#тарғибот

⚡️Гиёҳвандлик – ХХI асрнинг глобал муаммоларидан бирига айланиб улгурди. Ўрта асрларда инсоният ҳаётига жиддий хавф солган вабо ва ўлат каби офатлар бугунги цивилизация замонига келиб, ўз ўрнини гиёҳвандлик иллатига бўшатиб берди, десак асло муболаға бўлмайди. 

📌Бугун шаҳар мактабгача ва мактаб таълими бўлими тасарруфидаги 19-сонли ихтисослаштирилган Давлат умумтаълим мактабида “Гиёҳвандликка қарши кураш” ойлиги доирасида маънавий-маърифий тадбир ўтказилди.

🔖 Тадбирда Олий Мажлис Қонунчилик палатаси депутати, Соғлиқни сақлаш қўмитаси аъзоси Қизилгул Қосимова, шаҳар ҳокими ўринбосари Соҳиб Ахмедов, шаҳар Тиббиёт бирлашмаси нарколог врачи Ш.Хасанов шунингдек, мактаб директорлари, маънавий-маърифий ишлар бўйича ўринбосарлар, психологлар, кутубхона ходимлари, мактаб ҳамширалари иштирок этдилар.

📔 Маърузага чиққанлар мамлакатимизда ёшлар таълим-тарбиясига берилаётган эътибор, ҳукуматимиз томонидан кўрсатилаётган ғамхўрликлар тўғрисида сўзлар экан, бу ишлардан пировард мақсад, ёшларимизнинг турли ақидапарастлар тўрига илиниб қолмаслиги, улар ўртасида “Аср вабоси” ҳисобланган гиёҳвандлик ва оғуфурушликка берилишларнинг олдини олиш ҳамда фарзандларимиз қалбини турли мафкуравий таҳдидлардан ҳимоя қилиш эканлигини таъкидлаб ўтди.

📘Ўз навбатида маърузачилар таҳлилий маълумотлар ва фактлар асосида гиёҳвандлик, тамаки ва алкогол моддаларининг гирдобига тушган ёшларнинг организмидаги салбий ўзгаришлар уларнинг умумий соғлигига, жумладан наслга, мия ва юрак қон-томир фаолиятига, руҳиятига, шу билан бирга онгги ва тафаккурига ҳам жуда катта салбий таъсир ўтказиши ҳақида кўргазмали тарғибот материалларидан фойдаланган ҳолда тушунтириб ўтдилар. 

Kаналга уланиш ⤵️
@Olmaliq_shahri

🌍Web-site |✅ Telegram | ✅Faсebook | ✅You tube