Талабалар ўртасида Президент соврини учун Интеллектуал олимпиада ўтказилади!

Жорий йил декабрь ойи бошида Тошкент шаҳрида талабалар ўртасида Интеллектуал олимпиада бўлиб ўтади.

Интеллектуал олимпиадага таълим йўналишидан қатъи назар, республикадаги барча ОТМ (давлат, нодавлат ОТМлар, уларнинг филиаллари, хорижий ОТМлар ва уларнинг филиалларида бакалавриат ва магистратура босқичида таълим олаётган) талабалари жалб этилади.

Олимпиада иштирокчилари қуйидаги 6 турдаги ўйинда беллашади:

1) "Заковат" ўйинининг спортча версияси;
2) Брейн-ринг;
3) Шахсий ўйин;
4) Эрудит-квартет;
5) Шахмат;
6) Шашка.

Олимпиадада ҳар бир ОТМдан 12 нафар иштирокчи (7 нафари - "Заковат", брейн-ринг, шахсий ўйин, эрудит-квартет учун; 2 нафари (1 қиз, 1 ўғил) шахмат учун; 2 нафари (1 қиз, 1 ўғил) шашка учун; 1 нафар ОТМ мураббийи) қатнашади.

1 декабрга қадар ҳар бир ОТМ белгиланган тартибда ташкилотчиларга ариза йўллаши лозим бўлади.

Турнир Низоми бу ерда.


👉 @xushnudbek 👈

«Ўзйўлинспекция» масъулларига нисбатан жиноят иши қўзғатилди

«Ўзйўлинспекция»нинг Йўл-қурилиш материаллари сифатини назорат қилиш ва йўл синов лаборатория бошқармаси томонидан 2021 йилнинг феврал ойида Андижон вилоятининг Хонобод шаҳридаги 4H-1071 «Хонобод-Туркобод» автомобиль йўлида ётқизилган асфальтбетон қатламларининг қалинлиги текширилган ҳамда лойиҳа ва меъёрий ҳужжатлар талабларига мувофиқлиги тўғрисида хулоса қилинган.

Мазкур асфальтбетон қатламининг қалинлиги қайта ўрганилда лойиҳа ва меъёрий ҳужжатлар талабларга мос эмаслиги аниқланган.

Оқибатда жами 86 728 АҚШ доллари миқдоридаги иш ҳажми қўшиб ёзилганлиги маълум бўлган.

Ҳолат юзасидан «Ўзйўлинспекция»нинг Йўл-қурилиш материаллари сифатини назорат қилиш ва йўл синов лаборатория бошқармаси масъул ходимлари ва бошқаларга нисбатан Жиноят кодексининг 205 (мансаб ваколатини суиистеъмол қилиш) ва 209-моддалари (мансаб сохтакорлиги) билан жиноят иши қўзғатилган.


👉 @xushnudbek 👈

Олий Мажлиси Қонунчилик палатасининг навбатдаги мажлиси бўлиб ўтмоқда

Унда Ўзбекистон Республикаси Конституцияга ўзгартиш ва қўшимчалар киритиш тўғрисидаги Конституциявий қонун лойиҳаси муҳокама қилинмоқда.

Жонли эфирни бу ерда томоша қилиш мумкин:

📹 https://www.youtube.com/watch?v=R09RTvmezi4


👉 @xushnudbek 👈

Маҳаллабай ишлаш ва тадбиркорликни ривожлантириш агентлиги “Онлайн маҳалла” ахборот тизимини (online-mahalla.uz) яратиш учун 8,4 млрд сўмга шартнома тузибди.

Қонун талаби бўйича аслида тендер ўтказилиши керак бўлган, лекин истисно тарзда“Realsoft” МЧЖ билан тўғридан тўғри шартнома тузилган.

Дастлаб шартномада платформа яратиш муддати 30 кун этиб белгиланган, кейинчалик қўшимча шартнома қилиб, муддатни 325 кун деб ўзгартиришибди.

Шунчаки қойил. Бошқа изоҳ йўқ.


👉 @xushnudbek 👈

Муфтий ҳазратлари билан суҳбат

Ўзбекистон Мусулмонлари идораси раиси, муфтий Нуриддин домла Холиқназаров билан суҳбат қурдик.

Суҳбатимиз давомида Ҳаж ва Умра зиёрати, ундаги навбатларда юзага келадиган коррупциявий ҳолатлар, диний таълим, имом ва домлалар атрофидаги гап-сўзлар, янги масжидлар очиш ва бошқа мавзуларда сўз борди.

Мазкур интервью эртага, Жума куни — 25 ноябрь соат 20:00 да YouTube каналимизда эълон қилинади.

Канал манзили: youtube.com/c/xushnudbekxudoyberdiyev


👉 @xushnudbek 👈

Ғофуржон Мирзаев Президентга маслаҳатчи бўлди

Президентининг тегишли фармони билан Ғофуржон Ғаниевич Мирзаев Президентнинг давлат хизмати, аҳоли билан мулоқот ва маҳаллий ҳокимият органлари фаолиятини мувофиқлаштириш масалалари бўйича маслаҳатчиси лавозимига тайинланди.

Шу муносабат билан Сирдарё вилояти ҳокими лавозимидан озод этилди.


👉 @xushnudbek 👈

Президентнинг иккита маслаҳатчиси лавозими бирлаштирилмоқда
 
ЎзАнинг хабар беришича, Ғофуржон Мирзаев тайинланган Президент маслаҳатчиси лавозими аввалги иккита маслаҳатчи лавозимини бирлаштириш орқали янги ташкил этилган.

Бунда Президентнинг фуқаролар ҳуқуқларини ҳимоя қилиш, мурожаатлар билан ишлашни назорат қилиш ва мувофиқлаштириш масалалари бўйича маслаҳатчиси (бунга қадар Турсинхон Худайбергенов маслаҳатчи эди) ҳамда Президентнинг давлат хизмати масалалари бўйича маслаҳатчиси (бунгача вакант эди) лавозимлари тугатилиб, уларнинг негизида янги лавозим жорий этилган.

Шунингдек, сўнгги пайтларда Халқ қабулхоналари фаолияти етарли самара бермаётгани, жойлардаги муаммоларни ҳал қилишда сусткашликка йўл қўйиб, асосан сансалорлик билан шуғулланаётгани аҳолининг ҳақли эътирозларини келтириб чиқараётгани сабабли Халқ қабулхоналари институтини кучайтириш юзасидан айрим вазифалар белгиланди.

Жумладан, Халқ қабулхоналари ходимларига таъсирчан чора сифатида давлат органлари ва ташкилотларда жисмоний ва юридик шахсларнинг мурожаатлари тўғрисидаги қонунчилик ҳужжатлари бўйича қонунбузилишлар юзасидан маъмурий баённомалар тузиш ва судга юбориш ҳуқуқи берилмоқда.

Ҳудудлар билан тўғридан-тўғри алоқаларни ўрнатиш ва жойлардаги вазиятдан келиб чиқиб, тезкор чоралар кўриб бориш мақсадида Халқ қабулхоналари фаолиятини янги ташкил этилаётган Администрация раҳбари ёрдамчилари мувофиқлаштириб боради ва улар бевосита ҳудудларда ўз фаолиятини амалга оширади. Бунда Администрация раҳбари ёрдамчилари штатлари мавжуд штат бирликларини қисқартириш эвазига ташкил этилади.


👉 @xushnudbek 👈