#amaliyot

🖼️Urganch davlat universiteti talabalari yozgi oromgohlarda amaliyotda

Abu Rayhon Beruniy nomidagi Urganch davlat universitetining talaba-yoshlari yozgi ta’til davrini mazmunli va samarali o‘tkazish maqsadida Xorazm viloyatining turli hududlaridagi oromgohlarda haq to‘lanadigan amaliyotda faol ishtirok etishmoqda.

Jumladan, hozirda Yangibozor tumanidagi “Al-Xorazmiy”, Urganch tumanidagi “Urganch”, Xonqa tumanidagi “Jayhun quyoshi”, Xiva tumanidagi “Xiva gulshani” hamda Qo‘shko‘pir tumanidagi “Humo” oromgohlarida 37 nafar talaba tarbiyachi, yetakchi, sport murabbiysi, musiqa rahbari hamda oshxona xodimi lavozimlarida faoliyat yuritib kelmoqda.

Mazkur amaliyot nafaqat talabalarning kasbiy ko‘nikmalarini mustahkamlash, balki ularning ijtimoiy hayotga faol integratsiyalashuvi, bolalar bilan ishlash madaniyatini o‘zlashtirishida ham muhim ahamiyat kasb etmoqda. Oromgohlarda yaratilgan sharoitlar, talabalarning tashabbuskorligi va mas’uliyat bilan yondashuvi ularning mehnat faoliyatida yuqori samaradorlikni ta’minlamoqda.

Urganch davlat universiteti doimo talabalarning nazariy bilimlarini amaliy tajriba bilan uyg‘unlashtirish, ularni har tomonlama yetuk va mas’uliyatli mutaxassis etib tayyorlashga alohida e’tibor qaratadi.

*Xonqa tumanidagi “Jayhun quyoshi” oromgohi misolida fotoreportaj.

©️UrDU Matbuot xizmati
🌐 Sayt| Telegram| Facebook|Instagram| Ln | YouTube