#Soʻragan_edingiz

❓Sudlanmaganlik (sudlanganlik) haqida maʻlumotnoma berish boʻyicha davlat xizmati koʻrsatilganda undiriladigan yigʻimning miqdori qancha?

❗️Javob:

✅Hukumatning 797-son qarori bilan “Sudlanganlik haqida maʻlumotnoma berish boʻyicha davlat xizmati koʻrsatishning” maʻmuriy reglamentiga asosan, davlat xizmati koʻrsatilganligi uchun 9 000 so'm (BHMning 3 foizi) va pullik xizmat uchun 6 500 so'm miqdorida yigʻim undiriladi.

💠YIDXP orqali murojaat etilganda, undiriladigan yigʻim summasining 90 foizi undiriladi.

📌Ma’lumot uchun:“Ijtimoiy himoya yagona reyestri” axborot tizimida roʻyxatga olingan shaxslarga, shuningdek, I va II guruh nogironligi boʻlgan shaxslarga belgilangan yigʻimning 50 foizi miqdorida chegirma qoʻllaniladi.

Kanalga ulanish👇👇👇
https://t.iss.one/xorazmadliya

#Adliya_aralashgach

🔸Xorazm viloyat adliya boshqarmasi tomonidan fuqaro E.Qurbanovning funksional diagnostika bo‘limi mudiri bo‘lib ishlagan davri uchun to‘lanishi lozim bo‘lgan ustama haqlari to‘lanmayotganligidan norozi bo‘lib qilgan murojaati ko‘rib chiqildi.

🔰Murojaatni ko‘rib chiqish jarayonida Hazorasp tuman tibbiyot birlashmasi tomonidan ayrim qonunbuzilish holatlariga yo‘l qo‘yilganligi aniqlandi.

Aniqlanishicha birlashma tomonidan fuqaro E.Qurbanovning oylik ish haqlaridan 3 183 050 so‘m asossiz ravishda ushlab qolingan.

✅ Adliya boshqarmasi tomonidan yuqorida qayd qilingan qonunbuzilish holatlarini bartaraf qilish maqsadida Hazorasp tuman tibbiyot birlashmasiga taqdimnoma kiritildi va fuqaro E.Qurbanovga 3 183 050 so‘m miqdorida ish haqlari undirib berildi.

Kanalga ulanish👇👇👇
https://t.iss.one/xorazmadliya

#Qonunchilikdagi_yangiliklar

Kafolatlangan va bepul taqdim etiladigan minimal ijtimoiy xizmatlar ro'yxati shakllantiriladi

“O'zbekiston Respublikasi aholisini ijtimoiy himoya qilish strategiyasini tasdiqlash to'g'risida”gi Prezident farmoni qabul qilindi

✅ Farmon bilan aholini ijtimoiy himoya qilishning ustuvor yo'nalishlari belgilandi.

➡️ Unga ko'ra, ijtimoiy xizmatlarni aholiga bevosita mahalla darajasida ko'rsatish amaliyoti joriy etiladi.

🔰 Farmonga muvofiq, quyidagilar tasdiqlandi:

▫️O'zbekiston Respublikasi aholisini ijtimoiy himoya qilish strategiyasi hamda uning maqsadli ko'rsatkichlari;
▫️Mazkur strategiyani 2022-2023-yillarda amalga oshirish bo'yicha “Yo'l xaritasi”.

🏢 Moliya vazirligi tarkibida Ijtimoiy sug'urta jamg'armasi tashkil etildi.

🗓 2022-yil 1-sentyabrdan Ijtimoiy sug'urta jamg'armasi hisobidan davlat ijtimoiy sug'urtasi bo'yicha minimal iste'mol xarajatlaridan kelib chiqib homiladorlik va tug'ish nafaqalari to'lanadi.

⏩ Bunda, xodimning ish stajida 1 oygacha bo'lgan tanaffuslar mavjud bo'lsa ushbu tanaffuslardan oldingi va keyingi oylar ketma-ket ish stajini hisoblashda qo'llaniladi.

📁 2023-yil 1-martgacha davlat tomonidan kafolatlangan va bepul taqdim etiladigan minimal ijtimoiy xizmatlar ro'yxati shakllantiriladi.

⚠️ 2023-yil 1-iyulgacha kafolatlangan va bepul taqdim etiladigan minimal ijtimoiy xizmatlarni ko'rsatish standartlari tasdiqlanadi.


Kanalga ulanish👇👇👇
https://t.iss.one/xorazmadliya

#Xabardormisiz 15-son

Qonunchilikdagi yangiliklar yuzasidan

Kanalga ulanish👇👇👇
https://t.iss.one/xorazmadliya

#Xizmatlardan_onlayn_foydalanamiz

💻Elektron raqamli imzo sertifikatini olish uchun DXMga borish shart emas, buni masofadan amalga oshirish mumkin

✅ Adliya vazirligi va Davlat soliq qoʻmitasi tomonidan jismoniy va yuridik shaxslarga elektron raqamli imzo kaliti va sertifikatini maxsus axborot resursi (e-imzo.uz) orqali berish mexanizmi joriy qilingan. Bunda ushbu davlat xizmatidan murojaat etuvchi hali elektron raqamli imzo sertifikatiga ega boʻlmagan hollarda ham foydalanishi mumkin.

✍️ Videoqo'llanma orqali Siz xizmatdan mustaqil ravishda foydalanishingiz mumkin.

📹VIDEOQOʻLLANMA

#Adliya_xabari #Litsenziyalash_xizmati

❗️Yer osti suvlariga quduqlarni burg‘ilash uchun ruxsatnomani “Litsenziya” axborot tizimi orqali olish mumkin

➡️ Davlat xizmatini ko‘rsatuvchi subyekt: Davlat geologiya va mineral resurslar qo‘mitasi.

🔰Murojaatlar quyidagilar orqali qabul qilinadi:

▫️“Litsenziya” AT – license.gov.uz;
▫️YIDXP – my.gov.uz.

🙎‍♂️Xizmatdan foydalanuvchilar: Yuridik shaxslar

💰To‘lanadigan yig‘im miqdori:

➖Arizani ko‘rib chiqish – bepul;
➖Ruxsat etish xususiyatiga ega hujjat berilganligi uchun undiriladigan yig‘im miqdori – BHMning 30 foizi (90 ming so‘m);

⏱ Arizani ko‘rib chiqish muddati – 5 ish kuni.

📌Amal qilish muddati – Burg‘ulash ishlarini bajarish davriga, lekin 2 yildan oshmaydigan muddatga.

⚠️ Ma'lumot uchun: Ruxsatnoma har bir burg‘ilash qudug‘i uchun alohida beriladi.

Kanalga ulanish👇👇👇
https://t.iss.one/xorazmadliya

#2022_yil_1_avgustdan

📲 Davlat xizmatlaridan foydalanish uchun shaxsni identifikatsiyalashning mavjud tizim va vositalariga qo'shimcha ravishda jismoniy shaxsni identifikatsiyalashning Mobil-ID tizimi joriy etiladi.

🔹 Mobil-ID tizimi “Elektron hukumat” tizimi foydalanuvchilarini identifikatsiyalash bo'yicha yagona axborot tizimining tarkibiy qismi hisoblanadi va shaxsni uning mobil telefon raqami orqali identifikatsiyalashni nazarda tutadi;

🔹shaxsni Mobil-ID tizimi yordamida identifikatsiyalash fuqaroning xohishiga ko'ra DXM yoki notarial idora tomonidan yoxud YIDXPning mobil ilovasi orqali amalga oshiriladi.

#Soʻragan_edingiz

❓Xususiy notariuslik faoliyati bilan shug‘ullanmoqchiman, buning uchun qayerga murojaat qilishim va qanday hujjatlarni taqdim etishim lozim?

❗️Javob:

✅ Hukumatning 369-son qaroriga muvofiq Xususiy notariuslik faoliyatini amalga oshirish yuzasidan litsenziya olish boʻyicha Davlat xizmatlari markazi yoki Yagona interaktiv davlat xizmatlari portali orqali (my.gov.uz) orqali murojaat qilinadi.

📝Xususiy notariuslik faoliyatini amalga oshirish yuzasidan litsenziya olish boʻyicha Soʻrovnomaga quyidagi hujjatlar elektron tarzda ilova qilinadi:

🔹Oliy maʼlumot toʻgʻrisidagi diplom yoki vakolatli davlat organining xorijiy taʼlim muassasasida olingan oliy maʼlumot toʻgʻrisidagi hujjatning nostrifikatsiyalash (ekvivalentligini qayd etish) toʻgʻrisidagi guvohnomasi nusxasi;

🔹Mehnat daftarchasining tasdiqlangan nusxasi yoki yuridik mutaxassislik boʻyicha ish stajini tasdiqlovchi “Elektron mehnat daftarchasi” tizimidan koʻchirma.

🔸Davlat xizmatini koʻrsatish uchun 150 000 so'm (BHMning 50 %) miqdorida yigʻim undiriladi.

🔸Xususiy notariuslik faoliyatini amalga oshirish yuzasidan litsenziya berganlik uchun 300 000 so'm (BHMning 1 baravari) miqdorida davlat boji undiriladi.

🔸YIDXP orqali murojaat etilganda toʻlovlarning 90 foizi undiriladi.


Kanalga ulanish👇👇👇
https://t.iss.one/xorazmadliya

#Qonunchilikdagi_yangiliklar

Mobil aloqa xizmatlariga nisbatan soliq stavkasi kamaytirildi

Qonun (O'RQ-785-son, 26.07.2022-y.) bilan Soliq kodeksiga qo'shimcha va o'zgartirishlar kiritildi.

📝 Unga ko'ra, mobil aloqa xizmatlariga nisbatan soliq stavkalari 10 foiz etib belgilandi (ilgari 15 foiz edi).

☑️ Qonunga ko'ra, talabalarning O'zbekiston oliy ta'lim tashkilotlari hududida pulli o'quv kurslarini, sport to'garaklarini tashkil etishdan va boshqa ta'lim xizmatlarini ko'rsatishdan olingan daromadlari jami daromadlarga kiritilmaydi.

❕Shuningdek, o'quvchilar va talabalarning ta'lim olishi uchun O'zbekiston Respublikasi professional va oliy ta'lim tashkilotlari bilan to'g'ridan-to'g'ri shartnomalar bo'yicha pulli-kontrakt asosida o'tkaziladigan mablag' xarajatlariga soliq to'lovchining daromadi sifatida qaralmaydi.

🔘 Soliq to'lovchining farzandlariga nodavlat maktabgacha ta'lim tashkilotlari va (yoki) maktablar ko'rsatadigan ta'limga oid xizmatlar uchun ota-ona (farzandlikka oluvchilar) tomonidan har bir farzand uchun to'lanadigan oyiga 3 million so'mgacha bo'lgan to'lovlariga yo'naltiriladigan daromadlariga soliq solinmasligi belgilandi.

📊 Shu bilan birga, norezidentlar bo'lgan jismoniy shaxslarning mehnat shartnomalari va fuqarolik-huquqiy xususiyatdagi shartnomalar bo'yicha olingan daromadlari (dividendlar va foizlar hamda fraxtdan olingan daromadlardan tashqari) uchun soliq stavkalari 12 foiz etib belgilandi.

⏩ Qonun bilan qishloq joylarda joylashgan (bundan shaharlar va tumanlarning markazlari mustasno) antenna-machta metall konstruksiyalari, shuningdek ularga o'rnatilgan hamda ularning ajralmas qismi bo'lgan konstruksiyalar egallagan yer uchastkalariga soliq solinmasligi belgilandi.

🗓 2022-yil 1-apreldan 2024-yil 31-dekabrgacha respublika rezidentlari va norezidentlari bo'lgan jismoniy shaxslarning (aksiyadorlarning) aksiyalar bo'yicha dividendlar tarzidagi daromadlari jismoniy shaxslardan olinadigan daromad solig'idan ozod qilinadi.

⚠️ Shuningdek, Prezidentning va Hukumatning 2022-yil 1-iyulgacha qabul qilingan hujjatlarida nazarda tutilgan bojxona boji bo'yicha imtiyozlar ularning amal qilish muddati tugaguniga qadar amal qiladi.

Kanalga ulanish👇👇👇
https://t.iss.one/xorazmadliya

#Adliya_aralashgach

🔸Bogʻot tuman adliya boʻlimi tomonidan fuqaro D.J.ning mehnat taʼtili pullarini olishda amaliy yordam berishni soʻrab qilgan murojaati koʻrib chiqildi.

🔰Murojaatni ko‘rib chiqish jarayonida SEO va JSX Bogʻot tuman boʻlimi xodimi D.J. ga 2020-2021-yillar uchun 11 649 577 soʻm miqdorda mehnat taʼtili pullari hisoblanmaganligi hamda toʻlanmaganligi aniqlandi.

✅Bogʻot tuman adliya boʻlimi tomonidan Fuqarolik ishlari boʻyicha Bogʻot tumanlararo sudiga ariza kiritilib, sud buyrugʻiga asosan fuqaroga 11 649 577 soʻm miqdordagi mehnat taʼtili pullari undirib berildi.

Kanalga ulanish👇👇👇
https://t.iss.one/xorazmadliya

#Qonunchilikdagi_yangiliklar

Investitsiya shartnomalarini ekspertizadan o'tkazish tartibi tasdiqlandi

“Investitsiyaviy va infratuzilmaviy loyihalarning loyihaoldi, davlat xaridiga doir tender bo'yicha xarid qilish hujjatlari va texnik topshiriqlar hamda shartnomalarni ekspertizadan o'tkazish tartibini yanada takomillashtirish chora-tadbirlari to'g'risida”gi Prezident qarori (PQ–332-son, 25.07.2022-y.) qabul qilindi

✅ Qarorga muvofiq, davlat xaridiga doir tender xarid hujjatlarini, texnik topshiriqlarni hamda shartnomalar loyihalarini ekspertizadan o'tkazish uchun to'lovlar xarid predmeti narxining QQSni inobatga olmagan holda 0,1 foizi miqdorida, BHMning 100 baravaridan ortiq bo'lmagan miqdorda hisoblanib, ushbu miqdorga QQS alohida qo'shilgan holda undiriladi.

⏩ Loyihalarning texnik-iqtisodiy asoslanishini kompleks ekspertizadan o'tkazganlik uchun to'lovlar QQSni hisobga olmagan holda loyiha umumiy summasining 0,03 foizi miqdorida, biroq ekvivalenti 4 ming AQSH dollaridan kam bo'lmagan va 50 ming AQSH dollaridan ko'p bo'lmagan miqdorda hisoblanib, ushbu miqdorga QQS alohida qo'shilgan holda undiriladi.

❕Loyihalarning texnik-iqtisodiy hisob-kitoblarini kompleks ekspertizadan o'tkazganlik uchun loyihalarning texnik-iqtisodiy asoslanishini kompleks ekspertizadan o'tkazganlik uchun belgilangan summaning 50 foizi miqdorida haq undiriladi.

☑️ Ekspertizalar 100 foizlik oldindan haq to'lash sharti bilan o'tkaziladi.

🔰Qaror bilan quyidagilarni tartibga soluvchi nizomlar tasdiqlandi:

🔹investitsiyaviy va infratuzilmaviy loyihalarning loyihaoldi hujjatlarini ishlab chiqish, kompleks ekspertizadan o'tkazish va tasdiqlash;
🔹davlat xaridiga doir tender bo'yicha xarid qilish hujjatlarini va texnik topshiriqlarni kompleks ekspertizadan o'tkazish;
🔹shartnomalar, import kontraktlari va ularga qo'shimcha kelishuvlar loyihalarini ekspertizadan o'tkazish va ro'yxatga olish tartibi;
🔹loyihalarning texnik-iqtisodiy asosi va texnik-iqtisodiy hisob-kitobini, davlat xaridiga doir tender bo'yicha xarid hujjatlari va texnik topshiriqlarni kompleks ekspertizadan o'tkazish xizmati qiymatini aniqlash tartibi.

Kanalga ulanish👇👇👇
https://t.iss.one/xorazmadliya

#bilasizmi

🔅JShShIR chet el fuqarolari va fuqaroligi bo'lmagan shaxslarga qanday yengillik beradi?

✅ O'zbekistonda JShShIR barcha davlat, bank, soliq, ijtimoiy va boshqa turdagi xizmatlarni ko‘rsatishda fuqaroning shaxsini tasdiqlovchi yagona identifikator hisoblanadi.

📑 Davlat organlari “Elektron hukumat” maxsus platformasi orqali o‘zaro hamkorlik orqali jismoniy shaxslardan qo‘shimcha maʼlumotlarni so‘ramasdan, JShShIR asosida zarur maʼlumotlarni almashadilar.

📝Xususan, 2021-yil 1-iyuldan JShShIR davlat xizmatlarini ko‘rsatishda fuqaroning shaxsini tasdiqlovchi yagona identifikator sifatida belgilandi.

📌 O‘zbekistonda tadbirkorlik subyektlarini davlat ro‘yxatidan o‘tkazish va ro‘yxatga olish tizimida taʼsischilar, direktor, ariza beruvchi yoki uning vakili to‘g‘risidagi maʼlumotlarda JShShIR ko‘rsatilishi kerak.

❕Afsuski, JShShIR amalda majburiy bo‘lib identifikator sifatida tasdiqlanish vaqtida ta’sischilar – O‘zbekistonda vaqtincha yoki doimiy istiqomat qilmaydigan chet el fuqarolari va fuqaroligi bo‘lmagan shaxslar imkoniyatlari hisobga olinmadi.

☑️ Vazirlar Mahkamasining 2022-yil 12-aprelda qabul qilingan qarorida shunday tartib belgilandiki, O‘zbekistonda vaqtincha yoki doimiy yashovchi chet el fuqarolari va fuqaroligi bo‘lmagan shaxslar JShShIR olishlari mumkin.

📎 2022-yil 1-iyundan O‘zbekistonda vaqtincha istiqomat qilayotgan yoki faoliyat yuritayotgan chet el fuqarosi o‘zining ishonchli vakili orqali Davlat xizmatlari markazlariga JShShIR olish uchun ariza berishi mumkin.



Kanalga ulanish👇👇👇
https://t.iss.one/xorazmadliya

#2022_yil_1_avgustdan

💰Hukumat qarori bilan nogironligi bo'lgan yoshlarga subsidiya ajratishning ma'muriy reglamentlari tasdiqlangan.

📝 Reglamentga ko'ra, nogiron yoshlarga nodavlat ta'lim tashkilotlarida kasb-hunar, dasturlash, umumta'lim fanlari va xorijiy tillarni o'rgatish, zarur hollarda yashash va transport xarajatlarini qoplash uchun BHMning 50 baravarigacha (15 mln so'mgacha) subsidiya ajratiladi.

🗓 Subsidiya olish uchun arizalar joriy yil uchun – 2022-yil 1-avgustdan, 2023-yildan boshlab har yili – 10-yanvardan qabul qilinadi.

#Davlat_xizmatlari_reglament

Manzil-ma'lumot axborotlarini taqdim etish tartibi

⚠️ Xizmat: Manzil-ma'lumot axborotlarini taqdim etish.

🙎‍♂️ Xizmatdan foydalanuvchilar: Jismoniy shaxslar

ℹ️ Manzil-ma'lumot axborotlari – fuqaroning doimiy propiskada turganligi, propiskadan chiqqanligi, turgan joyi bo'yicha hisobga olinganligi, vaqtinchalik ro'yxatdan o'tganligi, shuningdeq, ma'lumot mavjud emasligi haqida ma'lumotlardir.

🔄 Xizmatni ko'rsatish tartibi:

1. Bu axborotlarni olish uchun ariza beruvchilar Davlat xizmatlari markazlariga o'zi kelib murojaat etadi yoki davlat xizmatlaridan elektron tarzda foydalanish uchun YIDXP (my.gov.uz) orqali ro'yxatdan o'tadi.

2. So'rovnoma to'ldirilgach, elektron raqamli imzo bilan tasdiqlanib, vakolatli organ (Qoraqalpog'iston Respublikasi Ichki ishlar vazirligi, viloyatlar Ichki ishlar boshqarmalari va Toshkent shahar Ichki ishlar bosh boshqarmasi huzuridagi Manzil-ma'lumot byurolari)ga yuboriladi.

3. Vakolatli organ so'rovnoma kelib tushgan kundan boshlab 1 ish kunida QR-kod qo'yilgan manzil-ma'lumot axborotni rasmiylashtiradi hamda uni tegishli Davlat xizmatlari markaziga yoki arizachiga YIDXP orqali elektron ravishda yuboradi.

📝 Ariza beruvchilar faqat o'zlariga tegishli manzil-ma'lumot axborotlarini olishlari mumkin. Boshqa shaxslarga tegishli manzil-ma'lumot axborotlari berilmaydi.

🗓 Xizmatni ko'rsatish muddati: 1 ish kunida

🔰 Xizmat narxi:

➖ BHMning 3 foizi miqdorida – 9 000 so'm;
➖ Yagona portal orqali topshirilganda miqdori – 8 100 so'm.

📋 Huquqiy asos: Hukumat qarori (797-son, 04.10.2018-y.)


Kanalga ulanish👇👇👇
https://t.iss.one/xorazmadliya

#Qonunchilikdagi_yangiliklar

Umumiy ovqatlanish va chakana savdo sohalaridagi talablar soddalashtiriladi

“Tadbirkorlik subyektlari bilan samarali muloqot tizimini joriy etish va ularning huquqiy himoyasini yanada kuchaytirish chora-tadbirlari to'g'risida”gi Prezident farmoni (PF–178-son, 27.07.2022-y.) qabul qilindi

🌐 Farmonga ko'ra, “business.gov.uz” portali “Tadbirkor virtual ofisi” portaliga aylantirildi.

📝 Portal orqali tadbirkorlarning murojaatlari kechayu kunduz qabul qilinib hal etiladi va ushbu jarayonlar nazorat qilib boriladi.

🔰2022-yil 1-avgustdan:

🔹 portalga quyidagilar tomonidan murojaatlar kiritiladi:

▫️tadbirkorlar;
▫️Savdo-sanoat palatasi huzuridagi “Call-markaz” xizmati;
▫️Tadbirkorlarning huquqlarini himoya qilish bo'yicha vakil (Vakil);
▫️hokim yordamchilari;

🔹 murojaatlar avtomatik yoki Vakil tomonidan vakolatli organlarga ko'rib chiqish va hal etish uchun yo'naltiriladi;

🔹vakolatli organlar murojaatlarni ko'rib chiqib natijalari to'g'risida axborotni portalga kiritadi;

🔹 Vakil murojaatlarni ko'rib chiqish tartibi va muddati ustidan raqamli nazorat o'rnatadi hamda qonunbuzilish holatlari bo'yicha tegishli ta'sir choralarini qo'llaydi.

🗓 Vakil har yili 1-martgacha Prezidentga davlat organlari tomonidan tadbirkorlarning huquqlarini va manfaatlarini himoya qilish to'g'risidagi qonunchilik hujjatlariga rioya etilishining holatiga doir yillik hisobot taqdim etadi.

📁 Adliya vazirligi tomonidan 2022-yil 1-sentyabrgacha umumiy ovqatlanish va chakana savdo sohalaridagi talablarni soddalashtirish hamda ushbu sohalardagi tadbirkorlarni qo'llab-quvvatlash choralarini nazarda tutuvchi hujjat loyihasi Hukumatga kiritiladi.


Kanalga ulanish👇👇👇
https://t.iss.one/xorazmadliya

#Xizmatlardan_onlayn_foydalanamiz

👫Bolani bogʻchaga joylashtirish uchun elektron shaklda murojaat qilish tartibini bilasizmi?

Mutaxassis Sizga oson va mustaqil ravishda Yagona interaktiv davlat xizmatlari portali (my.gov.uz) orqali xizmatdan foydalanishga yordam beradi.

📹 VIDEOQOʻLLANMA

📌Eslatma: Turli hujjatlarni toʻplab, tuman (shahar) xalq taʼlimi boʻlimlari huzuridagi turli qabul komissiyalariga borish shart emas. Sababi Hukumatning 28.03.2018-yildagi 244-son qarorga asosan ular bevosita ariza qabul qilish vakolatiga ega emas.


Kanalga ulanish👇👇👇
https://t.iss.one/xorazmadliya

#Bu_muhim

🔅Davlat xizmatlarini taqdim etish muddatlari haqida nimalarni bilasiz?

⏱Fuqarolar uchun davlat xizmatlari qanchalik tez taqdim etilsa, mamnunlik darajasi ham shu qadar yuqori bo'ladi.

❗️Demak, xizmat ko'rsatish muddati sifatida berilgan iboraga diqqat qilish juda ham muhim. Misol uchun, xizmat muddati 2 kun yoki 2 ish kuni deb belgilanishi mumkin.

❓Nima farqi bor dersiz?

📌Doim yodingizda bo'lsin, agarda talab va reglamentda ko'rsatilgan matndagi muddatda "ish kuni" jumlasidan foydalanilmagan bo'lsa, demak kalendar kunlari nazarda tutilgan bo'ladi.

📎Agarda "ish kuni" birikmasi qo'llanilgan bo'lsa, demak xizmat ko'rsatuvchi davlat organining ish kunlaridan kelib chiqqan holda belgilanadi.

🗓Shunday qilib, 5 ish kuni deb belgilangan muddat haftaning 2 dam olish kunini inobatga olib hisoblaganda 7 kalendar kunga to'g'ri keladi. Boshqacha qilib aytganda, chorshanba kuni berilgan ariza bo'yicha keyingi haftaning seshanba kuni 5-ish kuni hisoblanadi.

#Bilasizmi

🔰Qonunchilikka ko‘ra:

🔹“Temir daftar”, “Yoshlar daftari” va “Ayollar daftari”ga kiritilganlarga va jazoni oʻtab ozodlikka chiqqan fuqarolarga beriladigan toʻlovlar har oyning 5-sanasigacha moliyalashtiriladi hamda AT “Xalq banki”ning sayyor kassalari tomonidan mahallalarga yetkaziladi;

🔹AT “Xalq banki” tomonidan pensiya, nafaqalar va moddiy yordamni fuqarolarga naqd yetkazish xizmatlari uchun Pensiya jamgʻarmasi va byudjetdan 1 foiz bankka xizmat haqi toʻlab beriladi;

🔹pensiya, nafaqa, kompensatsiyalar va moddiy yordam pulini bank kartalari orqali oluvchilarga har oylik pensiya va nafaqa pulining 1 foizi miqdorida qoʻshimcha toʻlov joriy qilinadi.

Kanalga ulanish👇👇👇
https://t.iss.one/xorazmadliya

Diqqat! Kontrafakt

Kontrafakt mahsulotlardan ogoh bo'ling!

👉Hurmatli isteʼmolchilar! Mahsulot xarid qilganda uning nomi toʼgʼriligiga ishonch hosil qiling, ishlab chiqaruvchi haqidagi maʼlumotlarni tekshirib oling.

💢Rasmda FAX, SNICKERS, BOUNTY, Супер Контик tovar belgisi kontrafakt namunasi keltirilgan. Mahsulotlar nomini diqqat bilan o'qisangiz kontrafakt mahsulot nomi ataylab o'zgartirilganini ko'rish mumkin. Bu uning kontrafakt ekanligini bildiradi.

Kontrafakt - bu tovar belgisidan huquq egasi ruxsatisiz hamda iste'molchini adashtirish darajasida foydalanishdir. Ko'pchilik tadbirkorlar o'zgalarning jarangdor brendlaridan foydalanib, xaridorni jalb qilishga urinadi. Bu esa huquqbuzarlik sanaladi.

❗️Eslatma! Kontrafakt mahsulot sotganlik hamda tovar belgisidan noqonuniy foydalanib, iste’molchini chalg’itganlik uchun javobgarlik belgilangan.

Kanalga ulanish👇👇👇
https://t.iss.one/xorazmadliya