusiga yetarmikin? Uning iqtidorini odamlar yuzaga chiqaramikin?

Hikoyaning so’nggigacha shu umid bilan o’qiysiz…

📖 Matnni o‘qish uchun: https://teletype.in/@xushnudbek/genrik-senkevich-yanko-musiqachi

🎧 Audio hikoyani eshitish uchun: https://youtu.be/VRz97MlkTno

💬 Muhokama bu yerda.

🎙Bugungi hikoya audiosini Aziza Qurbonova o‘qigan.

📚 "Kechki mutolaa" doirasida eʼlon qilingan barcha hikoyalar bu yerda.

#kechki_mutolaa


👉 @xushnudbek 👈

Toshkent shahri Mirzo Ulug’bek tumanidagi 171-umumta’lim maktabi hududida 26-tup gledichiya daraxti noqonuniy ravishda kesilgani oqibatida o‘simlik dunyosiga 312 mln so‘mlik zarar yetkazilgan. 

Mazkur holat yuzasidan tuman prokuraturasi tomonidan Jinoyat kodeksining 198-moddasi 2-qismi (daraxtlarni yoki boshqa o‘simliklarni shikastlantirish yoxud nobud qilish) bilan jinoyat ishi qo‘zg‘atildi.


👉 @xushnudbek 👈

‼️Bu yil magistraturaga qabul faqat bir marta bo‘ladi, qishki qabul bo’lmaydi
#abituriyent

Bu haqda Oliy ta’lim, fan va innovatsiyalar vaziri Ibrohim Abdurahmonov ma’lum qildi.

Shunda 2023-yil magistraturaga faqat bir marta — yozda qabul bo‘ladi.

"O‘tgan yili ilk marta til sertifikati talab qilingani va yangi tizim bo’lgani uchun istisno tarzda bir yil uchun 2 marta qabulga ruxsat olgan edik. Lekin bu yil qabul an’anaviy faqat bir marta bo‘ladi, qishki qabul bo’lmaydi", — dedi Ibrohim Abdurahmonov.


👉 @xushnudbek 👈

❓Bu yil texnikumni bitirganlar suhbat asosida 2-kursga qabul qilinadimi?
#abituriyent

✅ JAVOB: Ha, qabul qilinadi. Bu haqda Oliy ta’lim, fan va innovatsiyalar vaziri Ibrohim Abdurahmonov ma’lum qildi.

Prezidentning 2019-yil 6-sentyabrdagi PF-5812-son Farmoni hamda Vazirlar Mahkamasining 2022-yil 11-yanvardagi 17-son qaroriga ko'ra, o‘tgan yildan boshlab texnikumlarda o‘rta maxsus taʼlim dasturlarini muvaffaqiyatli tamomlagan bitiruvchilar o‘z sohasiga mos bakalavriat taʼlim yo‘nalishlari bo‘yicha kirish imtihonlarisiz yakka tartibdagi suhbat orqali OTMlarda 2-bosqichdan o‘qishini davom ettirish huquqiga ega bo‘ladi. Yuqoridagi ikkala hujjat ham hozir kuchida turibdi, bekor bo‘lgani yo‘q.

Texnikumni muvaffaqiyatli tamomlaganlar toifasiga kirish uchun quyidagi barcha shartlarga mos kelishi kerak:

1️⃣ texnikumdagi butun o‘qish davrida o‘quv semestrlari yakuniga ko‘ra o‘zlashtirish baholari «5 (aʼlo)» va «4 (yaxshi)» bo'lishi;
2️⃣ bunda o‘zlashtirish baholarining kamida 50 foizi (tibbiyot oliy taʼlim muassasalari uchun kamida 85 foizi) «5 (aʼlo)» bo‘lishi;
3️⃣ birorta «3 (qoniqarli)» bahosi bo'lmasligi kerak.

Texnikum bitiruvchilari uchun o‘z sohasiga mos bakalavriat taʼlim yo‘nalishlari ro‘yxati mana bu yerda bor.


👉 @xushnudbek 👈

Yangi o‘quv yilida 381 ming kvota tasdiqlanishi mumkin, shundan 60 ming kvota davlat grantlariga ajratiladi.
#abituriyent

Qoidaga ko‘ra, OTMlarga hujjat topshirish 20-iyundan boshlanishi kerak. 11 kun vaqt qolgan bo'lsa, hozircha kvotalar tasdiqlangani yo‘q, lekin bu bo'yicha ishlar ketmoqda.

Maʼlumot uchun: joriy yildan boshlab Prezident qarori asosida faqat byudjet kvotalari tasdiqlanadi. Kontrakt kvotalari esa moliyaviy mustaqillik berilgan OTMlarda Kuzatuv kengashlari qarori bilan, qolganlarida esa tegishli bo’ysunuvdagi vazirlik va idoralar bilan kelishilgan holda tasdiqlanadi.


👉 @xushnudbek 👈

Markaziy saylov komissiyasi 9-iyul kuni bo'lib o'tadigan prezidentlik saylovi byulleteni shaklini tasdiqladi.


👉 @xushnudbek 👈