❗️Davlat granti asosida tamomlagan bitiruvchilarning 3 yil ishlab berish majburiyati oʻz kuchini yoʻqotmagan — vazirlik bayonoti


👉 @xushnudbek 👈

Qo‘shni mamlakatning saytlaridan birida Ookla Speedtestga tayanib mobil operatoralar haqida qiziq maʼlumotlar ochiqlanibdi. Ushbu infografikada mintaqada bizning mobil operatorlarning internet tezligi bo‘yicha olgan o‘rinlari ham ko’rsatilgan (2022-yilning 4-choragi misol qilib keltirilgan).

15 ta operator ichida O‘zbekiston kompaniyalariga eʼtibor qarating.


👉 @xushnudbek 👈

Yaqinda “Mahalla” telekanalining “Minbar” tok-shousiga chaqirishgandi. Mavzu: Tashabbusli byudjet

Menimcha, qiziq ko’rsatuv bo’ldi, mana bu yerdan to’lig’ini tomosha qilishingiz mumkin.

Jumladan, ko’rsatuv davomida xalqimizga murojaat qilib, Parlament va mahalliy kengashlarga bo’ladigan kelgusi saylovlarda faol bo’lishni, o’sha okrugdagi aholining manfaatlari uchun o’lib-tiriladigan, byudjet taqsimotida kerak bo’lsa hokimning yoqasidan olib talashadigan deputatlarni saylash kerakligini so’radim.

Chunki salkam butun xalqni oyoqqa turg’azgan Tashabbusli byudjet loyihasida ijtimoiy masalalarni hal qilishga yo’naltirilgan byudjetning atigi 8%i ajratilgan xolos. Qolgan 92% mablag’ni qayerga sarflashni yana hokimlar va amaldorlarning o’zi hal qilmoqda.

Shu sababli bizga xalq manfaatlarini himoya qiladigan “uyg’oq” deputatlar kerak. Keyingi saylovlarda qo’g’irchoq, “tepadan” ro’yxati tasdiqlangan deputatlar saylanmasligiga erisha olsakgina, hududlar obod bo’lishi uchun navbatdagi katta qadamni tashlagan bo’lar edik.

Aytgancha, Rasul Kusherbayevning yozishicha, ushbu ko’rsatuv efirga ketgach, “Minbar” tok-shousini yopishyapti ekan. Barcha syomkalari to’xtatilibdi. Aytgandim-a, shu xosiyatsiz tepalikka chiqmaylik deb 🙈

Kallasi katta senzurachi akalarimiz nimani gapirish mumkin yoki mumkinmasligining ro’yxatini ham berib qo’yishmabdi-da, shunda bizning kasrimizga bitta yaxshi ko’rsatuv yopilib ketmagan bo’larmidi…

Qaysi gapdan shunchalik qo’rqib ketishdi ekan, qiziq?


👉 @xushnudbek 👈

Abituriyentlar uchun joriy yilgi qabul 20-iyundan 20-iyulgacha bo’ladi

Bu aslida yangilik ham emas, amaldagi qonunchilik bo’yicha ayni shu muddatda qabul bo’lishi belgilangan. Lekin avvalgi yillarda kvotalar tasdiqlanmasdan qabul kechikib boshlangan paytlari ham bo’lgan. Balki rasmiylar “bu yil biz aniq muddatida ulguramiz, kechikmaymiz”, demoqchi bo’lgandir. Mayli, yaqinlashaversin-chi, ko’ramiz. Bunaqa va’dalarni oldin ham ko’p berishgan.

Yana bir qiziq jihat. Bilim va malakalarni baholash agentligi (sobiq DTM) direktori Majit Karimov “joriy yilgi qabulda abituriyentlar uchun yangilik qilyapmiz, endilikda 5 tagacha yo’nalish tanlayotganda ta’lim shaklini (kunduzgi, sirtqi, kechki, masofaviy) ham turlicha tanlashiga ruxsat beriladi”, debdi.

Lekin bu yangilik 2022-yili joriy qilingandi. Ya’ni o’tgan yili ham abituriyentlar istasa 1-yo’nalishga kunduzgini, 2-yo’nalishga sirtqini, 3-yo’nalishga kechkini va h.k tanlashi mumkin bo’lgan edi.

Qiziq, nega bor yangilikni yana yangilik deb e’lon qilishyapti? Yoki men nimanidir tushunmay qoldimmi?


👉 @xushnudbek 👈

Kechki mutolaa
(o‘qish yoki eshitish uchun 20 daqiqa vaqtingiz ketadi)

O’Genri. So‘nggi yaproq (hikoya)

Izoh: Bugun jahon adabiyotining eng nodir durdona hikoyalaridan biri - O‘Genrining «So‘nggi yaproq» hikoyasini mutolaa uchun tanladik. To‘g‘ri, bu shunchalik mashhur hikoyaki, balki uni kanalimiz mushtariylari orasida minglab insonlar allaqachon o‘qigan bo‘lishi ham mumkin. Shunday bo‘lsa-da, uni yana bir bor takrorlash, o‘qimaganlar uchun esa, shu paytgacha qilgan “xatosi”ni to‘g‘rilashga imkon bermoqchimiz :)

📖 Matnni o‘qish uchun: https://teletype.in/@xushnudbek/o-genri-songgi-yaproq

🎧 Audio hikoyani eshitish uchun: https://youtu.be/FVsxjci_Mcc

💬 Muhokama bu yerda.

🎙Bugungi hikoya audiosini Madina Musayeva o‘qigan.

📚 "Kechki mutolaa" doirasida eʼlon qilingan barcha hikoyalar bu yerda.

#kechki_mutolaa


👉 @xushnudbek 👈

Milliy gvardiya xodimlari qo'shimcha vakolatlarga ega bo'ldi

Ma’muriy javobgarlik to‘g‘risidagi kodeksga kiritilgan o‘zgartirishlarga ko‘ra, Milliy gvardiya tuzilmalari xodimlariga quyidagi ma’muriy huquqbuzarliklar bo‘yicha ishlarni ko‘rib chiqish va sudga yuborish vakolatlari berildi:

➖ mayda bezorilik;

➖ sovuq qurolni yoki sovuq qurol sifatida foydalanilishi mumkin bo‘lgan ashyolarni olib yurish;

➖ voyaga yetmagan shaxsni ma’muriy huquqbuzarlik sodir etishga, g‘ayriijtimoiy xatti-harakatlarga jalb qilish;

➖ jamoat joylarida alkogol mahsulotlarini iste’mol qilish.


👉 @xushnudbek 👈

✅ 2022-2023-o'quv yilida magistraturada tahsil olayotgan 12 ming 300 nafar xotin-qizlarga 68 mlrd 298 million so'mlik shartnoma to'lovlari to'lab berilgan.

Ma'lumot uchun: o'tgan yildan boshlab magistraturaga kontraktga o'qishga kiradigan BARCHA xotin-qizlarning kontrakti davlat byudjeti hisobidan qoplanadi. Batafsil ma'lumot bu yerda va mana bu yerda.


✅ 2022-2023-o'quv yilida 84 ming 640 nafar qizlarga 872 mlrd so'mdan ortiq miqdorda 7 yillik foizsiz kredit ajratilgan.

Foizsiz kredit olish tartibi mana bu yerda tushuntirilgan.


👉 @xushnudbek 👈

📺 "Minbar" tok-shousi yopilmas ekan

“Mahalla” telekanalining maʼlum qilishicha, “Minbar” koʻrsatuvi odatdagi tartibda efirga ketmoqda.

Jumladan, koʻrsatuvning navbatdagi soni 22-may soat 20:50 da namoyish etiladi.


👉 @xushnudbek 👈

Davlat organlari rahbarlari AKT bo'yicha oʻqitiladi

Hukumat qarori bilan 2023-yil 1-iyuldan davlat organlarining AKT sohasiga maʼsul xodimlari 3 yilda bir marta malakasini oshiradi.

Qayd etilishicha, xodimlarning malakasini oshirishga Raqamli texnologiyalar vazirligi masʼul hisoblanadi. Malaka oshirish kursi 24 soatdan kam boʻlmaydi, kursni tamomlagan xodimlar esa 2 oyda reyting baholashdan oʻtkaziladi.

2023-yil 1-avgustdan davlat organlarining birinchi rahbarlari raqamli texnologiyalarni keng joriy etish va loyihalarni samarali amalga oshirish boʻyicha Davlat boshqaruvi akademiyasida qisqa muddatli kurslarda oʻqitiladi.


👉 @xushnudbek 👈

Shavkat Mirziyoyev taklifiga binoan 23-25-may kunlari Singapur prezidenti Halima Yoqub davlat tashrifi bilan O’zbekistonga keladi.


👉 @xushnudbek 👈

2023-yil 1-iyundan yangi tug‘ilgan chaqaloqlarga tugʻruqxonaning o’zidayoq tug‘ilganlik haqidagi guvohnoma o‘rniga QR-kodli sertifikatlar beriladi.

Ushbu ma’lumotnoma:

➖ gerbli guvohnomaga tenglashtiriladi;

➖ davlat organlari va tashkilotlar tomonidan qabul qilishni rad etish taqiqlanadi.

❗️Agar guvohnomaning o’zi kerak bo’lib qolsa, unda fuqarolar istalgan vaqt murojaat qilishganda FHDYo bo‘limlari tomonidan rasmiylashtirib beriladi.


👉 @xushnudbek 👈

🛬 2023-yilning yanvar-aprel oylarida 2 milliondan ortiq sayyoh turistik maqsadlarda Oʻzbekistonga kelgan.

Eng ko'p quyidagi davlat fuqarolari tashrif buyurgan:

🇹🇯 Tojikiston – 623,8 ming nafar
🇰🇿 Qozogʻiston – 558,8 ming
🇰🇬 Qirgʻiz Respublikasi – 487,7 ming
🇷🇺 Rossiya – 207,7 ming
🇹🇷 Turkiya – 29,7 ming
🇹🇲 Turkmaniston – 14,2 ming
🇰🇷 Koreya Respublikasi – 9,2 ming
🇮🇳 Hindiston – 8,3 ming nafar
🇨🇳 Xitoy – 6,3 ming nafar
🇩🇪 Germaniya – 5,7 ming nafar


👉 @xushnudbek 👈

Talabalar kontrakti uchun yoki xususiy bog’cha va maktablar uchun qilingan to’lovlardan 12% qaytarib olish uchun soliq organlariga borish shart emas.

Buning uchun my3.soliq.uz orqali shartnoma va toʻlov hujjatlarini biriktirgan holda deklaratsiya yuborish mumkin.

“Soliq deklaratsiyalarini yuborish” elektron xizmatida foydalanuvchining ish haqi va boshqa daromadlari toʻgʻrisidagi maʼlumotlar avtomatik shakllanadi.

Jismoniy shaxslarning quyidagilar uchun yoʻnaltirilgan daromadlaridan 12% miqdorida daromad soligʻini masofadan qaytarib olish mumkin:
▫️kontrakt;
▫️nodavlat bog’cha va maktablar;
▫️ipoteka kreditlari.

❗️Deklaratsiya elektron raqamli imzodan foydalangan holda yuboriladi.

➡️Elektron raqamli imzo olish bo‘yicha videoqo‘llanma

12% qaytarilishiga oid batafsil ma’lumot bu yerda:
https://t.iss.one/xushnudbek/17561
https://t.iss.one/soliqnews/10602

Soliq qo’mitasi boshqarma boshlig’i bilan ushbu masalaga oid ovozli chatni eshitish uchun bu yerni bosing.


👉 @xushnudbek 👈

Bugun U-20 Jahon chempionati doirasida 🇺🇿 Oʻzbekiston terma jamoasi 🇳🇿Yangi Zelandiyaga qarshi maydonga chiqadi.

Uchrashuv soat 23:00 da “Uzreport TV” telekanali orqali jonli efirda namoyish etiladi.

Yigitlarimizga omad tilaymiz!


👉 @xushnudbek 👈