Жорий йилнинг 23 сентябрь – 8 октябрь кунлари Хитойнинг Ханчжоу шаҳрида ўтказилган XIX Осиё ўйинларида вилоятимиздан 22 нафар спортчи спортнинг 9 та туридан иштирок этиб, дзюдо, аёллар кураши, карате WKF, таэквондо ва шахмат спорт турлари бўйича 1 та олтин, 5 та кумуш ва 7 та бронза медалларни қўлга киритдилар.

Бугун вилоят ҳокимлигида XIX Осиё ўйинларининг ғолиб ва совриндорлари бўлган вилоятимиз спортчиларини тақдирлаш маросими бўлиб ўтди. Вилоят ҳокими Жўрабек Рахимов олтин, кумуш ва бронза медалларига сазовор бўлган спортчилар ва уларнинг мураббийларини эришган улкан ғалабалари билан табриклаб, мамлакатимиз Президентининг “2023 йилда Ханчжоу шаҳрида (Хитой) бўлиб ўтадиган XIX Осиё ўйинлари ва IV Параосиё ўйинларига Ўзбекистон спортчиларини комплекс тайёрлаш тўғрисида”ги қарорида белгиланган пул мукофотларини топширди. XIX Осиё ўйинларида спортнинг карате WKF тури бўйича олтин медални қўлга киритган Севинч Рахимовага Урганч шаҳридан 2 хонали уй совға қилинди.

Хоразм вилояти ҳокимлиги матбуот хизмати
Xorazm.uz | Facebook | Telegram | Instagram| Youtube

Бугун вилоят ҳокими Жўрабек Рахимов Урганч шаҳридаги ижтимоий соҳа объектлари ва кўп қаватли уйларнинг куз-қиш мавсумига тайёргарлигини кўздан кечирди.

Урганч шаҳрида 22 минг 354 та хонадондан иборат 779 та кўп қаватли уйлар мавжуд бўлиб, уларга 26 та бошқарув сервис компаниялари томонидан хизмат кўрсатилади. Кўп қаватли уйларни 2023-2024 йиллар куз-қиш мавсумига тайёрлаш мақсадида бошқарув сервис компаниялари томонидан 134 та кўп қаватли уйда 1,6 миллиард сўмлик мукаммал ва жорий таъмирлаш ишлари бажарилган. Коммунал хизматлар бўйича аҳолининг мурожаатларини қабул қилиш ва тезкор ҳал этиш мақсадида туну-кун узлуксиз фаолият кўрсатадиган штаб ташкил қилинган. Вилоят ҳокими кўп қаватли уйларда яшовчи аҳоли вакиллари билан мулоқотда бўлди, қиш мавсумига тайёргарлик, ободонлаштириш ишлари бўйича мавжуд камчиликларни бартараф этиш бўйича масъул раҳбарларга топшириқлар берди.

Хоразм вилояти ҳокимлиги матбуот хизмати
Xorazm.uz | Facebook | Telegram | Instagram| Youtube

Ўзбекистон Республикаси Президенти Шавкат Мирзиёевга туркий халқлар оиласининг бирлигини мустаҳкамлашга, туркий мамлакатларнинг манфаатлари ва қарашларини халқаро майдонда фаол илгари суришга қўшган улкан ҳиссаси учун юксак мукофот – “Туркий дунёнинг олий ордени” тантанали топширилди.
—
Президенту Республики Узбекистан Шавкату Мирзиёеву торжественно вручена высокая награда – «Высший орден Тюркского мира» за выдающийся вклад в укрепление единства тюркской семьи, активное продвижение интересов и взглядов тюркских стран на международной арене.

#Mirziyoyev #sammit #TDT #mukofot

Prezident.uz|Facebook|Instagram|YouTube|Twitter