Каналга аъзо бўлинг👇👇👇
🇺🇿 Xavfsizlik 🇺🇿

ДХХ: 4 минг дона “Трамадол” гиёҳвандлик воситаси ва қарийб 10 минг дона кучли таъсир қилувчи дори воситаларининг ноқонуний савдосига чек қўйилди

Давлат хавфсизлик хизматининг Фарғона вилояти бўйича бошқармаси ходимлари томонидан гиёҳвандлик воситаларининг ноқонуний айланмасига қарши тезкор тадбирлар ўтказилди.

Хусусан, Фарғона туманида яшовчи, 1993 й.т., муқаддам судланган шахс қирғизистонлик танишлари билан 4000 дона “Трамадол” гиёҳвандлик воситаси ҳамда 5306 дона “Регапен” ва 232 дона “Тропикамид” кучли таъсир қилувчи дори воситаларини сотиб олишга ва бунинг учун уларга олдиндан 1200 АҚШ доллари юбориб, қолган пулларни дори воситаларини сотиб бўлганидан кейин беришга келишади.

Ўз навбатида қирғизистонлик наркосавдогарлар унинг буюртмасини айланма йўллар орқали мамлакатимиз ҳудудига ўтказиб беришади.

Ажал оғусини сотиб, мўмай даромад топишни режа қилган ушбу фуқаро Риштон туманига бориб, 2800 дона “Трамадол” гиёҳвандлик воситасини ҳамда 560 дона “Регапен” ва 10 дона “Тропикамид” кучли таъсир қилувчи дори воситаларини Қўқон шаҳрида яшовчи, 1989 ва 1990 йилларда туғилган 2 харидорга 13 млн. сўм ҳамда 100 АҚШ долларига сотиб, “Қўқон - Фарғона” йўналишида ҳаракатланаётган вақтида ушланди. Ва ундан 600 дона “Трамадол”, 50 дона “Тропикамид”, 13 млн. сўм ҳамда 100 АҚШ доллари ашёвий далил сифатида расмийлаштириб олинди.

Шунингдек, ундан гиёҳвандлик воситаларини сотиб олган қўқонлик 2 харидор ҳам ушланиб, улардан ҳам ашёвий далиллар тегишли тартибда олиб қўйилди.

Бундан ташқари, наркосавдогарнинг кўрсатмаси асосида, унинг яшаш хонадонидан товарнинг қолган қисми, яъни 600 дона “Трамадол” гиёҳвандлик воситаси ҳамда 4746 дона “Регапен”, 172 дона “Тропикамид” кучли таъсир қилувчи дори воситалари процессуал тартибда расмийлаштириб олинди.

Ўтказилган тезкор тадбир давомида умумий баҳоси 1,5 млрд сўмни ташкил этувчи гиёҳвандлик воситалари мусодара қилинди.

Бошқа бир ҳолатда эса Риштон туманида яшовчи, 1987 й.т. аёлнинг яшаш хонадони кўздан кечирилганда, келгусида сотиш мақсадида Қирғиз Республикасидан келтирилган, умумий баҳоси 682 млн. сўмни ташкил этувчи 3343 дона “Регапен” ва 1058 дона “Тропикамид” кучли таъсир қилувчи дори воситалари борлиги аниқланиб, процессуал тартибда расмийлаштириб олинди.

Шунингдек, аёлнинг жиноий шериги бўлган Қўқон шаҳрида яшовчи, 1986 й.т. фуқаро ҳам ушланди.

Ҳозирда мазкур шахсларга нисбатан жиноят ишлари қўзғатилиб, тергов ҳаракатлари олиб борилмоқда.

Каналга аъзо бўлинг👇👇👇
🇺🇿 Xavfsizlik 🇺🇿

ДХХ: Қарийб 40 кг гиёҳвандлик воситасининг транзитига чек қўйилди

🟢 Батафсил

___

СГБ:Предотвращен транзит почти 40 кг наркотиков

🟢Подробно

Каналга аъзо бўлинг👇👇👇
🇺🇿 Xavfsizlik 🇺🇿

Футбол ва мини-футбол бўйича ДХХ кубоги бошланмоқда

Ўзбекистон Республикаси Давлат хавфсизлик хизмати ҳамда Ўзбекистон Республикаси Ёшлар сиёсати ва спорт вазирлиги соғлом турмуш тарзини тарғиб қилиш, ёшлар ўртасида футболни оммалаштириш, шунингдек, улар орасидан иқтидорлиларни аниқлаш ҳамда қўллаб-қуватлаш мақсадида футбол ва мини-футбол бўйича анъанавий Давлат хавфсизлик хизмати кубоги старт олганини эълон қилади.

Турнирнинг янгилиги бу йил мини-футбол бўйича қизлар ўртасида ҳам мусобақалар ўтказилади.

1 – босқич. Туман саралаш мусобақалари жорий йилнинг апрель-май ойларида;
2 – босқич. Қорақалпоғистон Республикаси, Тошкент шаҳри ва вилоятлар бўйича саралаш мусобақалари июнь-июль ойларида;
3 – босқич. Республика бўйича финал мусобақалари август ойида ўтказилади.
16 – 30 ёшгача бўлган футболга иштиёқманд ёшлар мусобақаларда иштирок этишлари мумкин.
Мусобақалар 10 апрелдан бошланади.

Ҳамкоримиз – Ўзбекистон Футбол Ассоциацияси.

Каналга аъзо бўлинг👇👇👇
🇺🇿 Xavfsizlik 🇺🇿

АҚШ ва Канадага юбориш билан боғлиқ ноқонуний ҳолатлар аниқланди

Давлат хавфсизлик хизматининг Сирдарё вилояти бўйича бошқармаси ходимлари томонидан Иқтисодий жиноятларга қарши курашиш департаментининг ҳудудий бошқармаси билан ҳамкорликда Гулистон шаҳрида ўтказилган тезкор тадбирда Самарқанд шаҳрида яшовчи, 1990 й.т., муқаддам фирибгарлик жинояти учун судланган шахс ўзининг танишлари ёрдамида, Гулистон шаҳрида истиқомат қилувчи, 1998 й.т. фуқарони Қўшма Штатларга юбориш эвазига 35 минг АҚШ доллари талаб қилиб, олдиндан 10 минг АҚШ доллари олган вақтида ушланди.

Самарқанд шаҳрида яшовчи, 1996 й.т., муқаддам судланган шахс ҳамшаҳари бўлган 1978 й.т. аёлнинг ишончига кириб, 50 минг АҚШ доллари эвазига у ва унинг 2013 й.т. қизини “Ўзбекистон – Европа Иттифоқи – Мексика – АҚШ” йўналиши орқали Қўшма Штатларга юборишни ваъда қилиб, зарур бўладиган ҳужжатларни расмийлаштириш учун олдиндан 10 минг АҚШ доллари олган вақтида ДХХ ва ички ишлар органлари ходимлари томонидан ушланди.

Бошқа бир ҳолатда эса Самарқанд шаҳрида яшовчи, 1974 й.т., муқаддам судланган аёл Булунғур туманида истиқомат қилувчи, 1984 й.т. фуқаро ва унинг 1986 й.т. қариндошини 24 минг АҚШ доллари эвазига танишлари ёрдамида Канада давлатига ишга юборишни ваъда қилиб, олдиндан 4 минг АҚШ доллари олган вақтида ушланди.

Ҳозирда барча ҳолатлар юзасидан жиноят ишлари қўзғатилиб, тергов ҳаракатлари олиб борилмоқда.

Каналга аъзо бўлинг👇👇👇
🇺🇿 Xavfsizlik 🇺🇿

Самарқанд ва Наманган вилоятларида фирибгарлик билан боғлиқ ҳолатлар аниқланди

Давлат хавфсизлик хизматининг Самарқанд вилояти бўйича бошқармаси ходимлари томонидан Иқтисодий жиноятларга қарши курашиш департаментининг ҳудудий бошқармаси билан ҳамкорликда ўтказилган тезкор тадбирда вилоят Давлат солиқ бошқармаси солиқ назорати бўлими бош инспектори Пастдарғом туманида фаолият юритувчи масъулияти чекланган жамиятда ўтказилган текширувда аниқланган 2,5 млрд сўмлик солиқ қарздорлигини ушбу текширувни ўтказган ҳамкасби орқали 1 млрд сўмга тушириб бериш эвазига 15 минг АҚШ доллари олган вақтида ашёвий далиллар билан ушланди.

Бошқа бир ҳолатда эса Наманган шаҳрида фаолият юритувчи адвокатлик фирмаси адвокати маҳаллий фуқаронинг маъмурий судда кўрилаётган мулкий низо билан боғлиқ масаласини суд идораларида ишловчи танишлари орқали унинг фойдасига ҳал қилиб бериш эвазига 10 минг АҚШ доллари, шунингдек, кўрилаётган иш доирасида экспертиза хулосасини расмийлаштириб бериш эвазига 2 минг АҚШ доллари, жами 12 минг АҚШ доллари талаб қилиб, олдиндан 7 минг АҚШ доллари олган вақтида Давлат хавфсизлик хизматининг Наманган вилояти бўйича бошқармаси, вилоят прокуратураси ва Иқтисодий жиноятларга қарши курашиш департаменти ходимлари томонидан ушланди.

Ҳозирда мазкур шахсларга нисбатан Жиноят Кодексининг 168 (фирибгарлик) ва 28,211 (пора бериш) -моддалари билан жиноят ишлари қўзғатилиб, қамоққа олиш тарзидаги эҳтиёт чораси қўлланилди.

Каналга аъзо бўлинг👇👇👇
🇺🇿 Xavfsizlik 🇺🇿

ДХХ: Қашқадарёда 2 нафар ҳоким ёрдамчисига нисбатан жиноят иши қўзғатилди

🟢 Батафсил

Каналга аъзо бўлинг👇👇👇
🇺🇿 Xavfsizlik 🇺🇿

ДХХ: Коррупцион ҳолатларга чек қўйилди

🟢 Батафсил

Каналга аъзо бўлинг👇👇👇
🇺🇿 Xavfsizlik 🇺🇿

Ўзбекистонда референдум куни яқинлашмоқда! Шу кунларда биз мамлакатимиз тарихидаги муҳим даврни босиб ўтмоқдамиз. Ватанимиз бой маданий меросга эга, тарихда биз кўп асрлар давомида турли ҳил синовларга дуч келганмиз ва уларни енгиб ўтиб, ҳамиша олға интилиб борганмиз. Овозимизнинг муҳимлигини ва Ўзбекистон келажагини биргаликда яратишимизни англаб, шу кунни биргаликда нишонлайлик!

Каналга аъзо бўлинг👇👇👇
🇺🇿 Xavfsizlik 🇺🇿

Наркотик моддаларнинг ноқонуний айланмасига чек қўйилди

Каналга аъзо бўлинг👇👇👇
🇺🇿 Xavfsizlik 🇺🇿

Наркотик моддаларнинг ноқонуний айланмасига чек қўйилди

Гиёҳвандлик воситалари савдосига қарши курашиш борасида Давлат хавфсизлик хизмати ходимлари томонидан Божхона қўмитаси ва Ички ишлар органлари билан ҳамкорликда бир нечта тезкор тадбир ўтказилди.

Хусусан, 1969 йилда Бухоро вилоятида туғилган, муқаддам гиёҳвандлик воситалари билан боғлиқ жинояти учун судланган шахс Сурхондарё вилоятининг Денов шаҳрида истиқомат қилувчи, 2001 й.т. таниши озиқ-овқат маҳсулотлари солинган картон қути ичига яширган ҳолда, “Денов-Тошкент” йўналишида қатновчи машина орқали бериб юборган 300 гр. “опий” моддасини Чилонзор туманида қабул қилиб олган вақтида ушланди.
Шунингдек, тезкор тадбир давом эттирилиб, Денов шаҳрида яшовчи фуқаро ҳам ушланиб, унинг уйидан 500 гр. “опий” моддаси процессуал тартибда расмийлаштириб олинди.

Тошкент вилоятининг Бекобод шаҳрида жойлашган “Фарҳод” чегара-божхона постида ўтказилган тезкор тадбирда эса Тожикистон Республикасининг Душанбе шаҳрида яшовчи, 1982 й.т. аёл 1 кг 210 гр. ва унинг 2004 й.т. қизи 744 гр. “гашиш” моддасини ўз эгнидаги кийимлари остига яшириб, божхона назоратидан ўтказишга уринганларида қўлга олинди.

Тошкент шаҳрининг Олмазор туманида қайд этилган ҳолатда 1993 й.т., муқаддам гиёҳвандлик воситалари билан боғлиқ жинояти учун судланган шахснинг ёнида 5 гр., яшаш хонадонида эса 649 гр. “гашиш” моддаси борлиги аниқланиб, ашёвий далил сифатида расмийлаштириб олинди.

Яна бир ҳолатда Тошкент шаҳрида яшовчи, 1986, 1987 ва 1990 йилларда туғилган 3 нафар фуқаро кетаётган “Ласетти” русумли автотранспорт воситаси Бектемир тумани ҳудудида тўхтатилиб, кўздан кечирилди.
Натижада, автомашина салони ва юкхонасида 698 дона “Тропикамид” ва 115 дона “Регапен” кучли таъсир қилувчи дори воситалари ҳамда 7 гр. “Мефедрон” синтетик наркотик моддаси борлиги аниқланиб, процессуал тартибда расмийлаштириб олинди.
Шунингдек, тезкор тадбир давом эттирилиб, автомашина эгасининг яшаш хонадонидан 497 дона “Регапен” дори воситаси ашёвий далил сифатида олинди.

Ҳозирда барча ҳолатлар юзасидан мазкур шахсларга нисбатан Жиноят Кодексининг тегишли моддалари билан жиноят ишлари қўзғатилиб, тергов ҳаракатлари олиб борилмоқда.

Каналга аъзо бўлинг👇👇👇
🇺🇿 Xavfsizlik 🇺🇿

Каналга аъзо бўлинг👇👇👇
🇺🇿 Xavfsizlik 🇺🇿

Давлат чегарасидан ўтувчи ноқонуний ер ости йўли қазиган фуқароларга суд ҳукми ўқилди

2022 йилнинг 23 июнь куни Давлат хавфсизлик хизмати ва ички ишлар органлари ходимлари ҳамкорлигида ўтказилган тезкор-қидирув тадбирлари натижасида “ўзбек-қирғиз” давлат чегарасидан ўтувчи яширин ер ости йўли фош этилди.

Дастлаб, маҳаллий фуқаро бошқарувидаги автомашина тўхтатилиб, кўздан кечирилганда, унда тегишли ҳужжатлари бўлмаган, умумий баҳоси 7 млрд 603 млн 650 минг сўмни ташкил қилувчи, 38 турдаги 2707 дона мобил телефон аппаратлари борлиги аниқланди.

Сўнгра у вақтинча яшаб келаётган Риштон туманидаги хонадонда Қирғиз Республикаси ҳудудига олиб ўтувчи 10 метр пастликда, баландлиги 2 метр, кенглиги 1,2 метр, узунлиги 128 метр бўлган, тушиб-чиқиш учун лифт билан жиҳозланган ер ости йўли борлиги аниқланди.

Маълум бўлишича, Данғара туманида яшовчи, 1991 й.т. ушбу шахс “ўзбек-қирғиз” давлат чегараолди ҳудудида жойлашган ҳовли уйлардан сотиб олиб, уларнинг кўча томон қисмларини баланд деворлар билан тўсган ва жиноий ҳаракатларини маскировка қилиш мақсадида ҳар иккала уйда, яъни Қирғиз Республикаси ҳудудидан сотиб олган хонадонда пенаблок ишлаб чиқаришни йўлга қўйган, Ўзбекистон Республикаси ҳудудидан сотиб олган уйда эса чорвачилик ташкил этган.

Сўнгра Данғара туманида истиқомат қилувчи, 1984-1993 йиллар оралиғида туғилган 5 нафар фуқарони ер ости йўли қазишга ёллаган.

Ер ости йўли қуриб битказилганидан кейин, у орқали Қирғиз Республикасидан ноқонуний тадбиркорларнинг товар-моддий бойликларини, хусусан, мобиль телефон аппаратлар, матолар, тиббиёт буюмлари ва дори воситаларини мамлакатимизга, Ўзбекистондан эса кўп миқдордаги хорижий валюта қимматликларини қўшни давлатга ўтказиш билан шуғулланган.

Аниқланган ушбу ҳолат юзасидан Давлат хавфсизлик хизматининг Фарғона вилояти бўйича бошқармаси томонидан жиноят иши қўзғатилиб, тергов ҳаракатлари олиб борилди.

Фарғона вилоят судининг жиноят ишлари бўйича судлов ҳайъатининг ҳукми билан мазкур шахслар Жиноят Кодексининг 182 ва 223-моддалари билан айбдор деб топилиб, уларнинг 3 нафарига 6 йилдан 7 йилгача бўлган муддатларга озодликдан маҳрум этиш жазоси, қолган 3 нафарига эса ахлоқ тузатиш ишлари жазоси тайинланди.

Шунингдек, жиноят иши доирасида ашёвий далил сифатида олинган 7 млрд 603 млн 650 минг сўмга баҳоланган 2707 дона мобил телефон аппаратлари давлат эгалигига ўтказилиши белгиланди.

Бундан ташқари, Риштон тумани Қози Аҳрор МФЙ, А.Темур 3-тор кўчасида жойлашган умумий ер майдони 1524 м2 бўлган уй давлат эгалигига ўтказилиши ва ушбу уйдаги ер ости йўли тегишли тартибда кўмиб ташланиши белгиланди.

Каналга аъзо бўлинг👇👇👇
🇺🇿 Xavfsizlik 🇺🇿

Ноқонуний ер сотиш ҳолатлари аниқланди

Давлат хавфсизлик хизмати ва Иқтисодий жиноятларга қарши курашиш департаменти ходимлари ҳамкорлигида Қашқадарё, Самарқанд ва Сирдарё вилоятларида ўтказилган тезкор тадбирлар натижасида ер майдонларининг ноқонуний сотилиши билан боғлиқ ҳолатларга чек қўйилди.

Жумладан Қарши шаҳрида ўтказилган тезкор тадбирда Нишон туманида яшовчи, 1953 й.т. фуқаро ўзининг ўғлининг номида бўлган хусусий корхонанинг 30 сотих ер майдонини харидорга 100 минг АҚШ долларига сотишга келишиб, олдиндан 30 минг АҚШ доллари олган вақтида ушланди.

Самарқанд вилоятида кузатилган ҳолатда эса Самарқанд туманида яшовчи, 1958 й.т. фуқаро ўзининг ўғлига тегишли фермер хўжалигига 2010 йил маҳаллий ҳокимлик томонидан ажратиб берилган ер майдонидан 15 гектарини харидорга 15 минг АҚШ долларига сотаётган вақтида ашёвий далиллар билан ушланди.

Бошқа бир ҳолатда эса Гулистон шаҳрида яшовчи, 1992 й.т., муқаддам судланган шахс ўзга бир фуқаронинг номида бўлган ва деҳқон хўжалиги учун ажратилган 10 сотих суғориладиган ер майдонини, гўёки ўзига тегишли эканлигини айтиб, унинг 5 сотихини кадастр тизимидаги танишлари ёрдамида харидор номига расмийлаштириб бериш эвазига 7400 АҚШ доллари олган вақтида ушланди.

Ҳозирда мазкур шахсларга нисбатан Жиноят Кодексининг тегишли моддалари билан жиноят ишлари қўзғатилиб, тергов ҳаракатлари олиб борилмоқда.

Каналга аъзо бўлинг👇👇👇
🇺🇿 Xavfsizlik 🇺🇿

ДХХ: Экстремистик оқим ғоялари тарғиботчисига нисбатан жиноят иши қўзғатилди

Бухоро вилоятининг Ғиждувон туманида яшовчи, 1989 й.т. Б.Ж. 2015-2021 йилларда Москва шаҳридаги олий таълим муассасасида ўқиши даврида ижтимоий тармоқлар орқали «Салафийлар» ДЭО таъсирига тушиб, «Телеграм» мессенжерида 2 та гуруҳ очган ва ушбу диний экстремистик оқим ғояларини тарғиб қилиш билан шуғулланган.
Шунингдек, Ўзбекистонга қайтиб келганидан кейин ҳам у ўзининг ноқонуний ҳаракатларини давом эттириб келган.

Давлат хавфсизлик хизмати ходимлари томонидан олиб борилган тезкор-қидирув тадбирлари натижасида ушбу шахснинг ноқонуний фаолиятига чек қўйилди.

Дин ишлари бўйича қўмита хулосасига кўра, унинг мобиль телефон аппарати хотирасида ақидапарастлик ғоялари билан йўғрилган материаллар мавжуд бўлиб, улар Ўзбекистон Республикаси ҳудудига олиб кириш, тайёрлаш ва тарқатиш тақиқланган материаллар сирасига киради.

Ҳозирда Б.Ж.га нисбатан тергов ҳаракатлари олиб борилмоқда.

Каналга аъзо бўлинг👇👇👇
🇺🇿 Xavfsizlik 🇺🇿

Каналга аъзо бўлинг👇👇👇
🇺🇿 Xavfsizlik 🇺🇿

Ер майдонларининг ноқонуний сотилиши билан боғлиқ ҳолатларга чек қўйилди

Наманган вилоятидаги туманлардан бирининг фермерлар кенгаши раиси тадбиркорлик билан шуғулланмоқчи бўлган фуқаронинг ишончига кириб, тумандаги машина трактор паркининг 30 сотих ер майдонини маҳаллий ҳокимлик тизимида ишловчи мансабдор таниши орқали унинг номига расмийлаштириб бериш эвазига 50 минг АҚШ доллари талаб қилади.
Давлат хавфсизлик хизмати ходимлари томонидан ўтказилган тезкор тадбирда мазкур мансабдор шахс сўралган пулни олган вақтида ашёвий далиллар билан ушланди.
Таъкидлаш лозимки, у муқаддам Жиноят Кодексиниг 214-моддаси билан судланган бўлсада, ўз хатосидан тўғри хулоса чиқармаган.

Бошқа бир ҳолатда эса Жиззах вилоятидаги туманлардан бирининг архитектура ва қурилиш бўлими бошлиғи танлов савдоларини ўтказиш бўйича вилоят комиссияси баённомасига асосан танлов ғолиби деб топилган хусусий корхонага савдо дўкони қуриши учун ажратилган 56 кв.м ер майдонида тегишли ишларни амалга оширишда зарур бўладиган ҳужжатларни тайёрлашда ёрдам бериш эвазига корхона раҳбаридан 3 минг АҚШ доллари талаб қилади.
Давлат хавфсизлик хизматининг Жиззах вилояти бўйича бошқармаси ходимлари томонидан Иқтисодий жиноятларга қарши курашиш департаментининг ҳудудий бошқармаси билан биргаликда ўтказилган тезкор тадбирда, у сўралган пулдан 2 минг АҚШ долларини олган вақтида ушланди.

Тошкент вилоятида кузатилган ҳолатда Ўртачирчиқ туманидаги фермер хўжалик раҳбари мазкур хўжаликнинг 80 сотих суғориладиган ер майдонини ҳокимият ва кадастр тизимидаги танишлари орқали харидор номига расмийлаштириб бериш эвазига 320 минг АҚШ доллари талаб қилиб, олдиндан 20 минг АҚШ доллари олган вақтида Давлат хавфсизлик хизмати ва Бош прокуратура ҳузуридаги Департаментнинг ҳудудий бошқармалари ходимлари томонидан ушланди.

Сурхондарё вилоятининг Жарқўрғон туманида яшовчи, 1971 й.т. фуқаро ҳам ўзганинг ишончига кириб, “Амузанг” ирригация тизимлари бошқармаси балансида бўлган 70 сотих ер майдонини мансабдор танишлари орқали унинг номига расмийлаштириб бериш эвазига 100 млн. сўм талаб қилиб, 6 минг АҚШ доллари ва 32 млн. сўм олган вақтида Давлат хавфсизлик хизмати ҳамда ички ишлар органлари ходимлари томонидан ушланди.

Ҳозирда барча ҳолатлар юзасидан мазкур шахсларга нисбатан Жиноят Кодексининг тегишли моддалари билан жиноят ишлари қўзғатилиб, тергов ҳаракатлари олиб борилмоқда.

Каналга аъзо бўлинг👇👇👇
🇺🇿 Xavfsizlik 🇺🇿

Каналга аъзо бўлинг👇👇👇
🇺🇿 Xavfsizlik 🇺🇿

Жойларда ноқонуний ҳолатларга чек қўйилди

Жиззах шаҳрида яшовчи якка тартибдаги тадбиркор чорвачилик билан шуғулланиш мақсадида 2020 йилда банкдан 200 млн. сўм миқдорида имтиёзли кредит олган ва ушбу маблағ ҳисобидан қорамол сотиб олиб, оилавий тадбиркорликни йўлга қўйган.
Бироқ, жорий йилнинг февраль ойида кредит берган банк тадбиркор томонидан кредит маблағи мақсадсиз сарфланган деган хулоса билан вилоят прокуратурасига чора кўриш учун мурожаат қилган.
Ўз навбатида, ўрганиб чиқиш ва қонуний қарор қабул қилиш учун мазкур мурожаат Жиззах шаҳар прокуратурасига юборилиб, унинг назорати вилоят прокуратураси бўлим прокурорига юклатилган.
Мурожаатни ўрганиб чиққан Жиззах шаҳар прокуратураси томонидан жиноят иши қўзғатиш рад этилган.
Лекин, вилоят прокуратурасининг бўлим прокурори эса гўёки унинг ўзи тадбиркорга нисбатан жиноят иши қўзғатишни рад этганлигини иддао қилиб, “хизмати” эвазига ундан 1300 АҚШ доллари олган вақтида Давлат хавфсизлик хизмати ходимлари томонидан ашёвий далиллар билан ушланди.
Ҳозирда мазкур шахсга нисбатан Жиноят Кодексининг 25,168-моддаси ва 28,211-моддаси билан жиноят иши қўзғатилиб, қамоққа олиш тарзидаги эҳтиёт чораси қўлланилган.

Жиззах вилоятидаги туман ҳокимликларидан бирининг юрисконсульти хизмат мавқеидан фойдаланган ҳолда, ўз ваколатига кирмаслигини била туриб, чорвачилик ва балиқчиликка ихтисослашган фермер хўжаликнинг бошқаруви бўйича юзага келган муаммони танишлари орқали мазкур хўжаликнинг қонуний раҳбари фойдасига ҳал қилиб бериш эвазига 5 минг АҚШ доллари талаб қилиб, олдиндан 3 минг АҚШ доллари олган вақтида Давлат хавфсизлик хизмати ходимлари томонидан ушланди.
Таъкидлаш лозимки, у муқаддам Жиноят Кодексининг 210-моддаси билан судланиб, жиноий жавобгарликка тортилган бўлсада, ўз хатосидан тўғри хулоса чиқармаган.
Ҳозирда мазкур шахсга нисбатан Жиноят Кодексининг 25,168-моддаси ва 28,211-моддаси билан жиноят иши қўзғатилган.

Энергетика вазирлиги ҳузуридаги Нефть маҳсулотлари ва газдан фойдаланишни назорат қилиш инспекциясининг Андижон вилояти ҳудудий бўлими мансабдор ходими Асака туманида фаолият юритувчи МЧЖга нефт маҳсулотларини улгуржи сотиш билан шуғулланиши учун лицензия олишда зарур бўладиган хулоса тайёрлаб бериш эвазига 3 минг АҚШ доллари ва лицензия олиб бериш учун “Ўзнефтгазинспекция”да ишловчи танишига 10 минг АҚШ доллари бериши кераклигини айтиб, МЧЖ таъсисчисидан 13 минг АҚШ доллари талаб қилади.
Давлат хавфсизлик хизмати ва вилоят прокуратураси ходимлари томонидан ўтказилган тезкор тадбирда мазкур мансабдор шахс сўралган пул маблағини ўзининг бўйсинувида бўлган ходим орқали олган вақтда, уларнинг ноқонуний ҳаракатларига чек қўйилди.
Ҳозирда ҳолат юзасидан ушбу шахсларга нисбатан Жиноят Кодексининг 210-моддаси билан жиноят иши қўзғатилиб, қамоққа олиш тарзидаги эҳтиёт чораси қўлланилган.

Каналга аъзо бўлинг👇👇👇
🇺🇿 Xavfsizlik 🇺🇿

Махсус бўлинмалар хизмат итлари билан ўтказилган ўқув машғулоти.

Каналга аъзо бўлинг👇👇👇
🇺🇿 Xavfsizlik 🇺🇿

Олий таълим муассасаларига ўқишга киритиш билан боғлиқ ноқонуний ҳолатларга чек қўйилди

Давлат хавфсизлик хизматининг Наманган вилояти бўйича бошқармаси ва вилоят ИИБ ходимлари ҳамкорлигида ўтказилган тезкор тадбирда Наманган давлат университети ўқитувчиси ўзганинг ишончига кириб, танишлари орқали унинг қариндошини Қирғиз Республикасидаги олий ўқув юртига ўқишга киритиб, сўнгра Ўзбекистондаги олий таълим муассасасига кўчириб бериш эвазига 4 минг АҚШ доллари олган вақтида ашёвий далиллар билан ушланди.

Самарқанд вилояти Пастдарғом туманидаги умумтаълим мактабининг инглиз тили ўқитувчиси танишлари ёрдамида Тайлоқ туманида яшовчи фуқарони хорижий олий таълим муассасаси талабаси эканлиги тўғрисида сохта ҳужжат тайёрлаб, Самарқанд давлат тиббиёт университетининг 2-босқичига ўқишга киритиб қўйиш эвазига 6000 АҚШ доллари ҳамда унинг қариндошига инглиз тили бўйича миллий сертификат олиб бериш учун 1200 АҚШ доллари, жами 7200 АҚШ доллари олган вақтида ДХХ Самарқанд вилояти бўйича бошқармаси ва ИЖҚК Департаментининг ҳудудий бошқармаси ходимлари томонидан ушланди.

Гулистон шаҳрида яшовчи, 1997 й.т. шахс Янгиер шаҳрида истиқомат қилувчи фуқарони Гулистон давлат университетининг сиртқи бўлимига ўқишга киритиб қўйиш эвазига 6 минг АҚШ доллари талаб қилиб, олдиндан 5100 АҚШ доллари олган вақтида Давлат хавфсизлик хизмати ва Бош прокуратура ҳузуридаги Департамент ходимлари томонидан ушланди.
Тезкор суриштирув ҳаракатлари давомида, у мазкур пул маблағининг 4600 АҚШ долларини вилоят Педагогларни янги методикаларга ўргатиш миллий маркази ўқитувчисига бериши кераклиги маълум бўлиб, ушбу шахс ҳам 200 АҚШ доллари олган вақтида ушланди.

Ҳозирда барча ҳолатлар юзасидан мазкур фуқароларга нисбатан Жиноят Кодексининг 168 ва 28,211-моддалари билан жиноят ишлари қўзғатилиб, тергов ҳаракатлари олиб борилмоқда.

Каналга аъзо бўлинг👇👇👇
🇺🇿 Xavfsizlik 🇺🇿