​​НАМОЗДА НЕЧА РАКАТ ЎҚИГАНЛИГИДА ШАК ҚИЛИШ
#намоз

❓1776-САВОЛ: Мен тўрт ракатлик намоз ўқиётиб, уч ёки тўрт ракат ўқиганлигимда шак қилиб қолдим. Ушбу ҳолатда қандай йўл тутишим керак?

💬 ЖАВОБ: Бисмиллаҳир Роҳманир Роҳим. Агар ушбу ҳолат ҳаётингизда биринчи марта содир бўлса, намозни қайтадан ўқийсиз. Такрор-такрор содир бўлса, у ҳолда гумонингизни кўпига амал қиласиз. Агар гумонингиз бир томонга тош босмаса, у ҳолда ракатнинг озини оласиз. Яъни, уч ракатни оласиз ва эҳтиёт юзасидан қаъдада ўтириб, ташаҳҳудни ўқийсиз. Чунки тўртинчи ракат бўлиши эҳтимоли мавжуд. Сўнг яна бир ракат ўқиб, намозни охирида саҳв саждаси қиласиз.
Агар гумонингизнинг кўпига амал қилганингизда, бир рукн (уч тасбеҳ) миқдорича тафаккур қилиб, жим қолган бўлсангиз, у ҳолда саҳв саждаси лозим бўлади. Агар ушбу миқдорда тафаккур қилмаган бўлсангиз, у ҳолда саҳв саждаси вожиб бўлмайди. Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar

​​БУРНИ БИТГАН КИШИНИНГ ҒУСЛ ҚИЛИШИ
#ғусл

❓1777-САВОЛ: Мен тумов бўлганим учун бурним битиб қолган. Ғуслда бурнимга сув тортсам, ачишадиган жойигача етиб бормаябди. Менинг ғуслим қандай бўлади?

💬 ЖАВОБ: Бисмиллаҳир Роҳманир Роҳим. Сиз ғуслда сувни бурнингизнинг юмшоқ жойи, яъни суяк қисми бошланадиган қисмигача етказасиз. Чунки ғуслда буруннинг юмшоқ жойигача сувни етказиш фарз бўлиб, ундан юқорисига, яъни ачишадиган еригача сув етказиш суннат ҳисобланади. Маълумки, тумов бўлган одам ҳам бурнининг суяк қисмигача сувни етказа олади. Агар сувни тортганида кирмаса, чап қўлининг синчалоқ бармоғи орқали сувни етказиши мумкин. Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar

🕌 ". Sadulla-Ota" jome masjidi namoz vaqtlari

25 - Iyuldan. 31 - Iyulgacha

🌅 Bomdod - 04:30

☀️ Peshin - 13:00

🏙 Asr - 17:45

🌆 Shom - 19:55

🌃 Xufton - 21:30

@Sadulla_Ota jome masjidi.
@Xitobuz

“... албатта, намоз мўминларга вақти тайин фарз бўлгандир” (Нисо сураси 103-оят)

2025/1447 ЙИЛ 25 ИЮЛ ЖУМА МУҲАРРАМ ОЙИНИНГ 30-КУНИ УЧУН НАМОЗ ВАҚТЛАРИ ТАҚВИМИ
(Тошкент шаҳри вақти билан

⏰ ТОНГ -     03:35
⏰ ҚУЁШ -    05:12
⏰ ПЕШИН - 12:35
⏰ АСР -        17:36
⏰ ШОМ -      19:50
⏰ ХУФТОН -21:20

БОШҚА ШАҲАРЛАР НАМОЗ ВАҚТЛАРИ
(Тошкент шаҳридан тафовутлари)

@FITRATUZ

#QURON

🗣Kahf surasi

🎙 Шайх Алижон қори


👤Facebook 🎥Youtube ✈️Telegram 📸 Instagram

НИКОҲ ТЎЙЛАРИДАГИ ХУРОФОТЛАР
#никоҳ

❓1778-САВОЛ: Ижтимоий тармоқларда тарқаган бир видеога кўзим тушди. Унда никоҳ тўйи бўлган бир йигитнинг ўртоқлари кечаси янги куёвнинг эшиги олдига ахлат ташлаб кетишди. Яна бир видеода тўйга борган куёвнинг дўстлари тахлаб қўйилган кўрпачаларни ағдариб кетишганини кўрдим. Бу каби ҳолатларга динимиз муносабати қандай?

💬 ЖАВОБ: Бисмиллаҳир Роҳманир Роҳим. Динимиз бу каби хурофотларнинг ҳар-қандай кўринишига қарши бўлиб келган. Зеро, муқаддас динимиз турли бидъат ва хурофотлар эмас, балки илм ва маърифат дини саналади ва доимий равишда юқоридаги каби хурофотларга қарши курашиб келади. Бундан ташқари юқоридаги ҳолатларда ўзгаларга зарар етказиш ва бировнинг уйи олдини чиқиндилар билан нопок қилиш, ўзгалар меҳнатини қадрламаслик каби иллатлар ҳам мавжудки, буларнинг барчаси динимизда қайтарилган ҳаром ва ножоиз ишлардан ҳисобланади. Чунки ислом шариати покликка буюради ва нопокликдан қайтаради. Ўзгаларга зарар ва зулм эмас, балки яхшилик ва фойда келтиришга чорлайди. Севимли Пайғамбаримиз соллаллоҳу алайҳи васаллам ўзларининг муборак ҳадиси шарифларида:
المُسْلِمُ مَن سَلِمَ المُسْلِمُونَ مِن لِسانِهِ ويَدِهِ
“Мусулмон унинг қўли ва тилидан ўзгалар саломат бўлган кимсадир”, деганлар (Бухорий ва Муслим ривоятлари). Бошқа бир ҳадисда эса:
لا ضَررَ ولا ضِرارَ
“Исломда ўзига ҳам, ўзгаларга ҳам зарар етказиш йўқдир”, деб марҳамат қилганлар (Ибн можа ва Байҳақий ривоятлари).
Афсуски, шунга ўхшаш қабиҳ одатлар ҳар жойда турли кўринишларда мавжуд бўлиб, баъзи жойларда куёв ётган уйнинг деворини кечаси билан тош ёки темирлар билан тақиллатиб чиқсалар, бошқа жойларда куёвнинг уйи олдига шағал ёки тош тўкиб кетадилар. Буларнинг барчаси хурофот бўлиб, хурофот бидъатдан ҳам ёмон ва оғир гуноҳ саналади. Чунки бидъатнинг озгина бўлса ҳам, динда асоси бўлади. Аммо хурофотнинг эса, на динда ва на урфда асоси мавжуд бўлмайди.
Шунга кўра, юқоридаги каби асли йўқ хурофот ва бемаъни одатлардан сақланиш ва уларни бартараф этиш жамиятнинг барча аъзоларига бирдек лозим бўлади. Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar

НАМОЗДА ҚАВМА ҚИЛМАСЛИКНИНГ ҲУКМИ
#намоз

❓1779-САВОЛ: Биз жума намозини масжиднинг саҳнида ўқиётган эдик. Рукуга борганимизда, микрофон ўчиб қолди ва биз имомнинг рукудан қайтиб, саждага борганини билмай қолдик. Яъни, рукуда қолиб кетиб, қавмага улгурмадик. Кейин рукудан тўғри саждага бордик. Биз шу ҳолатда қандай йўл тутишимиз керак эди? Бизнинг намозимиз бузилганми?

💬 ЖАВОБ: Бисмиллаҳир Роҳманир Роҳим. Йўқ, бу ҳолатда сизнинг намозингиз бузилмаган. Сизлар бу ҳолатда аввал қавма қилиб, яъни рукудан туриб, қаддингизни ростлаб, кейин саждага боришингиз лозим эди. Ҳанафий мазҳабига кўра, қавма қилиш вожиб амал саналиб, уни тарк қилиш сабабли намоз бузилмайди. Агар имом ёки ёлғиз ўқувчи томонидан вожиб амални унутиб тарк қилинса, намоз охирида саҳв саждаси қилиш вожиб бўлади ва шу билан намоз комил бўлади. Лекин вожиб амални қасдан тарк қилинса, у ҳолда намоз комил бўлиши учун қайта ўқилади. Аммо имомга иқтидо қилган киши томонидан намоздаги вожиб амал тарк қилинса, имомга ҳам, иқтидо қилувчига ҳам саҳв саждаси вожиб бўлмайди ва намозни қайта ўқилмайди. Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar

“... албатта, намоз мўминларга вақти тайин фарз бўлгандир” (Нисо сураси 103-оят)

2025/1447 ЙИЛ 26 ИЮЛ ШАНБА САФАР ОЙИНИНГ 1-КУНИ УЧУН НАМОЗ ВАҚТЛАРИ ТАҚВИМИ
(Тошкент шаҳри вақти билан

⏰ ТОНГ -     03:36
⏰ ҚУЁШ -    05:13
⏰ ПЕШИН - 12:35
⏰ АСР -        17:36
⏰ ШОМ -      19:50
⏰ ХУФТОН -21:19

БОШҚА ШАҲАРЛАР НАМОЗ ВАҚТЛАРИ
(Тошкент шаҳридан тафовутлари)

@FITRATUZ

#муфтий_минбари

📹 БИР ОҒИЗ СЎЗ АҲАМИЯТИ
🎙 Шайх Нуриддин Холиқназар ҳазратлари

🔗 Улашинг: @diniysavollar

​​НАМОЗ ЎҚУВЧИ ОЛДИДАН ЁШ БОЛАЛАРНИНГ ЎТИШИ
#намоз

❓1780-САВОЛ: Шом намозини ўқиётган вақтимда жиянларим ёнимда эди. Намозни бошлаганимдан сўнг олдимдан югуриб ўтиб кетишди. Шунда намозим бузиладими? Улар ҳали 3-4 ёшли болалар.

💬 ЖАВОБ: Бисмиллаҳир Роҳманир Роҳим. Йўқ, бу ҳолатда намоз бузилмайди. Чунки намоздаги одамнинг олдидан бирор кимсанинг ўтиши намозни бузмайди. Лекин намоздаги одам олдида сутра (устун, тўсқич) каби тўсиқ бўлмаса ёки ўтаётган кимса у билан сутра орасидан ўтмоқчи бўлса, у ҳолда тасбеҳ (субҳаналлоҳ) айтиш ёки қўли билан ишора қилиш орқали олдидан ўтаётган кимсани қайтаради. Чунки балоғатга етган, ақли расо одам намоз ўқиётган одамнинг олдидан ҳеч бир тўсиқсиз ўтадиган бўлса, гуноҳкор бўлади. Аммо балоғатга етмаган, саволда сўралгани каби ёш бола бўлса, у ҳолда гуноҳкор бўлмайди. Лекин шундай бўлсада, имкон қадар ёш болаларни ҳам қўли билан ёки тасбеҳ айтиш орқали қайтариши мақсадга мувофиқ бўлади. Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar

“... албатта, намоз мўминларга вақти тайин фарз бўлгандир” (Нисо сураси 103-оят)

2025/1447 ЙИЛ 27 ИЮЛ ЯКШАНБА САФАР ОЙИНИНГ 2-КУНИ УЧУН НАМОЗ ВАҚТЛАРИ ТАҚВИМИ
(Тошкент шаҳри вақти билан

⏰ ТОНГ -     03:38
⏰ ҚУЁШ -    05:13
⏰ ПЕШИН - 12:35
⏰ АСР -        17:36
⏰ ШОМ -      19:49
⏰ ХУФТОН -21:17

БОШҚА ШАҲАРЛАР НАМОЗ ВАҚТЛАРИ
(Тошкент шаҳридан тафовутлари)

@FITRATUZ

ЛАВҲУЛ МАҲФУЗ ВА ҚАЛАМ ҲАҚИДА
#ақида

❓1781-САВОЛ: Лавҳул маҳфуз ва қалам нима? Улар ҳақида тушунча берсангиз?

💬 ЖАВОБ: Бисмиллаҳир Роҳманир Роҳим. “Лавҳ” - Аллоҳ халойиқнинг тақдирларини ёздирган нарсадир. “Маҳфуз” сақланган маъносида бўлиб, у бошқаларнинг назари тушиши ва ўзгариш ёки бузилишлардан муҳофаза қилинган деганидир. “Қалам” мазкур лавҳга Аллоҳ таолонинг амри билан бандаларнинг қадарларини ёзган воситадир.
Мўмин-мусулмон одам лавҳ ва қаламга иймон келтирмоғи вожиб. Бу икки нарса ҳам ғайбиёт туркумига киради. Бу ҳақда Садриддин Ҳанафий роҳимаҳуллоҳ шундай зикр қилганлар:
"Лавҳ, қалам ва у билан лавҳга ёзилган нарсаларга иймон келтириш вожибдир.
Аллоҳ таоло шундай хитоб қилган:
“Балки У Қуръони Мажиддир. Лавҳул Маҳфуздадир” (Буруж сураси, 21–22-оятлар). Бошқа бир оятда шундай хитоб қилади:
“Нуун. Қалам билан ва сатрларга ёзадиган нарсалар билан қасам” (Қалам сураси, 1-оят).
Шунингдек, Расулуллоҳ соллаллоҳу алайҳи васаллам шундай деганлар: “Албатта, Аллоҳ лавҳул маҳфузни оқ дурдан яратгандир. Унинг саҳифалари қизил ёқутдандир. Унинг Қалами нурдир. Китоби нурдир. Унда ҳар куни Аллоҳ учун уч юз олтмиш лаҳза бор. Унинг кенглиги осмон билан ернинг орасича. Ҳар куни унга уч юз олтмиш марта назар солади. Халқ қилади (яратади), ризқ беради, ўлдиради, тирилтиради, азиз қилади, хор қилади. Хоҳлаган нарсасини қилади” (Имом Табароний “Мўъжамул кабир”да ривоят қилган).
Қалам ҳақида Пайғамбаримиз соллаллоҳу алайҳи васаллам шундай деганлар: “Албатта, Аллоҳ биринчи халқ қилган нарса қаламдир. Бас, унга: “Ёз!” деди. У: “Эй Роббим, нимани ёзай?” деди. У Зот таборака ва таоло: “Қиёматгача бўладиган ҳар бир нарсанинг тақдирини ёз”, деди.
(Имом Абу Довуд Убода ибн Сомит розияллоҳу анҳудан ривоят қилган. "Шарҳи ақийдатут-таҳовийя" китоби). Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar