Муқаддас қасамёдига ҳамиша содиқ бўлиб, хизмат бурчини ерда ҳам, кўкда ҳам шараф билан адо этаётган баҳодир ва довюрак ҳарбийларимизга Ўзбекистон Қуролли Кучлари ташкил этилганининг 31 йиллиги ва Ватан ҳимоячилари куни муборак бўлсин!
—
С 31-й годовщиной образования Вооруженных Сил Узбекистана и Днем защитников Родины вас, храбрые наши воины, верные священной присяге, с честью выполняющие свой долг на суше и в воздушном пространстве!

Prezident.uz|Facebook|Instagram|YouTube|Twitter

​​"Azal" aviakompaniyasi Bokudan Urganchga parvozlarni yo‘lga qo‘yadi

Joriy yil 28-yanvardan boshlab Ozarbayjonning "Azal" aviakompaniyasi "Boku-Urganch-Boku" yoʻnalishi boʻyicha parvoz qiladi.

Parvozlar haftada bir marta - shanba kunlari amalga oshiriladi.

Xorazm viloyati transport boshqarmasi Matbuot xizmati

Расмий муносабат

Олий ва ўрта махсус таълим муассасаларида ўқиш машғулотлари давом этади

Ижтимоий тармоқда олий ва ўрта махсус ўқув юртларида ҳам қўшимча таътил бериш ва йўлкира ҳақининг ошиб кетиши бўйича билдирилган фикрлар юзасидан қуйидагиларни маълум қиламиз:

Вилоятимиздаги умумтаълим мактаблари, Президент, ижод ва ихтисослаштирилган мактабларда, мактабгача таълим муассасаларида қишги таътил муддати чўзилиши ва ўқув машғулотлари 2023 йил 18 январдан бошланиши ҳақида хабар берилган эди. Бу ўзгариш олий ва ўрта махсус таълим муассасаларига тааллуқли эмас. Вилоятдаги олий ва ўрта махсус ўқув юртларида дарс машғулотлари 2023 йил 16 январдан одатдаги тартибда давом этади.

Вилоятда жамоат транспортининг ҳар доимгидек белгиланган жадвал бўйича қатнови ва йўлкира нархи вилоят ҳокимлиги ҳамда бошқа мутасадди ташкилотлар томонидан доимий назоратга олинган.

Хоразм вилояти ҳокимлиги матбуот хизмати

Xorazm.uz | Facebook | Telegram | Instagram

​​Xorazm viloyatida 9 ta yo'nalish bo'yicha jamoat transportlari harakati joriy etildi.

Aholidan kelib tushayotgan murojaatlarini qanoatlantirish va viloyatimizda noqulay ob-havo kuzatilayotganligi sababli Qo'shko'pir, Gurlan, Bog'ot, Yangariq va Xiva tumanlarida qo'shimcha yo'nalishlar tashkil etilib, jamoat transportlar harakati amalga oshirilmoqda.

Xususan, "Qo'shko'pir tumani markazi - Oshoqqal'a mahhalasi", Qo'shko'pir tumani markazi - G'ozovot qishlog'i", "Boshqirshix qishlog'i - Yangiboozr markaziy shifoxonasi", Gurlan tumani markazi - Marg'ubot qishlog'i", "Gurlan tumani markazi - Ziyokor mahallasi", "Gurlan tumani markazi - Moyli mahallasi", "Qalajiqal'a qishlog'i - Bog'ot tuman markazi", "Yangiariq tuman markazi - Chiqirchi qishlog'i" va  "Xiva dashyoq bozori - Pirnaxoz mahallasi" yo'nalishlarida avtobus va mikroavtobuslar harakati belgilangan jadval asosida amalga oshirilmoqda.

Xorazm viloyati transport boshqarmasi Matbuot xizmati

Шу билан бирга, бугунги кундаги муаммоларда тизимсиз ишлаш, энергоресурсларни талон-торож қилиш ҳолатлари ҳам сабаб бўлаётгани кўрсатиб ўтилди.

Хусусан, ўтган бир ойда электрга 5 мингта, газга 4,5 мингта ноқонуний уланишлар аниқланган.

"Электр ва газ тармоқларида талон-торожлик бўлганини, туман ҳокимлари ва сектор раҳбарлари, электр ва газ идоралари бошлиқлари билмасми-ди?", - дея савол қўйди давлат раҳбари.

Охирги ойларнинг ўзида нефтегаз ва энергия назорати тизимларида 192 та коррупция ҳолатлари аниқлангани ҳам тизим ичидан емирилганидан далолат беради.

ДХХ ва Бош прокуратурага тизимдаги коррупцияни йўқ қилиш бўйича алоҳида чоралар кўриш топширилди.

Президент энергетика ва коммунал тизимларда юзага келган аҳволни инобатга олиб Сингапурга ташриф давомийлиги 3 кундан 1 кунга қисқартирилишини таъкидлади.

Ушбу мамлакатнинг коррупцияга қарши курашиш борасидаги қимматли тажрибасини ўрганиш лозимлиги, қолаверса, ушбу давлатдан 4,7 миллиард долларгача қўшимча инвестиция жалб қилиш режалаштирилгани учун ҳам бу ташриф муҳим аҳамиятга эга. Хусусан, самарасиз ишлаётган давлат корхоналарини хусусийлаштиришга ҳам инвестициялар жалб қилинади.

Facebook|Instagram|Twitter

Президент вазиятни ўнглаш бўйича мутасаддиларга қатор топшириқлар берди.

Бош вазир А.Арипов ва энергетика вазири Ж.Мирзамаҳмудовга бор имкониятларни ишга солиб, мавжуд ресурсларни адолатли тақсимлаб, муаммоли маҳаллаларда одамларга зудлик билан ёрдам кўрсатадиган тизим яратиш топширилди.

Келгусида бундай вазиятга йўл қўймаслик учун ҳозирдан аниқ чораларни белгилаш, яъни қаерда газ бўлмаса, суюлтирилган газ ёки кўмир етказишни бугунданоқ ҳал қилиш вазифаси қўйилди.

Икки ой муддатда хориждан малакали мутахассисларни олиб келиб, бошқарув ва ишлаб чиқариш жараёнларини рақамлаштириш бўйича амалий ишларни бошлаш вазифаси қўйилди.

Энергия таъминотида қаерда узилиш бўлган бўлса, унинг сабабларини кўрсатиб, оқибатлари қанча муддатда бартараф этилишини одамларга тушунарли тарзда етказиш зарурлиги қайд этилди.

Бугунги совуқ кунларда қарздорлик деб, хонадонларни электр ва газдан узилишига йўл қўйилмаслиги таъкидланди.

Facebook|Instagram|Twitter

Шунингдек, ҳокимлар, сектор раҳбарлари, маҳалла раислари, ҳоким ёрдамчилари, ёшлар етакчилари ва хотин-қизлар фаоллари уйма-уй юриб, аҳолидан хабар олишлари кераклиги кўрсатиб ўтилди.

“Саховат ва кўмак” жамғармасидан ёлғиз қариялар, кўп фарзандли эҳтиёжманд оилаларга иссиқ кийим, озиқ-овқат тарқатиш, энг оғир ҳолларда уларни шароити бор жойларга жойлаштириш, маҳаллаларда иссиқ овқат тарқатиш пунктларини ташкил этиш топширилди.

Ҳар бир деҳқон бозорида шароитларни яхшилаш ва нарх-наво тартибга солиш, йирик корхоналар, ижтимоий объектлар раҳбарлари ходимларини уюшган ҳолда ишга олиб келишга автобус қатновларини ташкил этиш вазифаси қўйилди.

Ёнғинни олдини олиш бўйича амалий ва тушунтириш ишларини кучайтириш, хонадонма-хонадон иситиш воситаларидан тўғри фойдаланиш бўйича тушунтириш ишларини ташкил қилиш бўйича топшириқ берилди.

Автомобилга газ қуйиш шохобчаларида давом этаётган ўғирликларга барҳам бериш шартлиги таъкидланди.

Мисол учун, ўтган ҳафтада биргина Вобкент тумани ва Бухоро шаҳридаги 3 та шохобчада 26 миллион кубметр (26 миллиард сўмлик) газдан яширинча фойдаланиш ҳолатлари аниқланган. Ушбу газ ҳажми билан 44 минг хонадонни ёки битта катта туман аҳолисини 1 ой газ билан таъминлаш мумкин эди.

Бош прокурорнинг биринчи ўринбосари Валиевга шу масалада тартиб ўрнатиш топширилди.

Умуман, Давлат хавфсизлик хизмати ва Бош прокуратурага бугун лавозимидан озод этилган мутасаддиларнинг фаолиятини ўрганиш ва қонун бузилишлари аниқланган тақдирда, қатъий жавобгарликка тортиш топширилди.

Йиғилиш якунида тегишли мутасаддилар ва ҳудудлар ҳокимлари ҳисобот берди.

Facebook|Instagram|Twitter

Президент: "Ҳамма раҳбарлар шуни ҳис этиши керак: энди бундай давом этиши мумкин эмас"
—
Президент: "Все руководители должны осознать: так больше продолжаться не может"

Prezident.uz|Facebook|Instagram|YouTube|Twitter

Машарипов Ўктам Рустамович Хоразм вилояти ҳокимининг қишлоқ ва сув хўжалиги масалалари бўйича ўринбосари лавозимига тайинланди.

Тайинловга қадар, Хазорасп тумани ҳокими лавозимида ишлаган.

Қиш мавсумига лозим даражада тайёргарлик кўрмагани учун Тошкент шаҳар ҳокими Ж.Ортиқхўжаев лавозимидан озод этилди, айрим туман ҳокимларига ҳайфсан берилди
—
За неудовлетворительную подготовку к зимнему сезону снят с должности хоким города Ташкента Ж.Ортикхужаев, хокимы некоторых районов получили выговор

Prezident.uz|Facebook|Instagram|YouTube|Twitter

HURMATLI YO‘LOVCHILAR!

Yurtimiz miqyosida davom etayotgan anomal sovuq ob-havo tufayli, yo`lovchi poyezdlar harakat havfsizligini taʼminlash va yo`lovchilarni o`z manzillariga yetkazish davomida noqulayliklar kelib chiqishini oldini olish maqsadida, 766/765-sonli "Toshkent – Buxoro – Toshkent" yo‘nalishidagi “Afrosiyob” yuqori tezlikda harakatlanuvchi elektropoyezdlari qatnovlari 2023 yilning 16,17,18,19,20-yanvar kunlari 5 ta reysga bekor qilinadi.

Xarid qilingan chiptalarni temir yo’l chiptaxonalarida, elektron tarzda xarid qilingan chiptalarni chipta.railway.uz saytida qaytarishingiz mumkin.
Chipta 100% qiymatda qaytariladi.

"O`ztemiryo‘lyo‘lovchi" AJ rahbariyati yo`lovchilardan mazkur vaziyatni to‘gri baholab, tushunishlarini va keltirilgan noqulayliklar uchun uzr soraydi.

"O‘ztemiryo‘lyo‘lovchi" AJ matbuot xizmati

Bugungi kunda Urganch shahridagi ichki yo‘nalishlarida avtobus qatnovlari har bir yo’lovchi uchun belgilangan tarifga asosan 1 000 (ming) so’m etib belgilangan.

Urganch shahrida “Damas” avtotransport vositalarida shahar ichki yo’nalishlari bo’yicha yo’lovchi tashish uchun hech qanday tender bitimlari berilmaganligini bildiramiz.

Hurmatli Urganch shahar aholisi, Sizlardan qonunda belgilangan yo‘lovchilar tashuvlarini amalga oshirish huquqini beruvchi litsenziyaga ega bo‘lgan avtotransport vositalaridan foydalanishingizni tavsiya etamiz.

Siz, qonunda belgilangan tartibda yo’lovchi tashish faoliyati bilan shug’ullanuvchi avtotransport vositalaridan foydalanganingizda belgilangan yo’l kira tariflari oshmasligi kafolatlanadi.
Noqonuniy ravishda yo’lovchi tashish bilan shug’ullanayotgan shaxslarga choralar ko’rilishi Xorazm viloyati transport boshqarmasi tomonidan nazoratga olingan.

Xorazm viloyati transport boshqarmasi Matbuot xizmati

Hurmatli yo`lovchilar, o`quvchi va talabalarning qishki ta'til davri 2023-yilning 23-yanvar sanasigacha uzaytirilishi munosabati bilan talabalarga shuni ma'lum qilmoqchimiz:
⠀
Chegirma asosida xarid qilingan chiptalarni temir yo’l chiptaxonalarida, elektron tarzda xarid qilingan chiptalarni chipta.railway.uz saytida qaytarishingiz mumkin.
Chipta 100% qiymatda qaytariladi.

Chiptalarni qaytarishda:
Elektron tarzda xarid qilingan chiptalarni chipta.railway.uz sayti orqali "Chiptalarni qaytarish" bo`limidan foydalanasiz. Chiptani qaytarishga rozilik bildirganingizdan so`ng, chipta summasi 24 soat ichida chipta xarid qilingan plastik kartangizga qaytariladi.
⠀
Temir yo`l chiptaxonalaridan xarid qilingan chiptalarni qaytarishda chiptaxonalarga murojaat qilishingiz va chipta summasini to`liq olishingiz yoki boshqa sanadagi poyezdga chiptani almashtirishingiz mumkin.
⠀
Talabalarga eslatib o`tamiz, chiptalarni 23-yanvar sanasigacha 50% chegirma asosida xarid qilishingiz mumkin!