Мактабда 2 та хорижий тил ва 17 турдаги касбларни ўргатиш учун махсус хоналар ташкил қилиниб, ушбу тўгаракларга 7-11 синф ўқувчиларидан 220 нафари жалб қилинган. Машғулотларни юқори малака сертификатига эга чет тили ўқитувчилари ва Хиванинг машҳур ҳунармандлари олиб боради. Ўқувчилар дарсдан бўш вақтларида касб ўрганиш баробарида, шогирд сифатида маълум миқдорда даромад ҳам ишлаб топадилар. Семинарда ушбу мактаб тажрибасини бутун вилоят бўйича кенг оммалаштириш чора- тадбирлари белгилаб олинди.

Хоразм вилояти ҳокимлиги матбуот хизмати

Xorazm.uz | Facebook | Telegram | Instagram

Тақдимот

Вилоят ҳокимлигида вилоят мактабгача ва мактаб таълими тизими раҳбарларининг 2023 йилги иш режалари бўйича тақдимот ўтказилди.

Тақдимотда таъкидланишича, жорий йилда вилоятда умумтаълим мактабларида таълим-тарбия самарадорлигини ошириш мақсадида АPRO платформаси янада такомиллаштирилади, “Бир миллион дастурчи” лойиҳасининг кейинги босқичида 200 минг нафар ўқувчи ёшлар қамраб олинади, битирувчиларнинг олий таълимга кириш кўрсаткичи 45,3 фоизга етказилади. Мактабларда ўқувчиларга камида 2 та хорижий тил ва битта касб ўргатиш борасида бошланган ишлар изчил давом эттирилади. Давлат дастурлари асосида 11 та мактабда 80 миллиард сўмлик реконструкция ишлари бажарилади, 65 та мактабга қуёш панеллари ўрнатилади, сунъий қопламали спорт майдончаларига эга мактаблар улуши қарийб икки баробар оширилади.

Мактабгача таълим тизимида жорий йил якунигача 2 та давлат, 12 давлат-хусусий шериклик, 48 та оилавий мактабгача таълим ташкилотларини очиш орқали 3-7 ёшли болаларнинг қамров кўрсаткичини 81 фоизга етказиш режалаштирилган. Йил давомида мактабгача таълим ташкилотларининг 65 фоизида озиқ-овқат таъминотини аутсорсинг тизимига ўтказиш, шунингдек босқичма босқич таомнома ва озиқ-овқат муҳсулотлари сарфини рақамлаштириш кўзда тутилган. Инновацион мактабгача таълим марказини ташкил қилиш, соҳа ходимлари малакасини ошириш  тадбирлари амалга оширилади.

Вилоят ҳокими вазифасини бажарувчи Жўрабек Рахимов тақдимот билан танишиб, иш режаларини бугунги куннинг долзарб вазифаларидан келиб чиқиб янада такомиллаштириш ва шу асосда “Йўл харитаси” ишлаб чиқиш бўйича топшириқлар берди.

Хоразм вилояти ҳокимлиги матбуот хизмати

Xorazm.uz | Facebook | Telegram | Instagram

Улуғ шоирга эҳтиром

Хонқа туманидаги Алишер Навоий музейида шоир таваллудининг 582 йиллигига бағишлаб ёзувчи ва шоирлар, адабиётшунослар, кенг жамоатчилик вакиллари иштирокида тадбир ўтказилди.

Тадбир аввалида Алишер Навоий ҳайкали пойига гуллар қўйиб, буюк алломага ҳурмат эҳтиром кўрсатилди. Сўзга чиққанлар буюк шоир ва мутафаккир, атоқли давлат ва жамоат арбоби Алишер Навоийнинг ҳаёти, юксак инсонпарварлик ғоялари, илмий-адабий меросини юртимизда ва халқаро миқёсда кенг ўрганиш ҳамда тарғиб этиш хусусида тўхталдилар. Вилоятимиз таълим муассасаларида навоийхонлик тадбирлари давом этмоқда.

Хоразм вилояти ҳокимлиги матбуот хизмати

Xorazm.uz | Facebook | Telegram | Instagram