Экспорт 21 та туманда ўтган йилга нисбатан 70 фоизга ҳам етмагани кўрсатиб ўтилди. Ваҳоланки, бу туманларда 80 минг гектар пахта ва ғалла экилмайдиган майдон, яна 55 минг гектар томорқа ери бор.

Ушбу 21 та туман ҳокимига вилоят ҳокимлари билан биргаликда бу борада ўзгариш қилиш бўйича аниқ режаларни тузиш топширилди.

“Маҳсулотларимиз сифатли ва ширин бўлгани учун ташқи бозорларда “Ўзбекистонда етиштирилган” бренди шаклланган”,

- деди давлатимиз раҳбари.

Лекин, айрим “чаққон” савдогарлар ҳаммадан олдин қимматроқ сотишни кўзлаб, хом мевани экспортга чиқараётгани танқид қилинди. Оқибатда хориждаги савдо тармоқлари минглаб тонна Ўзбекистон маҳсулотини хом ҳолатда етказиб берилгани учун қабул қилмаган.

Натижада Ўзбекистонда етиштирилган маҳсулотлар ташқи бозорда ўз ўрнини йўқотиши мумкинлиги қатъий кўрсатиб ўтилди.

Facebook|Instagram|X

Президентимиз хориждаги элчихона ва бош консулхоналарни экспортни кўпайтиришга фаолроқ кўмаклашишга чақирди.

Масалан, бу йилги мева-сабзавот экспортининг 80 фоизи 5 та давлатга – Россия, Покистон, Қозоғистон, Афғонистон ва Хитойга тўғри келади. Ўтган йилга нисбатан Жанубий Корея, Венгрия, Малайзия, Польша, Қозоғистонга камайган.

Буюк Британия, Италия, Швеция, Япония, Ҳиндистон, Қатарга экспорт кутилганидек бўлмаётгани кўрсатиб ўтилди.

Элчихоналардаги савдо маслаҳатчиларининг бу борадаги фаолияти суст экани қайд этилди.

Элчиларга экспортчи корхоналар билан бирга ишлаб, уларга бозор топиш, кўргазмалар ташкил қилиш, савдо уйи ва омбор ташкил қилиш, маҳсулотига сертификат олиш каби масалаларда кўмаклашиш топширилди.

Facebook|Instagram|X

Бундан буён иссиқхоналар, тоифасидан қатъи назар, ер солиғини қишлоқ хўжалиги ерлари ставкасида тўлаши белгиланди. 2028 йилга қадар иссиқхона ишчилари учун ижтимоий солиқ ставкаси 12 фоиздан 1 фоизга туширилади.

Солиқ қўмитасига бутун тизими, таҳлилий ва ақл марказларини сафарбар этиб, иссиқхоналардан қисқартирилган газ қайси соҳаларга йўналтирилгани ва уларнинг самарадорлигини ўрганиш, агар газ берилган бошқа соҳаларда қўшилган қиймат кам бўлса, газни иссиқхоналарга йўналтириш топширилди.

Экологик вазиятни ҳисобга олган ҳолда, Тошкент вилоятидаги иссиқхоналар фаолиятининг ҳаво сифатига салбий таъсири билан боғлиқ муаммоларни узил-кесил ҳал қилиш вазифаси қўйилди.

“Барча эшитиб олсин: иссиқхоналар бу – озиқ-овқат хавфсизлиги, иқтисодий хавфсизлик масаласи ҳисобланади”,

- деди Президентимиз.

Тегишли идораларга соҳада қатъий назорат ўрнатиш топширилди.

Facebook|Instagram|X

Ҳозиргача 200 минг гектарда сув тежовчи технологиялар жорий қилингани катта самара бергани таъкидланди. Натижада 420 миллион кубметр сув иқтисод қилиниб, қўшимча 65 минг гектарда мева-сабзавот етиштириш имконияти яратилди.

Ушбу ишлар учун ўтган йили 2,6 триллион сўм, жорий йил эса 1,2 триллион сўм сарфланди. Йил якунигача яна 10 минг гектарда томчилатиб ва ёмғирлатиб суғоришни йўлга қўйиш, шунингдек, 200 минг гектарни лазерли текислаш учун 1 мингта техника харид қилиш режалаштирилган.

Иқтисодиёт ва молия вазирлигига бу йил учун зарур маблағларнинг молиявий манбасини ҳал қилиш, келаси йил дастури учун 2 триллион сўм ресурс шакллантириш топширилди.

Президентимиз дала четига экин экиш, кооперациялар бўйича қонунлар ва Сув кодексининг қабул қилингани сув танқислиги шароитида озиқ-овқат хавфсизлигини таъминлашга хизмат қилишини таъкидлади. Энди депутат ва сенаторлар, маҳаллий Кенгаш вакиллари қишлоқ хўжалигида даромадни ошириш, экспортни рағбатлантириш, тадбиркорларни стандартлар жорий қилиш ва сертификат олишга ўргатиш бўйича фаол бўлиб, қонунчиликка оид янги таклиф берсалар, бу ҳам мақсадга мувофиқ бўлиши таъкидланди.

Ҳукуматга штаб ташкил қилиб, экспортчи, иссиқхоначи ва бошқа мева-сабзавот етиштирувчилар билан доимий мулоқот платформасини ишга тушириш, тадбиркорларнинг давлат идоралари билан боғлиқ барча муаммоларини аниқлаб, жойида ҳал қилиб бориш вазифаси қўйилди.

Йиғилишда тадбиркорларнинг намунали тажрибалари кўриб чиқилди, мутасаддиларнинг ахбороти тингланди.

Facebook|Instagram|X

🇺🇿 Давлат рамзлари — ифтихоримиз!

Юрт тимсолини юксак кўтариш — бу на фақат фахр, балки муқаддас бурч ҳамдир.Қўрғонтепа туманида фахримиз ва ғуруримиз рамзи бўлган Ўзбекистон Республикаси давлат байроғи юқори нуқталарга ўрнатилди.

Мўъжаз туманимиздаги бўй чўзган байроқлар юртимизга бўлган муҳаббатни, Ватанга садоқатни, ягона халқ ва ягона миллат эканимизни яна бир бор ҳис эттиради.

Бу рамз — тарихимиз, келажагимиз, озодлик ва истиқлол тимсолидир. Бугун бу байроқ ҳилпирар экан, унинг соясида катта мақсадлар сари интилаётган ёшларимизни, тинчликни, фаровон ҳаётни, эзгу орзу-умидларни кўрамиз.

Тумандаги давлат байроқларини ёритувчи махсус видео роликни томоша қилинг ва юртга бўлган муҳаббатингизни яна бир бор ҳис этинг!

🇺🇿 Давлат рамзларини улуғлаш — ҳар биримизнинг муқаддас вазифамиз! 🇺🇿

Қўрғонтепа туман ҳокимлиги матбуот хизмати

Саҳифа: telegram

YouTube | Facebook | Instagram

📣 ИШГА МАРҲАМАТ!

☄️ Khantex Group корхонаси
18 ёшдан 50 ёшгача бўлган эркак ва аёлларни ишга таклиф этади!

Тикув цехига ҳамда сочиқ ва чойшаб цехига — тикувчиликка, қадоқлаш ишига, юк ташувчиликка, дазмол ишига таклиф қиламиз.

Арқоқли тўқув цехи, ип егирув цехи, тўқув трикотаж цехи, пахтани қайта ишлаш цехига — операторликка ишга таклиф қиламиз.

Бўёқ цехига: лаборант аёллар ва ишчи эркаклар таклиф қилинади.

Қуйидаги мутахассислар ҳам керак:
–Техника хавфсизлиги бўйича мутахассис
–Механик
— Слесарь
— Лаборант
— Инженер технолог
— Тўқув бўйича мутахассис

✅ Иш вақти: 8:00 дан 17:00 гача
✅ Ойлик маош: 2 200 000 сўмдан 4 000 000 сўмгача
✅ Ишга келиб-кетиш учун автобус хизмати мавжуд
✅ Ҳар куни бир маҳал иссиқ овқат билан таъминлайди

📞 Боғланиш учун:
👉 +998 90 216 94 48
👉 +998 99 784 00 55

📌 Манзил: Қўрғонтепа тумани, Ат-Термизий кўчаси, Учқун МФЙ, 7А-уй.

Қўрғонтепа туман ҳокимлиги матбуот хизмати

Саҳифа: Lotin

YouTube | Facebook | Instagram

Чет мамлакатларда аҳолини рўйхатга олиш тартиби

Кўпгина мамлакатларда аҳолини рўйхатга олиш қонун билан тартибга солиниши мустаҳкамлаб қўйилган.
Масалан, Буюк Британияда 1920 йилда Қўшма Қиролликда аҳолини рўйхатга олиш тўғрисидаги қонун қабул қилинган. Мазкур қонунда аҳолини рўйхатга олишнинг барча қоидалари, фуқаролар, уй хўжаликлари, корхоналар ва муассасаларнинг қайси тоифалари рўйхатга олиниши, аҳолини рўйхатга олишни ким ўтказиши, сўров варақалари қандай бўлиши кераклиги белгилаб қўйилган.

Бундан ташқари, аҳолини рўйхатга олувчи ҳисобчиларни ёллаш қоидалари, уларнинг хизмат вазифалари ҳамда аҳолини рўйхатга олиш тартиб-қоидалари кўрсатилган.

Батафсил…

Қўрғонтепа туман ҳокимлиги матбуот хизмати

Саҳифа: Lotin

YouTube | Facebook | Instagram