Президент Шавкат Мирзиёев:

“Барча фуқароларимиз каби мен ҳам бу муҳим жараёнларни диққат билан кузатиб боряпман. Аҳолимиз, жамоатчилигимиз вакилларининг конституциявий ислоҳотларга бефарқ бўлмасдан, ўз таклиф ва мулоҳазалари билан фаол қатнашаётгани барчамизни қувонтиради.

Албатта, конституциявий ислоҳотларимиз Ватанимиз тақдири ва келажаги учун ғоят муҳим аҳамиятга эга бўлган масаладир.

Шу боис, бугун сиз, ҳурматли комиссия аъзолари билан бевосита учрашиб, фикр алмашишни зарур, деб ҳисобладим.

Биз Конституцияни такомиллаштириш бўйича янги ва жуда масъулиятли босқичга қадам қўймоқдамиз.

Бугунги кун ҳолатига кўра, Комиссияга фуқароларимиздан 48 минг 492 та таклиф келиб тушгани ҳам конституциявий ислоҳотлар объектив ҳаётий зарурат сифатида кун тартибига чиқаётганини яққол намоён этмоқда.

Конституциявий комиссия томонидан тайёрланган таклифлар чуқур муҳокамадан ўтказилди ва ҳозирда Қонунчилик палатасига киритиш босқичида. Энди қонун, регламент асосида муҳокамалардан ўтказилади".

Президент Шавкат Мирзиёев:

“Нима учун айнан бугун конституциявий ислоҳотлар ўтказиш зарурати туғилмоқда?

Айрим юртдошларимиз, ҳатто баъзи олимларимиз ҳам Конституциямиз замонавий демократик талабларга жавоб беради-ку, унга ўзгартириш киритишга эҳтиёж борми, деган саволни ўртага қўймоқда.

Тўғри, Конституциямиз хорижий илғор тажриба ҳамда халқаро стандарт ва талабларга ҳар томонлама мос келади. Бунга ҳеч қандай шубҳа йўқ.

Мен амалдаги Асосий қонунимизни қабул қилишда иштирок этган комиссия аъзоси сифатида олдин ҳам айтганман: Ўзбекистон Конституцияси мустақиллик йилларида эришган барча ютуқларимизнинг мустаҳкам ҳуқуқий пойдевори бўлиб келмоқда.

Буни ҳаммамиз яхши биламиз ва юксак қадрлаймиз. Шу билан бирга, бугун шиддатли тараққиётнинг ўзи олдимизга қўяётган муҳим бир талабни чуқур тушуниб олишимиз зарур.

Ҳозирги таҳликали замон, ён-атрофимиздаги мураккаб вазият она Ватанимиз тақдирига янада улкан масъулият билан ёндашиб, кечиктириб бўлмайдиган стратегик қарорлар қабул қилишни тақозо этмоқда".

Президент Шавкат Мирзиёев:

“Албатта, ўтган қисқа даврда жамиятимизнинг сиёсий-ҳуқуқий, ижтимоий-иқтисодий, маданий-маърифий қиёфаси тубдан ўзгарди.

Олти йил олдинги халқимиз билан бугунги юртдошларимизнинг дунёқараши ўртасида катта фарқ бор.

Инсоният илмий-технологик даврга қадам қўйди. Жаҳонда кескин трансформация жараёнлари ва рақобат кучаймоқда.

Эртанги кунини ўйлаган халқлар ва давлатлар ўз келажаги ҳақида бугун ҳар қачонгидан ҳам жиддий бош қотирмоқда.

Бу ўринда табиий саволлар туғилади. Мана шундай ҳал қилувчи паллада ва келажакда давлатимизда, жамиятимизда инсоннинг ўрни ва қадри қандай?

Қандай сиёсий-ҳуқуқий, иқтисодий-ижтимоий ва маънавий-гуманитар тамойиллар, қадрият ва манфаатлар биз учун устувор аҳамиятга эга бўлади?

Энг муҳими, конституциявий ислоҳотлар оддий аҳолига, халқимиз фаровонлигини таъминлаш, жамиятимиз ва давлатимиз тараққиётига нима беради?”

Президентимиз мавзуни давом эттирди:

“Бу саволларнинг барчасига жавобни пухта ишланган ҳуқуқий нормалар орқали Конституциямизда акс эттириш – давр тақозосидир.

Маълумки, Асосий қонунимизнинг 12-моддасида ҳеч қайси мафкура давлат мафкураси сифатида ўрнатилиши мумкин эмаслиги қайд этилган.

Бу – ўта муҳим ва жуда тўғри белгиланган конституциявий қоидадир.

Чинакам халқ мафкурасини, миллатнинг энг муқаддас орзу-интилишларини фақат унинг Бош ҳужжати – Конституциясида тўлиқ ифода этиш мумкин.

Янгиланган Конституция мамлакатимизнинг узоқ муддатли тараққиёт стратегиялари, умуман юртимиз ва халқимизнинг эртанги фаровон ҳаёти учун мустаҳкам ҳуқуқий асос ҳамда ишончли кафолат яратиши лозим.

“Инсон қадри учун” ғоясини ҳамда ҳозирги ислоҳотларимизнинг бош тамойили бўлган “Инсон – жамият – давлат” деган ёндашувни Конституциямизнинг мазмунига чуқур сингдириб, амалий ҳаётимизда бош қадриятга айлантиришимиз зарур.

Яъни, инсоннинг қадр-қиммати, шаъни ва ғурури бундан буён барча соҳаларда биринчи ўринда туриши керак".

#Электр

Қўрғонтепа тумани электр тармоқлари корхонасининг маълум қилишича, бугун тармоқ фидерларидан бирида носозлик рўй берган.

Шу сабабли, “Маъмуробод”, “Учқун”, “Деҳқончек”, “Тўрачек”, “Дўстлик” ва “Озод” маҳаллаларида тонгги соатлардан буён электр энергияси вақтинчалик узилиб қолган.

Ҳозирда туман ЭТК раҳбари бошчилигида бир гуруҳ ходимлар носозликни бартараф этиш ҳаракатларини олиб бормоқдалар. Бугун соат 17:00 гача таъминоти қайта тикланиш режалаштирилган.

Каналга уланиш учун:
@wwwkurgantepauz

Айни дақиқаларда Ўзбекистон Республикаси оила ва хотин қизлар Давлат қўмитаси раиси ўринбосарлари Қўрғонтепа тумани ҳокимлиги биносига ташриф буюрди.

#Live

Айни дақиқаларда Андижон вилояти ҳокими Қўрғонтепа туманига келди. “Янги ҳаёт” маҳалласида олиб борилаётган йўл, кўп қаватли уй-жойлар қурилиши ва янги лойиҳалар кўздан кечирилмоқда.

Каналга уланиш учун:
@wwwkurgantepauz

#Live

Ўзбекистон Республикаси Оила ва хотин-қизлар Давлат қўмитаси раиси ўринбосарлари туманимизда қурилган йиғма уй-жойлар билан танишмоқдалар.

Каналга уланиш учун:
@wwwkurgantepauz

#Live

Айни дақиқаларда Қўрғонтепадаги зиёратчиларини "Ҳаж" сафарига кузатиш тадбири бўлиб ўтмоқда.

Батафсил ахборотлар кейинги хабарларда.

Каналга уланиш учун:
@wwwkurgantepauz

#Live

Айни дақиқаларда Қўрғонтепадаги зиёратчиларини "Ҳаж" сафарига кузатиш тадбири бўлиб ўтмоқда.

Батафсил ахборотлар кейинги хабарларда.

Каналга уланиш учун:
@wwwkurgantepauz

“Кун.уз” нашрида “Ҳожиларни ҳоким танлайдими?” сарлавҳаси остида мақола ҳавола этилди. Унда Қўрғонтепа туманидаги мавжуд ҳолат ҳақида тасвирланган.

Қорасув шаҳри “Бирлик” маҳалласида истиқомат қилувчи Анора Раҳимова ҳақиқатдан ҳам 2014-йилнинг 5-май куни маҳалладаги “Ҳаж” зиёратига бориш истагини билдирганлар дафтарига 130-рақам билан рўйҳатга олинган. Аммо, бу йилги навбат маҳалла рўйҳати бўйича 21-рақамга етиб келган.

Асосий маълумот.

Бу йил, яъни 2022-йилнинг июнь ойида сафарга кетувчилар рўйҳатини шакллантириш мобайнида, ҳорижга чиқиш паспорти, хасталик, вакцинация ва бошқа ҳужжатлар етишмаслиги юзасидан 20 та ўринлар бўш қолиши ҳолати келиб чиққан.

Шу муносабат билан, Ташкилий гуруҳ масъуллари бўш қолаётган ўринлар учун тўлиқ тайёр бўлиш имконига эга фуқароларни навбатларга таяниб, сафарга жалб этиш бўйича маҳалла идораларига маълум қилган.

Шу орқали, бир қанча фуқаролар бу йилги сафар учун ҳозир эканликларини билдиришган ва уларнинг барча ҳужжатлари, шунингдек, ҳомийлик ҳаракатлари инобатга олиниб, тегишли тартибда расмийлаштириш ишлари бошланган. 20 нафар фуқародан икки нафари бу йил февраль ойида рўйҳатдан ўтган фуқаролар бўлган.

6-7-июнь куни расмийлаштириш ишлари батамом якунланган. Анора Раҳимова 8-июнь куни кечки соатларда ташкилий гуруҳга сафар учун тайёр эканлигини билдирган. Лекин, бу вақтларда аёлнинг мурожаатини ижобий якунлаш имконсиз ҳолга келиб бўлган. Мурожаат бўйича қўшимча ҳаракатларни ташкил этиш давомида ҳам, мазкур фуқаро тегишли ҳужжатларни тўлиқ тақдим эта олмаган.

Қўрғонтепа тумани ҳокимлиги ҳар бир юртдошларимизнинг мазкур сафарга бориши ортидан беҳад мамнуниятни ҳис этади. Мазкур имконият ўз вақтида бўлганида, Анора Раҳимова учун ҳам мавжуд эди. Лекин, вақт масаласи бўйича имконсизлик бунга йўл бермади.

Каналга уланиш учун:
@wwwkurgantepauz

Айни соатларда, туманимиздаги зиёратчилар сафарга кузатилмоқда.

Қўрғонтепа тумани бош имом ҳатиби Давронбек Темиров бошчилигида, туман ҳокими Элёрбек Набижонов ҳамда туман прокурори Фарҳодбек Назаровлар зиёратчиларимиз билан учрашишди.

Яхши ва эзгу ниятлар ила, дуога қўллар очилди.

Каналга уланиш учун:
@wwwkurgantepauz