🇺🇿🇺🇿🇺🇿🇺🇿🇺🇿

Xalqaro standardlarni joriy qilish yo'lida ilk qadam

🌟 Davlat kadastrlari palatasida “ISO 9001 – Sifat menejmenti tizimi" va “ISO 37001 – Korrupsiyaga qarshi boshqaruv tizimlari" xalqaro standartlari asosida ish faoliyatini tashkil qilish va yuritish, mehnat samaradorligini oshirish, ko‘rsatiladigan xizmatlar sifatini yaxshilash, korrupsiya illatlarining oldini olishda yangi mexanizmlarni ishlab chiqish va joriy qilish maqsadida bir qancha vazifalar belgilangan.

◼️Bugun esa ushbu integratsiyalashgan boshqaruv tizimini joriy qilish bo‘yicha o‘rnatilgan tartibda o‘tkazilgan tanlov natijalari bo‘yicha tashqi maslahatchi sifatida shartnoma tuzilgan “ALFAKON SYSTEMS” MChJ bilan tashkilotning 1-uchrashuvi bo'lib o'tdi. Yig'ilishda Davlat kadastrlari palatasi raisi o'rinbosari A.Suyunov, MCHJ rahbari hamda ishchi guruh a'zolari ishtirok etishdi. Mazkur yig'ilishda tuzilgan ishchi guruh a'zolarining vazifalari, ushbu standardlar bo'yicha qo'yilgan talablar va ularni bajarish bo'yicha asosiy vazifalar belgilab olindi.

◼️Davlat kadastrlari palatasida integratsiyalashgan boshqaruv tizimi joriy qilinib, sertifikatni qo'lga kiritish orqali fuqarolarga ko'rsatiladigan xizmatlarning sifatini oshirish, muammoli shikoyatlarni keskin kamaytirish hamda korrupsiya holatlarini oldini olishga erishish ko'zda tutilgan.

#DavKadastrPalata #ISO

Ijtimoiy tarmoqlardagi sahifalarimiz:
Telegram I Instagram I YouTube I Facebook I Twitter